Левит 2:1 - Коми Библия 2023

¹ «Коді кутас вайны Господьлы нянь вись, мед ваяс шобді пызь. Пызяс мед кисьтас олив вый да пызь вылас пуктас ладан.

Левит 2:1 Kruisverwysings

Петӧм 29:2

Босьт медбур шобді пызьысь пӧжасъяс: шомтӧм нянь, выйӧн гудралӧм шомтӧм нянь да выйӧн мавтӧм шомтӧм сӧчӧн.

Исай 43:23

Тэ эн вайлы Меным сотан вись пыдди ыжъясӧс, вись вайӧмӧн эн пыдди пукты Менӧ. Ме эг сьӧктӧдлы тэнӧ, эг тшӧкты вайны Меным нянь, эг тшӧкты вайны чӧскыд ӧвтанторъяс.

Исай 66:20

Сэки тіянлысь вокъяснытӧ, кодъяс олӧны мукӧд войтыр пӧвстын, тарантасъяс да телегаяс вылын, вӧвъяс, мулъяс да верблюдъяс вылын ваясны козин пыдди Господьлы Ерусалимӧ, Менам вежа керӧс вылӧ, – висьталӧ Господь. – Найӧс ваясны сідзи, кыдзи Израиль войтыр сӧстӧм дозмукын вайӧ нянь Господьлӧн крамӧ.

Езекиль 46:20

морт шуис меным: «Тані попъяс мед пуӧны мыж вештан вись пыдди да мыжысь вись пыдди вайӧм пемӧсъяслысь яйсӧ. Тані мед пӧжалӧны нянь вись. Яйсӧ да няньсӧ мед оз петкӧдны ортсы йӧрӧ, медым тайӧ вежаторъяснас эз инмыны войтырыс дінӧ да тадзи эз вежӧдны найӧс».

Йоиль 1:9

Господьлӧн крамӧ оз нин вайны нянь вись ни вина вись. Попъяс – Господьлӧн кесъялысьяс – ыджыд шогынӧсь.

Йоиль 2:14

Гашкӧ, Сійӧ вештас скӧрлунсӧ да бурсиас, сэки ті бара верманныд вайны Господьлы, асланыд Енлы, нянь вись да вина вись.

Левит 14:10

Кӧкъямысӧд луннас проказаысь бурдӧм морт мед босьтас дзоньвидза [арӧса] кык межӧс да дзоньвидза арӧса ыжӧс. Нянь вись пыдди мед босьтас выйӧн гудралӧм шобді пызь да олив вый. Ефа мында пызьсӧ мед юкас дас пельӧ и сэтысь мед босьтас куимсӧ. А выйсӧ мед босьтас ӧти лог мында.

Левит 24:7

Нянь вылас пукты сӧстӧм ладан [да сов]. Тайӧ лоӧ казьтылан вись, Господьлы сотан вись.

Левит 5:11

Коді гӧльлун вӧсна оз вермы вайны кык гулюӧс либӧ кык гулюпиӧс, аслас мыжысь вись пыдди мед ваяс шобді пызь – ефалысь дасӧд юкӧнсӧ. Пызяс мед оз кисьт олив вый, пызь вылӧ мед оз пукты ладан, ӧд тайӧ мыжысь вись.

Левит 6:7

Господь водзын поп вештас мыжа мортлысь мыжсӧ, и ставсӧ, мыйын сійӧ вӧлі мыжа, лоӧ прӧститӧма».

Левит 9:17

Асъя сотан висьысь ӧтдор вайис нянь вись. Нянь висьысь китыр пызь сотіс висьпуктанін вылын.

Левит 9:4

Бурасян вись пыдди мед вайӧдасны Господь водзӧ ӧшкӧс да межӧс, нӧшта мед ваясны выйӧн гудралӧм нянь вись. Талун Господь петкӧдчас тіянлы».

Малакий 1:11

Асыввылын и рытыввылын войтыръяс нимӧдӧны Менӧ, быдлаын тшынӧдчӧны Меным, вайӧны Меным сӧстӧм вись. Менӧ ыдждӧдлӧны войтыръяс, – висьталӧ Господь Саваоф. –

Лыд 18:9

Вежасьыс-вежаторйысь тэныд вичмӧ ставыс, мый оз сотны. Меным вайӧм нянь висьысь, мыжысь висьысь да мыж вештан висьысь вежасьыс-вежаторйыс лоӧ тэныд да пияныдлы.

Лыд 28:5

Нянь вись пыдди вайӧй пычкӧм олив выйӧн гудралӧм шобді пызь. Пызьыс мед вӧлі ефалӧн дасӧд юкӧныс, а выйыс мед вӧлі гинлӧн нёльӧд пайыс.

Лыд 29:18

Ӧш, меж да баля лыд серти накӧд ӧтлаын вайӧй колана мында нянь вись да вина вись, кыдзи тшӧктӧма.

Лыд 7:13

Сійӧ вайис козин пыдди эзысь тасьті да эзысь дозмук. Вежаинса сикель серти тасьтілӧн сьӧктаыс вӧлі сё комын сикель, дозмуклӧн – сизимдас сикель. Тасьті да дозмук тырыс вӧлі олив выйӧн гудралӧм шобді пызь, мый сійӧ вайис нянь вись пыдди.

Лыд 7:19

Сійӧ вайис козин пыдди эзысь тасьті да эзысь дозмук. Вежаинса сикель серти тасьтілӧн сьӧктаыс вӧлі сё комын сикель, дозмуклӧн – сизимдас сикель. Тасьті да дозмук тырыс вӧлі олив выйӧн гудралӧм шобді пызь, мый сійӧ вайис нянь вись пыдди.

Лыд 8:8

Найӧ мед вайӧдасны ӧшкӧс, и ӧшкӧд мед ваясны олив выйӧн гудралӧм шобді пызь, мый лоӧ нянь вись пыдди. А тэ вайӧд мӧд ӧшкӧс, сійӧ лоӧ мыжысь вись пыдди.

Иоан 6:35

Исус шуис: «Ме эм олӧмыслӧн нянь. Ме дінӧ локтысь некор оз кут тшыгъявны, Меным эскысьлӧн горшыс некор оз кут косьмыны.

1 Иоан 2:20

А тіянӧс мавтыштӧма Вежаыс, да ті тӧданныд ставсӧ.

1 Иоан 2:27

Но тіян эм Вежасянь мавтыштӧм. Та вӧсна абу колана, мед кодкӧ велӧдіс тіянӧс. Ӧд мавтыштӧмыс велӧдӧ тіянӧс быдторйӧ, висьталӧ збыльсӧ да оз пӧръясь. Сідзкӧ, олӧй велӧдӧм сертиыс.

Иуда 1:20

Но ті, мусаяс, ёнмӧдӧй асьнытӧ вежа эскӧмнаныд, кевмысьӧй Вежа Лов нуӧдӧм улын.

Восьтӧм 8:3

Сэсся матыстчис нӧшта ӧти андел да сувтіс тшынӧдчан висьпуктанін водзӧ. Киас сійӧ кутіс зарни тшынӧдчан доз. Сылы вӧлі сетӧма уна ладан, медым вежа войтырлӧн кевмысьӧмъяснас пуктыны сійӧс зарни тшынӧдчан висьпуктанін вылӧ, мый сулаліс юралан пуклӧс водзын.