Левит 19:5 - Коми Библия 2023

⁵ Господьлы бурасян висьнытӧ вайигӧн видзӧдӧй, медым вӧлінныд шогманаӧсь.

Левит 19:5 Kruisverwysings

2 Каднебӧг 31:2

Езекей ӧксы индіс попъяслӧн да левитъяслӧн быд котырлы вӧчны ассьыс удж: вайны сотан да бурасян висьяс, сьывны-ошкыны да кесъявны Господьлӧн крамӧ пыранін дорын.

Петӧм 24:5

Израильса том войтырӧс мӧдӧдіс вайны сотан висьяс да начкыны ӧшъясӧс, медым бурасян вись вайны Господьлы.

Езекиль 46:12

Ӧксы кӧ ас кӧсйӧм серти ваяс Господьлы сотан вись либӧ бурасян вись, сылы мед восьтасны асыввыв пыранінсӧ. Сійӧ мед ваяс сотан да бурасян висьяссӧ шойччан лун дырйи моз. Сэсся мед петас, а пыранінсӧ мед пӧдлаласны.

Езекиль 46:2

Ӧксылы колӧ пырны посводзӧд тайӧ пыранінас да сувтны ӧдзӧс курич дорӧ. Попъяс мед ваясны ӧксылысь сотан да бурасян висьяссӧ. Пыранін тагӧс дорын ӧксы мед копыртчылас Господьлы да бӧр петас. Пыраніныс рытӧдзыс мед лоӧ восьса.

Левит 1:3

Сотан висьнас кӧ лоӧ гырысь пемӧс, вись вайысь мед вайӧдас дзоньвидза ӧшкӧс вежа чом пыранін дорӧ. Тадзи вись вайысь лоӧ шогмана Господьлы.

Левит 19:4

Энӧ юрбитӧй идолъяслы, энӧ сывдӧй-вӧчӧй аслыныд бӧлбанъясӧс. Ме – Господь, тіян Енныд.

Левит 19:6

Тіянлы колӧ сёйны вайӧм висьнытӧ сійӧ жӧ лунӧ, но коляс кӧ мыйкӧ, сійӧс позьӧ сёйны мӧд луннас на. Коймӧд лунся яйсӧ колӧ сотны биын.

Левит 22:19

мед ваяс дзоньвидза ӧшкӧс, межӧс либӧ ай кӧзаӧс. Сэки лоанныд Господьлы шогманаӧсь.

Левит 22:21

Коді кутас вайны Господьлы бурасян вись ӧш-мӧс либӧ ыж-кӧза пӧвстысь, лоӧ-ӧ тайӧ висьыс кыв сетан вись либӧ ас кӧсйӧм серти ваян вись [либӧ гаждырся вись], сійӧ мед ваяс дзоньвидза пемӧсӧс, кодлӧн абу некутшӧм тырмытӧмтор. Татшӧм висьыс лоӧ шогмана Господьлы.

Левит 22:23

Пемӧсӧс, кодлӧн кокъясыс туша сертиыс вывті кузьӧсь либӧ дженьыдӧсь, ас кӧсйӧм серти ваян вись пыдди позьӧ вайны, а кыв сетан вись пыдди кӧ татшӧмсӧ ваянныд, висьныд оз ло шогмана Господьлы.

Левит 22:29

Кор ваянныд Господьлы аттьӧалана вись, вайӧй сійӧс сідзи, медым ті вӧлінныд шогманаӧсь Господьлы.

Левит 7:16

Кыв сетан вись либӧ ас кӧсйӧм серти вайӧм вись колӧ сёйны сійӧ жӧ лунӧ, но коляс кӧ мыйкӧ, сійӧс позьӧ сёйны мӧд луннас на.

Левит 7:18

Коймӧд луннас кӧ сёянныд бурасян висьлысь яйсӧ, висьныд оз ло шогмана. Вись вайысьлы бурыс оз ло. Тайӧ яйыс лоӧ пеж, и коді сёяс сійӧс, лоӧ мыжа.