Левит 19:17 - Коми Библия 2023

¹⁷ Эн мустӧмт матыссатӧ, а ӧлӧд сійӧс, медым сыкӧд ӧтвылысь мыж улас эн шед.

Левит 19:17 Kruisverwysings

Олӧм 27:41

Батьыслӧн бурсиӧм вӧсна Исав кутіс мустӧмтны Яков воксӧ. Исав мӧвпыштіс: «Матысмӧны батьным вӧсна бӧрдан лунъяс. Сэки ме виа Яков вокӧс».

Ӧксыяслӧн 2 небӧг 13:22

Авессалом дугдіс сёрнитны Амнонкӧд, ӧд сійӧ ёна мустӧмтіс Амнонӧс Фамар чойсӧ янӧдӧмысь.

Неемий 13:17

Ме чирыштӧмӧн шуи иудаса нималана йӧзлы: «Мыйла ті вӧчанныд татшӧм лёксӧ, пежаланныд шойччан лун?

Псалтыр 141:5

Ме шыася Господь дінӧ, шуа, мый Тэ – менам сайӧдчаніныс, менам пайыс ловъяяслӧн му вылын.

Шусьӧгъяс 9:8

Эн чирышт омӧльтысьӧс – сійӧ мустӧмтас тэнӧ. Чирышт мывкыд мортӧс – сылы тэ муса лоан.

Лука 17:3

Видзчысьӧй таысь! Вокыд кӧ мыж вӧчас тэныд паныд, ӧлӧд сійӧс. Ассьыс мыжмӧмсӧ кӧ восьтас, прӧстит сійӧс.

Римӧ 1:32

Найӧ тӧдӧны Енлысь веськыда мыждӧмсӧ, мый татшӧмтор вӧчысьӧс виччысьӧ кулӧм. Но та вылӧ видзӧдтӧг найӧ вӧчӧны лёксӧ, весиг ошкӧны тадзи вӧчысьясӧс.

1 Коринфӧ 5:2

Оз ӧмӧй тіянлы ков шогсьыны та вӧсна да вӧтлыны ас дорсьыныд татшӧм мортсӧ? А ті пыр на ышнясянныд.

Галатӧ 6:1

Вокъяс, мыжмас кӧ кодкӧ, сэки ті, Лов серти олысьяс, веськӧдӧй сэтшӧмсӧ рам сьӧлӧмӧн. Видзӧдӧй ас бӧрсяныд, мед асьныд энӧ шедӧй ылӧгас.

Ефесӧ 5:11

Энӧ ӧтувтчӧй пемыдас олысьяслӧн ковтӧм уджъясӧ, мӧдарӧ, янӧдӧй найӧс.

1 Тимофейлы 5:20

Мыж вӧчысьӧс янӧд ставныс водзын, медым мукӧдыс тшӧтш полісны.

1 Тимофейлы 5:22

Эн тэрмась ки пуктывны кодкӧ вылӧ, медым эн мыжмы сылӧн мыж вӧчӧм вӧсна. Видз асьтӧ сӧстӧма.

2 Тимофейлы 4:2

ло дась висьтавны Енлысь кывсӧ лӧсялан и лӧсявтӧм кадӧ. Бур велӧдысь моз терпитӧмӧн янӧд, ӧлӧд да туйдӧд.

Титлы 1:13

Веськыда шуӧма на йылысь. Та вӧсна чорыда янӧд татшӧм йӧзсӧ, медым налӧн эскӧмыс вӧлі веськыд.

Титлы 2:15

Тадзи велӧд, ышӧд да янӧд тэныд сетӧм вынӧн. Эн сет асьтӧ некодлы увтыртны.

1 Иоан 2:11

Воксӧ мустӧмтысь ветлӧ пемыдас, сійӧ оз тӧд, кытчӧ мунӧ, ӧд пемыдыс тупкӧма сылысь синсӧ.

1 Иоан 2:9

Коді шуӧ, ме пӧ ветла югыдас, но мустӧмтӧ ассьыс воксӧ, сійӧ пемыдас на.