Левит 18:30 - Коми Библия 2023

³⁰ Олӧй Менам тшӧктӧмъяс серти, а энӧ тіянӧдз олысьяслӧн зывӧк оласног серти. Энӧ пежалӧй асьнытӧ налӧн кодь оласногӧн. Ме – Господь, тіян Енныд».

Левит 18:30 Kruisverwysings

Ӧксыяслӧн 3 небӧг 14:24

Татшӧм юрбитанінъясын вӧліны кырсалысьяс. Иуда войтыр вӧчис быд зывӧксӧ сійӧ войтыръясыс моз, кодъясӧс Господь вӧтліс Израиль войтыр водзысь.

Ӧксыяслӧн 3 небӧг 21:26

Ахав вӧчис зывӧксӧ – юрбитіс идолъяслы аморей войтыр моз, кодӧс Господь вӧтліс Израиль войтыр водзысь.

Ездра 9:1

Тайӧ лоӧмторъясыс бӧрын локтісны ме дінӧ израильса юралысьяс да шуисны: «Израиль войтыр, попъяс да левитъяс абу торйӧдчӧмаӧсь ханаан, хеттей, перезей, евус, аммон, моав, египет да аморей войтыръясысь, и на моз вӧчӧны быд пежсӧ.

Левит 18:29

Татшӧм зывӧкторсӧ вӧчысьӧс лоӧ бырӧдӧма аслас войтыр пӧвстысь.

Левит 19:1

Господь шуис Мӧисейлы:

Левит 20:23

Энӧ олӧй войтыръяс моз, кодъясӧс Ме вӧтла тіян водзысь. Найӧ вӧчӧны став тайӧ зывӧкторсӧ, та вӧсна Ме мустӧмта найӧс.

Левит 22:9

Попъяс мед кутчысясны Менам тшӧктӧмъясӧ. А оз кӧ, найӧ лоӧны мыжаӧсь да куласны. Ме – Господь [Ен], найӧс Вежӧдысь.

Индӧд 11:1

«Радейтӧй Господьӧс, ассьыныд Ентӧ, да олӧй Сылӧн индӧд-тшӧктӧмъяс серти став олан лунъяс чӧжныд.

Индӧд 12:30

видзчысьӧй, мед найӧс бырӧдӧм бӧрын ті энӧ шедӧй налькйӧ да энӧ олӧй на моз. Энӧ юасьӧй тайӧ войтыръяслӧн енъяс йылысь, энӧ юалӧй, кыдзи найӧ кесъялісны асланыс енъяслы, да энӧ вӧчӧй на моз.

Индӧд 12:31

Господьлы, асланыд Енлы, кесъялігӧн на моз энӧ вӧчӧй. Асланыс енъяслы кесъялігӧн найӧ ӧд вӧчӧны сійӧ, мый зывӧктӧ-мустӧмтӧ Господь. Найӧ весиг ассьыныс ныв-писӧ сотӧны асланыс енъяслы.

Ёрдысьяс 20:6

Ме босьті сылысь шойсӧ да кералі, сэсся вир-яй юкӧнъяссӧ ысталі Израиль му пасьтала. Ӧд пеж зывӧктор вӧлі вӧчӧма Израильын.