Левит 17:7 - Коми Библия 2023

⁷ Израильсаяс мед дугдасны вайны висьнысӧ овтӧминса мутияслы, кодъяслы сетчисны кырсалысь ань моз. Тайӧ тшӧктӧмыс лоӧ налы нэмъяс кежлӧ чужысьяссянь чужысьясӧдз.

Левит 17:7 Kruisverwysings

2 Каднебӧг 11:15

Еровам индіс аслыс попъясӧс, медым найӧ кесъялісны вись ваян мылькъяс вылын кӧза да ӧш сяма бӧлбанъяслы, кодъясӧс сійӧ вӧчӧдіс.

Псалтыр 106:37

кӧдзӧны муяс, пуктӧны виноград пуяс, и пуясыс вайӧны уна вотӧс.

Псалтыр 106:39

Но дзескӧдысь вӧсна налӧн лыдыс чинӧ, найӧ сьӧкыдалӧны да шогсьӧны.

Петӧм 22:19

Быдӧнӧс, коді узьлӧ пемӧскӧд, колӧ вины.

Петӧм 22:20

Коді вайӧ вись мукӧд енъяслы Господьлы кындзи, сійӧс мед лоӧ бырӧдӧма.

Петӧм 27:21

Ааронлы да сылӧн пияныслы рытсяньыс асылӧдзыс колӧ видзӧдны би дозъяс бӧрся. Биыс мед ӧзъялас Господь водзын вежа чомйын, ӧшӧдӧм дӧра водзын, мый сайын сулалӧ Йитӧд куд. Тайӧ тшӧктӧмыс лоӧ Израиль пиянлы нэмъяс кежлӧ чужысьяссянь чужысьясӧдз».

Петӧм 32:8

Найӧ ӧдйӧ кежисны Менам туйысь, вунӧдісны Менсьым тшӧктӧмъясӧс. Найӧ вӧчисны аслыныс ӧшкӧс да копыртчисны сылы, вайисны сылы висьяс да шуисны: ”Израиль, тайӧ тэнад ен, сійӧ петкӧдіс тэнӧ Египет муысь!”»

Петӧм 34:15

Энӧ кӧрталӧй йитӧд сійӧ муас олысьяскӧд. Найӧ кырсалысь ань моз сетчӧны асланыс енъяслы, вайӧны налы висьяс да корӧны тіянӧс сёйны, и ті сёянныд налысь висьсӧ.

Еремей 3:1

Господь тадзи висьталӧ: «Верӧсыс кӧ вӧтлас ассьыс гӧтырсӧ, и гӧтырыс кӧ верӧс дінсьыс мунӧм бӧрын петас мӧд сайӧ, сэки верӧсыс оз вермы сійӧс бӧр босьтны. А тадзи кӧ вӧчанныд, мунытӧ пежаланныд. Тэ, Израиль войтыр, кырсалысь ань моз сетчин мукӧд енъяслы, но ӧні бергӧдчы Ме дінӧ, – висьталӧ Господь. –

Езекиль 23:3

Том кадсяньыс найӧ кырсалісны Египетын олігас. Сэні налысь морӧссӧ чабралісны, нывдырся нёньяссӧ шамралісны.

Езекиль 23:8

Том кадас на сійӧ пондіс кырсавны Египетын. Египетсаяс узьлісны сыкӧд, шамралісны сылысь нывдырся нёньяссӧ да могмӧдісны ассьыныс колӧм-кӧсйӧмнысӧ. Тайӧ кадсяньыс Огола эз и дугдывлы кырсавнысӧ.

Левит 17:8

Нӧшта висьтав, мый Израиль войтыр пӧвстысь либӧ йӧз муысь локтысьяс пӧвстысь кӧ кодкӧ ваяс сотан вись либӧ мукӧд вись,

Левит 20:5

сэки тадзи вӧчысьлы да сылӧн рӧдвужлы Ме паныд сувта. Ме бырӧда войтыр пӧвстысь быдӧнӧс, коді кырсалысь ань моз сетчӧ Молок идоллы.

Левит 3:17

Тайӧ тшӧктӧмыс лоӧ тіянлы нэмъяс кежлӧ чужысьяссянь чужысьясӧдз. Быдлаын кутчысьӧй тайӧ тшӧктӧмас: гос да вир энӧ сёйӧй».

Иоан 12:31

Ӧні тайӧ муюгыдсӧ лоӧ мыждӧма, муюгыдас ыджыдалысьсӧ лоӧ вӧтлӧма.

Иоан 14:30

Ог нин уна сёрнит тіянкӧд, ӧд тайӧ муюгыдас ыджыдалысьыс локтӧ нин. Ме вылын сійӧ ыджыдавны оз вермы.

1 Коринфӧ 10:20

Абу! Кор ентӧдтӧмъяс вайӧны вись, найӧ вайӧны пеж ловъяслы, а оз Енлы. Но ме ог кӧсйы, медым ті ӧтувтчинныд пеж ловъяскӧд.

2 Коринфӧ 4:4

Найӧ оз эскыны, ӧд тайӧ муюгыдас ыджыдалысь омӧльыс пемдӧдӧма налысь вежӧрсӧ, мед найӧ эз аддзыны Бур Юӧрлысь югыдсӧ, коді восьтӧ Кристослысь дзирдлунсӧ, а Кристос эм Енлӧн пертасыс.

Ефесӧ 2:2

Ӧд водзынсӧ ті олінныд тайӧ муюгыдсаыс моз, енэж улас ыджыдалысь антуслысь кывзысьӧмӧн. Тайӧ пеж лолыс ӧнӧдз на веськӧдлӧ кывзысьтӧмъясӧн.

Индӧд 31:16

Господь шуис Мӧисейлы: «Регыд тэ вуджан батьясыд дінӧ. А тайӧ войтырыс эновтас Менӧ сійӧ муас, кытчӧ пырас. Кырсалысь ань моз найӧ сетчасны мукӧд енъяслы да торкасны йитӧдӧс, мый Ме кӧрталі накӧд.

Индӧд 32:17

Найӧ вайисны висьяссӧ эз Енлы, а пеж ловъяслы, тӧдтӧм выль енъяслы, орччӧн олысь войтыръяслӧн енъяслы, кодъясӧс батъясныс эз тӧдлыны.

Восьтӧм 9:20

Мукӧд йӧзыс, кодъяс тайӧ бырӧданторъяссьыс ловйӧн колины, эз бергӧдчыны асланыс лёк уджъясысь. Найӧ важ мозыс копрасисны мутияслы да зарниысь, эзысьысь, ыргӧнысь, изйысь да пуысь вӧчӧм идолъяслы, кодъяс оз вермыны аддзыны, кывны ни ветлыны.