Левит 17:11 - Коми Библия 2023

¹¹ ӧд быд ловъя олысьлӧн олӧмыс сылӧн вирас. Мыжнытӧ вештӧм могысь Ме тшӧкті тіянлы вир вайны висьпуктанін вылӧ, ӧд вирын олӧм, и сійӧ вештӧ мыжнытӧ.

Левит 17:11 Kruisverwysings

Олӧм 9:4

Сӧмын энӧ сёйӧй яй, кӧні эм вир, ӧд вирын – олӧмыс.

Левит 1:5

Сійӧ мед начкас ӧшсӧ Господь водзын. А попъяс, Ааронсянь чужысьяс, мед ваясны ӧшлысь вирсӧ да резасны вежа чом пыранін дорысь висьпуктанінсӧ быд боксянь.

Левит 16:11

Аарон мед начкас ӧшкӧс да ваяс сійӧс мыжысь вись пыдди ас вӧснаыс, медым вештыны ассьыс да гортсаясыслысь мыжсӧ.

Левит 17:12

Та вӧсна Ме ӧлӧді Израиль пиянӧс, медым на пӧвстысь либӧ йӧз муысь локтысьяс пӧвстысь некод эз сёй вир.

Левит 17:14

Быд ловъя олысьлӧн олӧмыс сылӧн вирас. Ме ӧлӧді Израиль пиянӧс, медым эз сёйны некутшӧм вир, ӧд быд ловъя олысьлӧн олӧмыс сылӧн вирас. Вир сёйысьӧс лоӧ бырӧдӧма.

Левит 4:25

Поп мед кӧтӧдас чуньсӧ вись вирнас да мавтас висьпуктанінлысь сюръяссӧ, а коляс вирсӧ мед кисьтас висьпуктанін улӧ.

Левит 4:26

Став госсӧ мед сотас висьпуктанін вылын, кыдзи сотӧны бурасян висьлысь госсӧ. Тадзи поп вештас юралысьлысь мыжсӧ, и сійӧс лоӧ прӧститӧма.

Левит 8:15

Мӧисей начкис ӧшсӧ, сэсся чуньсӧ кӧтӧдіс ӧш вирнас да мавтыштіс висьпуктанінлысь сюръяссӧ быд боксянь, медым сӧстӧммӧдны висьпуктанінсӧ. Коляс вирсӧ койыштіс висьпуктанін улӧ. Тадзи Мӧисей вежӧдіс-сӧстӧммӧдіс висьпуктанінсӧ.

Матвей 20:28

Ӧд Морт Пи эз лок, медым Сылы кесъялісны. Сійӧ локтіс кесъявны да сетны Ассьыс олӧмсӧ уна вӧсна вештысьӧм могысь».

Матвей 26:28

Тайӧ Менам вир – Выль Йитӧдлӧн вир, сійӧ киссьӧ уналысь мыжъяссӧ прӧститӧм вӧсна.

Марк 14:24

Исус шуис налы: «Тайӧ Менам вир – Выль Йитӧдлӧн вир, сійӧ киссьӧ уна вӧсна.

Римӧ 3:25

Енмыс сетіс Кристосӧс мыж вештан вись пыдди, Сылӧн вирыс мездӧ быдӧнӧс эскӧм пыр. Терпитӧмнас Ен петкӧдліс Ассьыс веськыдлунсӧ: прӧститіс йӧзлысь важся мыжъяссӧ. Ӧні Енмыс петкӧдлӧ Ассьыс веськыдлунсӧ сыын, мый Сійӧ Ачыс веськыд да вӧчӧ веськыдӧн Исуслы эскысьясӧс.

Римӧ 5:9

Ӧні Кристослӧн вирыс пыр миянӧс шуӧма веськыдӧн, сідзкӧ, дерт нин, Кристос пыр ми мынам локтана скӧрлунысь.

Ефесӧ 1:7

Кристос вештысис миян вӧсна Аслас вирнас да прӧститіс мыжъяснымӧс. Сэтшӧм ыджыд Енмыслӧн буралӧмыс!

Индӧд 12:23

Эн сёй вирсӧ, ӧд вирын – олӧмыс. Та вӧсна яйсӧ вирнас эн сёй.

Колосӧ 1:14

Ӧд Пиыс вештысис миян вӧсна Аслас вирнас да прӧститіс мыжъяснымӧс.

Колосӧ 1:20

медым Сы пыр сетны бурасьӧм да Сылӧн крествывса вирнас бурӧдны Аскӧдыс мувывсасӧ да енэжвывсасӧ.

Еврейяслы 13:12

Исус тшӧтш куліс кар ортсыас, медым Аслас вирӧн вежӧдны йӧзсӧ.

Еврейяслы 9:22

Индӧд серти унджыкыс сӧстӧммӧ вирӧн, и вир кисьттӧг оз вермы лоны мыжсӧ прӧститӧмыс.

1 Петыр 1:2

Ен Бать водзысяньыс бӧрйӧма да вежӧдӧма тіянӧс Аслас Ловнас, медым ті кывзысинныд Исус Кристослысь да сӧстӧмминныд Сылӧн вирнас. Буралӧмыс да лӧньлуныс мед содас тіянлы.

1 Иоан 1:7

Сы моз кӧ югыдас ветлам, сэки миян эм ӧта-мӧдкӧд ӧтувтчӧм, сэки Исус Кристос Ен Пилӧн вирыс сӧстӧммӧдӧ миянӧс быдпӧлӧс мыжысь.

1 Иоан 2:2

Сійӧ – миянлысь мыжнымӧс вештысь, и абу сӧмын миянлысь, а став муюгыдыслысь.

Восьтӧм 1:5

да Исус Кристоссянь. Сійӧ – эскана Висьталысь, Сійӧ медводдзаӧн ловзис кулӧмысь да ыджыдалӧ мувывса ӧксыяс вылын. Сылы ми ёна мусаӧсь. Аслас вирӧн Сійӧ мыськаліс миянӧс мыжъясысь,