Левит 17:10 - Коми Библия 2023

¹⁰ «Израиль войтыр пӧвстысь либӧ йӧз муысь локтысьяс пӧвстысь кӧ кодкӧ сёяс вир, Ме паныд сувта сылы да бырӧда сійӧс войтыр пӧвстысь,

Левит 17:10 Kruisverwysings

Олӧм 9:4

Сӧмын энӧ сёйӧй яй, кӧні эм вир, ӧд вирын – олӧмыс.

Ӧксыяслӧн 2 небӧг 23:17

«Господьӧй, ме ог вермы юны тайӧ васӧ! Тайӧ – йӧзлӧн вир, найӧ дасьӧсь вӧліны воштыны олӧмнысӧ», – шуис Давид и эз кут юны. Татшӧм уджъяс вӧчисны тайӧ куим тышкамортыс.

Псалтыр 34:16

пиньнысӧ йирӧмӧн найӧ наяна сералісны ме вылын.

Петӧм 30:33

Коді вӧчас татшӧм выйсӧ либӧ мавтыштас бокысаӧс, сійӧс лоӧ бырӧдӧма аслас войтыр пӧвстысь».

Еремей 21:10

Ме шуи вӧчны тайӧ карыслы лёксӧ, а эг бурсӧ, – висьталӧ Господь. – Тайӧ карсӧ лоӧ сетӧма вавилонса ӧксы киӧ, и сійӧ сотас тайӧ карсӧ».

Еремей 44:11

Та вӧсна Господь Саваоф, Израильлӧн Ен, тадзи висьталӧ: Ме бергӧда чужӧмӧс тіянлы лёк вылӧ да бырӧда став Иуда войтырсӧ.

Езекиль 14:8

паныд сувта сылы, вӧча сійӧс пасӧн да сёрнитанторйӧн. Ме бырӧда сійӧс Аслам войтыр пӧвстысь. Сэки ті тӧдмаланныд, мый Ме – Господь.

Езекиль 15:7

Ме сувта налы паныд. Найӧ вермасны петны биысь, но мӧд би ньылыштас найӧс. Кор Ме сувта налы паныд, сэки ті тӧдмаланныд, мый Ме – Господь.

Езекиль 33:25

Та вӧсна шу налы, мый Господь Ыджыдыс тадзи висьталӧ: ті сёянныд яйсӧ вирнас, юрбитанныд идолъясныдлы да вир кисьтанныд. Тіян-ӧ тайӧ муыс?

Езекиль 44:7

Ті вайӧданныд Менам вежаинӧ йӧз муысь локтысьясӧс, сьӧлӧмнас да вир-яйнас вундыштчытӧмъясӧс. На дырйи Меным гос да вир вайӧмӧн ті пежаланныд Менсьым крамӧс. Асланыд пеж уджъясӧн ті торканныд йитӧдӧс, мый Ме кӧрталі тіянкӧд.

Левит 17:11

ӧд быд ловъя олысьлӧн олӧмыс сылӧн вирас. Мыжнытӧ вештӧм могысь Ме тшӧкті тіянлы вир вайны висьпуктанін вылӧ, ӧд вирын олӧм, и сійӧ вештӧ мыжнытӧ.

Левит 19:26

Энӧ сёйӧй яйсӧ вирнас. Энӧ тунасьӧй, энӧ кимӧститчӧй.

Левит 26:17

Ме тіянлы паныд сувта. Вӧрӧгныд вермас тіянӧс, мустӧмтысьныд кутас ыджыдавны тіян вылын. Ті котӧрӧн пышъянныд, кӧть вӧтӧдысьыс оз ло.

Левит 3:17

Тайӧ тшӧктӧмыс лоӧ тіянлы нэмъяс кежлӧ чужысьяссянь чужысьясӧдз. Быдлаын кутчысьӧй тайӧ тшӧктӧмас: гос да вир энӧ сёйӧй».

Амос 9:4

Вӧрӧг кӧ нуӧдас найӧс пленӧ, и сэні шыпуртлы тшӧкта виавны найӧс. Видзӧдла на вылӧ шог вайӧм могысь, бурсӧ налы ог вай.

Ап. уджъяс 15:20

Сӧмын колӧ гижны налы, медым видзасны асьнысӧ идоллы вайӧм пеж сёянысь, кырсалӧмысь, джагалӧм пемӧс яй сёйӧмысь да вир юӧмысь, нӧшта, мед оз вӧчны мукӧдыслы сійӧ, мый оз кӧсйыны аслыныс.

Ап. уджъяс 15:29

Видзӧй асьнытӧ идоллы вайӧм сёянысь, вир юӧмысь, джагалӧм пемӧс яй сёйӧмысь да кырсалӧмысь, энӧ вӧчӧй мукӧдлы сійӧ, мый онӧ кӧсйӧй аслыныд. Тайӧ тшӧктӧмъяс сертиыс кӧ оланныд, бур лоас. Олӧй бура!»

Индӧд 12:16

Вирсӧ сӧмын энӧ сёйӧй, ва моз койыштӧй сійӧс му вылӧ.

Индӧд 12:23

Эн сёй вирсӧ, ӧд вирын – олӧмыс. Та вӧсна яйсӧ вирнас эн сёй.

Индӧд 15:23

Вирсӧ сӧмын энӧ сёйӧй, ва моз койыштӧй сійӧс му вылӧ».

Еврейяслы 10:29

сідзкӧ, кымын пӧв чорыдджыка лоӧ мыждӧма сійӧс, коді талялӧ Енлысь Писӧ, оз лыддьы вежаӧн Енкӧд йитысь да эскысьӧс вежӧдысь вирсӧ, да нӧшта лёкӧдӧ Ловсӧ, коді восьтӧ Енлысь буралӧмсӧ.

Ӧксыяслӧн 1 небӧг 14:32

Сэки найӧ уськӧдчисны босьтавны филистимсаяслысь ыжъяссӧ, ӧшъяссӧ да куканьяссӧ. Сэсся му вылас начкисны найӧс да сёйисны яйсӧ вир сорнас.

Ӧксыяслӧн 1 небӧг 14:33

Сауллы висьталісны, тэнад йӧзыд пӧ мыж вӧчӧны Господьлы паныд – сёйӧны вир сора яй. Саул шуис йӧзыслы: «Ті мыжминныд. Путкыльтӧй меным татчӧ ыджыд из».