Левит 16:29 - Коми Библия 2023

²⁹ Сизимӧд тӧлысьлӧн дасӧд лунӧ раммӧдчӧй-видзалӧй, некутшӧм удж энӧ вӧчӧй, ни вужвойтыр, ни йӧз муысь локтысьяс. Олӧй тайӧ тшӧктӧмыс серти нэмъяс чӧж.

Левит 16:29 Kruisverwysings

Ӧксыяслӧн 3 небӧг 8:2

Гажӧдчан лунъяс дырйи, этаним нима сизимӧд тӧлысьӧ, израильсаяс чукӧртчисны Соломон ӧксы дінӧ.

Ездра 3:1

Сизимӧд тӧлысьнас став Израиль войтыр локтіс асланыс каръясысь да чукӧртчис Ерусалимӧ.

Ездра 8:21

Ахава ю дорын ме тшӧкті видзавны, медым раммӧдчыны асланым Ен водзын да корны Сійӧс видзны миянӧс, челядьнымӧс да став эмбур-озырлуннымӧс туяным.

Псалтыр 35:13

Видзӧдлы, лёк вӧчысьяс усисны! Енмыс уськӧдіс найӧс кок йывсьыныс, и найӧ оз вермыны сувтнысӧ. Ошкӧм.

Петӧм 12:16

Медводдза лунӧ да сизимӧд лунӧ тіян мед лоӧ вежа чукӧртчӧм. Некутшӧм удж энӧ вӧчӧй тайӧ лунъясӧ, сӧмын сёян позьӧ лӧсьӧдны.

Петӧм 20:10

а сизимӧд луныс шойччан лун, торйӧд сійӧс Господьлы, аслад Енлы. Тайӧ лунӧ тэ, тэнад ныв-пиыд, кесйӧгыд, кесйӧг аньыд, [тэнад ӧшкыд, осёлыд,] ыж-мӧскыд да йӧз муысь локтысьыд, коді олӧ тэ ордын, некутшӧм удж энӧ вӧчӧй.

Петӧм 30:10

Ӧтчыдысь вонас Аарон мед сӧстӧммӧдас висьпуктанінлысь сюръяссӧ. Мыжысь висьлӧн вирнас сійӧ ӧтчыдысь вонас мед сӧстӧммӧдас висьпуктанінсӧ. Тадзи колӧ вӧчны чужысьяссянь чужысьясӧдз. Тайӧ висьпуктаніныс лоӧ вежасьыс-вежа, сійӧ – Господьлӧн».

Петӧм 31:14

Энӧ торкӧй шойччан лунсӧ, ӧд тайӧ луныс тіянлы вежа. Коді пежалас шойччан лун, сійӧс колӧ вины. Коді тайӧ лунӧ кутас уджавны, сійӧс лоӧ бырӧдӧма аслас войтыр пӧвстысь.

Петӧм 31:15

Квайт лун уджалӧй, а сизимӧд луныс – шойччан лун, сиӧма Господьлы. Быдӧнӧс, коді кутас уджавны шойччан лунӧ, колӧ вины.

Исай 58:13

Тэ кӧ видзан коктӧ шойччан лун торкӧмысь, он кӧ ов аслад кӧсйӧм серти Менам вежа лунӧ, шуан кӧ шойччан лунсӧ олан гажӧн, пыдди пуктан кӧ Господьлысь вежа лунсӧ, видзан кӧ асьтӧ быдлунся удж вӧчӧмысь, ас кӧсйӧм серти олӧмысь да нинӧм абусӧ сёрнитӧмысь,

Исай 58:3

Найӧ шуӧны: «Ми видзалам, но Тэ он аддзы тайӧс, ми раммӧдам асьнымӧс, но Тэ он тӧд та йылысь!» Асланыд видзалігӧн ті вӧчанныд, мый кӧсъянныд, сьӧкыд уджӧн ті дзескӧданныд тіянлы уджалысьясӧс.

Исай 58:5

Ме ӧмӧй кӧсъя татшӧм видзалӧмсӧ, кӧсъя ӧмӧй татшӧм раммӧдан лунсӧ, кор эжӧр моз копыртанныд юрнытӧ, вольсаланныд ас уланыд чорыд дӧра, куйланныд пӧим вылын? Тайӧс ӧмӧй позьӧ шуны видзалӧмӧн, Господьлы шогмана лунӧн?

Даниил 10:12

Сійӧ шуис меным: «Эн пов, Даниил! Тэнсьыд кевмӧмтӧ кылӧма медводдза лунсяньыс, кор тэ раммӧдін сьӧлӧмтӧ аслад Ен водзын, медым гӧгӧрвоны сійӧ, мый тэ аддзылін. И ме локті тэнад кевмӧм вӧсна.

Даниил 10:3

Тайӧ куим вежон чӧжыс чӧскыд сёян эг сёйлы, яй да вина вомам эг босьтлы, юрӧс выйӧн эг мавтлы.

Левит 23:21

Сійӧ лунӧ тіян мед лоӧ вежа чукӧртчӧм. Некутшӧм удж сэки энӧ вӧчӧй. Тайӧ тшӧктӧмыс тіянлы нэмъяс кежлӧ чужысьяссянь чужысьясӧдз быдлаын, кӧні ті кутанныд овны.

Левит 23:3

Квайт лун уджалӧй, а сизимӧд луныс мед лоӧ шойччан лун. Сэки тіян мед лоас вежа чукӧртчӧм, некутшӧм удж энӧ вӧчӧй. Тайӧ луныс мед лоӧ Господьлы сиӧм шойччан лун быдлаын, кӧні кутанныд овны».

Левит 23:36

Сизим лун чӧж вайӧй Господьлы вись, а кӧкъямысӧд луннас тіян мед лоӧ вежа чукӧртчӧм, сэки тшӧтш вайӧй Господьлы вись. Некутшӧм удж энӧ вӧчӧй.

Левит 25:9

сизимӧд тӧлысьлӧн дасӧд лунӧ – Мыж вештан лунӧ – буксӧй буксанӧн став му пасьтала.

Левит 3:17

Тайӧ тшӧктӧмыс лоӧ тіянлы нэмъяс кежлӧ чужысьяссянь чужысьясӧдз. Быдлаын кутчысьӧй тайӧ тшӧктӧмас: гос да вир энӧ сёйӧй».

Лыд 29:7

Сизимӧд тӧлысьлӧн дасӧд лунӧ тіян мед лоӧ вежа чукӧртчӧм. Сэки раммӧдчӧй-видзалӧй, некутшӧм удж энӧ вӧчӧй.

Ап. уджъяс 27:9

Уна кад ми сэні воштім, весиг Видзалан лун нин коли бӧрӧ, и татшӧм тӧланас водзӧ кывтны эз позь. Сэки Павел шыасис:

1 Коринфӧ 11:31

Ми кӧ водзвыв тӧдмалам асьнымӧс, сэки Господь оз кут мыждыны миянӧс.

Еврейяслы 4:10

Ӧд мортыс кӧ пырӧма нин Енлӧн шойччанінӧ, сійӧ Енмыс моз шойччӧ аслас уджъясысь.

Ӧксыяслӧн 1 небӧг 7:6

Израильсаяс локтісны Миспаӧ. Сэні найӧ гумлалісны ва да кисьталісны му вылӧ Господь водзын, тайӧн петкӧдлісны мыжсьыныс бергӧдчӧмнысӧ. Сійӧ лунӧ найӧ видзалісны да висьтасисны, ми пӧ мыж вӧчим Господьлы паныд. Тадзи Миспа карын Израиль войтыр чукӧртчис Самуил ёрдысь водзӧ.