Левит 16:26 - Коми Библия 2023

²⁶ Овтӧминӧ кӧзаӧс нуӧдысьыс мед мыськалас паськӧмсӧ да ачыс тшӧтш мыссяс, сӧмын та бӧрын вермас локны йӧз дінӧ чомъясӧ.

Левит 16:26 Kruisverwysings

Левит 11:24

Ті лоанныд пежӧсь, инмӧдчанныд кӧ пеж пемӧслӧн шойӧ. Инмӧдчысь рытӧдзыс лоӧ пеж.

Левит 11:25

Пеж пемӧслысь шойсӧ нуысь-петкӧдысь мед мыськалас паськӧмсӧ, сійӧ рытӧдзыс лоӧ пеж.

Левит 11:27

Нёль кока пемӧсъяс пӧвстысь лапаяс вылын ветлӧдлысьяс тіянлы пежӧсь. Коді инмӧдчас налӧн шойӧ, сійӧ рытӧдзыс лоӧ пеж.

Левит 11:28

Налысь шойсӧ нуысь-петкӧдысь мед мыськалас паськӧмсӧ, сійӧ рытӧдзыс лоӧ пеж. Татшӧм пемӧсъясыс тіянлы пежӧсь.

Левит 11:31

Найӧ тіянлы пежӧсь. Коді инмӧдчас налӧн шойӧ, сійӧ рытӧдзыс лоӧ пеж.

Левит 11:32

Татшӧм котралысь-веглясьысьлӧн шойыс кӧ усяс пуысь вӧчӧм дозмук-кӧлуй вылӧ, паськӧм вылӧ, кучик вылӧ либӧ чорыд дӧра вылӧ, сэки татшӧм кӧлуйыс лоӧ пеж. Сійӧс колӧ видзыштны ваын. Рытӧдзыс сійӧ лоӧ пеж, а сэсся лоӧ сӧстӧм.

Левит 11:39

Кулас кӧ пемӧс, кодӧс тіянлы позьӧ сёйны, и сылӧн шой дінӧ кодкӧ кӧ инмӧдчас, сійӧ рытӧдзыс лоӧ пеж.

Левит 11:40

Коді сёяс татшӧм яйсӧ либӧ нуас-петкӧдас шойсӧ, сылы колӧ мыськавны паськӧмсӧ, сійӧ рытӧдзыс лоӧ пеж.

Левит 14:8

Сӧстӧммӧдчысь мед мыськалас паськӧмсӧ, шырсяс-бритчас да мыссяс. Та бӧрти сійӧ лоӧ сӧстӧм и вермас бӧр локны войтыр пӧвстӧ. Но аслас чомйӧ сизим лун чӧж мед оз на пыр.

Левит 15:27

Быдӧн, коді инмӧдчылас сылӧн куйланінас либӧ пукаланінас, лоӧ пеж. Сылы колӧ мыськавны паськӧмсӧ да аслыс тшӧтш мыссьыны. Рытӧдзыс сійӧ лоӧ пеж.

Левит 16:10

а мӧдсӧ мед сувтӧдас ловйӧн Господь водзӧ. Мыж вештӧм могысь мед пуктасны мыжъяссӧ кӧза вылас да вӧтласны овтӧминӧ. [Тайӧ кӧзаыс ас вылас нуас Израиль пиянлысь мыжъяссӧ овтӧминӧ.]

Левит 16:25

Мыжысь висьлысь госсӧ мед сотас висьпуктанін вылын.

Левит 16:28

Сотысьыс мед мыськалас паськӧмсӧ да ачыс тшӧтш мыссяс, сӧмын та бӧрын вермас локны йӧз дінӧ чомъясӧ.

Левит 16:8

Ай кӧзаяссӧ сійӧ мед торйӧдас пудъясьӧмӧн: ӧтисӧ мед ваясны Господьлы вись пыдди, мӧдсӧ мед нуӧдасны овтӧминӧ.

Лыд 19:21

Тайӧ тшӧктӧмыс тіянлы нэмъяс кежлӧ. Сӧстӧммӧдчан ваӧн резысь мед тшӧтш мыськалас ассьыс паськӧмсӧ. Сӧстӧммӧдчан ваӧ инмӧдчылысь рытӧдзыс лоӧ пеж.

Еврейяслы 7:19

Ӧд Индӧдыс нинӧм эз вермы вайӧдны тыр-бурӧдз. Но миянлы сетӧма лача, коді ёна бурджык Индӧдыс дорысь. Тайӧ лачаыс отсӧгӧн ми матыстчам Ен дінӧ.