Левит 16:2 - Коми Библия 2023

² Господь шуис Мӧисейлы: «Висьтав Аарон вокыдлы, мый сылы оз позь быд кадӧ пырны Вежаинын ӧшалысь дӧра сайӧ, Йитӧд куд водзӧ [мыж лэдзанін водзӧ], медым сійӧ эз кув. Ӧд Йитӧд куд вевт весьтас Ме кута петкӧдчыны кымӧр пытшкын.

Левит 16:2 Kruisverwysings

Ӧксыяслӧн 3 небӧг 6:16

Крам помас Соломон вӧчис вежӧс да торйӧдіс сійӧс сус пу пӧвъясысь вӧчӧм стенмӧн. Тайӧ пыді вежӧсыс вӧлі Вежасьыс-вежаин, сылӧн кузьтаыс вӧлі кызь гырддза.

Ӧксыяслӧн 3 небӧг 8:6

Попъяс пыртісны Господьлысь Йитӧд кудсӧ крамлӧн пыді вежӧсӧ – Вежасьыс-вежаинӧ – да пуктісны сійӧс индӧм местаӧ херувимъяслӧн бордъяс улӧ.

2 Каднебӧг 5:14

Кымӧр вӧсна попъяс эз вермыны водзӧ кесъявны, ӧд Господьлӧн дзирдлуныс тыртіс крамсӧ.

Петӧм 30:10

Ӧтчыдысь вонас Аарон мед сӧстӧммӧдас висьпуктанінлысь сюръяссӧ. Мыжысь висьлӧн вирнас сійӧ ӧтчыдысь вонас мед сӧстӧммӧдас висьпуктанінсӧ. Тадзи колӧ вӧчны чужысьяссянь чужысьясӧдз. Тайӧ висьпуктаніныс лоӧ вежасьыс-вежа, сійӧ – Господьлӧн».

Левит 16:13

Тшынӧдчанторсӧ Аарон мед пуктас Господь водзӧ би вылӧ. Сэки тшыныс вевттяс Йитӧд кудлысь вевтсӧ, и Аарон оз кув.

Левит 16:34

Олӧй тайӧ тшӧктӧмыс серти нэмъяс чӧж. Ӧтчыдысь вонас поп мед вештас Израиль войтырлысь став мыжсӧ». Аарон вӧчис сідзи, кыдзи Господь тшӧктіс Мӧисейлы.

Левит 23:27

«Сизимӧд тӧлысьлӧн дасӧд луныс – Мыж вештан лун. Сэки тіян мед лоас вежа чукӧртчӧм. Раммӧдчӧй-видзалӧй да вись вайӧй Господьлы.

Левит 8:35

Сизим лун чӧж, лун и вой, олӧй вежа чом пыранін дорын да ставсӧ вӧчӧй Господьлӧн тшӧктӧмъяс серти, медым ті энӧ кулӧй. Тадзи меным тшӧктӧма [Господь Ен]».

Лыд 17:10

Господь шуис Мӧисейлы: «Ааронлысь бедьсӧ бӧр пукты Йитӧд куд водзӧ. Беддьыс лоӧ кывзысьтӧм йӧзлы пасӧн, медым найӧ эз ропкыны Ме вылӧ и та вӧсна эз кувны».

Лыд 18:7

А тэ да тэнад пияныд кесъялӧй попъясӧн висьпуктанін дорын да Вежаинын ӧшалысь дӧра сайын. Попъясӧн кесъялӧмыс – Месянь козин тіянлы. Но бокыса морт кӧ матыстчас вежа чом дорӧ, сійӧс лоӧ виӧма».

Лыд 4:19

Аарон да сылӧн пияныс мед индасны Кааф пиянлы, кодлы мый колӧ вӧчны да мый новлӧдлыны. Вежасьыс-вежаинлань матыстчигӧн Кааф рӧдыс медым эз кув, а ловйӧн колис,

Лыд 4:5

Израиль войтырлӧн туйӧ петтӧдзыс Аарон пияныскӧд мед пырасны вежа чомйӧ, босьтасны ӧшӧдӧм дӧрасӧ да вевттясны сыӧн Йитӧд кудсӧ.

Матвей 27:51

Сэки крамын ӧшалысь дӧраыс вывсяньыс улӧдзыс кык пельӧ косяссис. Муыс вӧрзьывліс, из керӧсъяс потісны.

Еврейяслы 6:19

Миян олӧмын тайӧ лачаыс зумыд якӧр кодь, сійӧ видзӧ миянӧс да отсалӧ миянлы пырны крамын ӧшалысь дӧра сайӧ, Вежасьыс-вежаинӧ.

Еврейяслы 9:25

Сійӧ пырис енэжас эз сы могысь, медым выльысь вайны Асьсӧ вись пыдди. Но аркирей быд во пырӧ Вежасьыс-вежаинӧ пемӧс вирӧн.

Еврейяслы 9:3

Мӧд вежӧссӧ вӧлі торйӧдӧма ӧшӧдӧм дӧраӧн. Тайӧ вежӧсыс шусис Вежасьыс-вежаин.

Еврейяслы 9:5

Куд вевт вылас сулалісны херувимъяс, Ен дзирдлуна анделъяс. Налӧн бордъясыс вевттисны куд вевтсӧ – мыж лэдзанінсӧ. Но унасӧ та йылысь ӧні огӧ кутӧй сёрнитны.

Восьтӧм 15:8

Енлӧн дзирдлунысь да Сылӧн вынысь крамыс тырис тшынӧн. Крамас некод эз вермы пырнысӧ, кытчӧдз эз помась сизим анделлӧн сизим бырӧданторйӧн удж вӧчӧмыс.