Левит 16:18 - Коми Библия 2023

¹⁸ Вежа чомйысь петӧм бӧрын Аарон мед сувтас Господь водзын сулалысь висьпуктанін дорӧ да сӧстӧммӧдас сійӧс. Ӧш вирӧн да кӧза вирӧн мед мавтас висьпуктанінлысь сюръяссӧ быд боксянь.

Левит 16:18 Kruisverwysings

Петӧм 30:10

Ӧтчыдысь вонас Аарон мед сӧстӧммӧдас висьпуктанінлысь сюръяссӧ. Мыжысь висьлӧн вирнас сійӧ ӧтчыдысь вонас мед сӧстӧммӧдас висьпуктанінсӧ. Тадзи колӧ вӧчны чужысьяссянь чужысьясӧдз. Тайӧ висьпуктаніныс лоӧ вежасьыс-вежа, сійӧ – Господьлӧн».

Езекиль 43:20

Босьт ӧшлысь вирсӧ да мавтышт сыӧн висьпуктанінлысь нёльнан сюрсӧ, тшупӧдлысь нёльнан пельӧссӧ да дорышъяссӧ. Тадзи сӧстӧммӧдан висьпуктанінсӧ.

Езекиль 43:22

Мӧд луннас мыжысь вись пыдди вай дзоньвидза ай кӧзаӧс, медым ӧш вирӧн моз сӧстӧммӧдны висьпуктанінсӧ.

Езекиль 45:19

мыжысь вись вайӧмӧн. Поп мед босьтас ӧшлысь вирсӧ да мавтас вирнас крам куричьяс, висьпуктанін тшупӧдлысь нёльнан пельӧссӧ да пытшкӧс йӧрӧ пыранінлысь куричьяссӧ.

Левит 16:16

Татшӧм ногӧн сійӧ сӧстӧммӧдас Вежасьыс-вежаинсӧ Израиль пиянлӧн пежсьыс да мыжсьыс. Израиль пиян пӧвстын сулалысь вежа чомсӧ мед ставнас сӧстӧммӧдас налӧн пежсьыс.

Левит 16:17

Мед некод оз ло вежа чомйын, кор Аарон пырас сэтчӧ, медым вештыны ассьыс, гортсаясыслысь да Израиль войтырлысь мыжсӧ. Кытчӧдз сійӧ оз пет вежа чомйысь, сэтчӧ мед некод оз пыр.

Левит 4:18

Мед мавтас тайӧ вирнас Господь водзын вежа чомйын сулалысь [тшынӧдчан] висьпуктанінлысь сюръяссӧ, а коляс вирсӧ мед кисьтас вежа чом пыранін дорын сулалысь висьпуктанін улӧ.

Левит 4:25

Поп мед кӧтӧдас чуньсӧ вись вирнас да мавтас висьпуктанінлысь сюръяссӧ, а коляс вирсӧ мед кисьтас висьпуктанін улӧ.

Левит 4:7

Поп мед мавтас тайӧ вирнас Господь водзын вежа чомйын сулалысь тшынӧдчан висьпуктанінлысь сюръяссӧ, а коляс вирсӧ мед кисьтас вежа чом пыранін дорын сулалысь висьпуктанін улӧ.

Лыд 28:22

Мыжысь вись пыдди вайӧй ай кӧзаӧс, медым вештыны мыжнытӧ.

Иоан 17:19

Ачымӧс Ме сета Тэныд на вӧсна, медым збыльыс вежӧдас найӧс.

Еврейяслы 2:11

Вежӧдысьыс да вежа войтырыс – ӧти Батьсянь. Та вӧсна Исус оз яндысь шуны вежа войтырӧс Аслас вокъясӧн.