Левит 14:4 - Коми Библия 2023

⁴ сійӧс сӧстӧммӧдӧм могысь мед тшӧктас вайны кык ловъя сӧстӧм лэбачӧс, сус путор, югыдгӧрд шӧрт да иссоп турун.

Левит 14:4 Kruisverwysings

Псалтыр 51:7

Та вӧсна Енмыс дзикӧдз бырӧдас тэнӧ, босьтас да шыбитас тэнӧ аслад оланінсьыд, вужнас нетшыштас тэнӧ ловъя олысьяслӧн муысь.

Петӧм 12:22

Сэсся босьтӧй китыр иссоп турун, кӧтӧдӧй дозйӧ чукӧртӧм вирнас да мавтӧй ӧдзӧсныдлысь вылыс куричсӧ да кыкнанбок куричсӧ. Тіян пӧвстысь асылӧдзыс мед некод оз пет керкасьыс ӧдзӧс саяс.

Левит 1:14

Господьлы сотан висьнас кӧ лоӧ лэбач, вись вайысь мед ваяс гулюӧс либӧ гулюпиӧс.

Левит 12:8

Аньыс кӧ гӧльлун вӧснаыс оз вермы вайны баляӧс, мед ваяс кык гулюӧс либӧ кык гулюпиӧс, ӧтисӧ сотан вись пыдди, мӧдсӧ мыжысь вись пыдди. Поп мед вештас аньлысь мыжсӧ, и ань лоӧ сӧстӧм».

Левит 14:5

Ӧти лэбачсӧ поп мед тшӧктас начкыны гырнич доз весьтын, кытчӧ гумовтӧма визувтанінысь ва.

Левит 14:6

Ловъя лэбачсӧ, сус путорсӧ, югыдгӧрд шӧртсӧ да иссоп турунсӧ поп мед сюйлас начкӧм лэбачлӧн вирӧ.

Левит 5:7

Коді гӧльлун вӧсна оз вермы вайны ыжӧс, мед ваяс Господьлы мыж вештӧм могысь кык гулюӧс либӧ кык гулюпиӧс, ӧтисӧ мыжысь вись пыдди, мӧдсӧ сотан вись пыдди.

Лыд 19:18

Сӧстӧм морт мед босьтас иссоп турун, кӧтӧдас турунсӧ тайӧ ваас да резас чомсӧ, кӧні вӧлі кулӧм морт, сэтысь став эмбур-кӧлуйсӧ да став йӧзсӧ, кодъяс вӧліны чомйын. Тадзи жӧ мед резасны мортӧс, коді инмӧдчылас морт шойлӧн лыясӧ, кулӧм либӧ виӧм морт дінӧ либӧ шой дзебанінӧ.

Лыд 19:6

Сійӧ мед босьтас сус путор, иссоп турун, югыдгӧрд вурун шӧрт да шыбитас сотчысь мӧс вылӧ.

Еврейяслы 9:19

Израиль войтырлы Индӧдысь став тшӧктӧмсӧ лыддьӧм бӧрын Мӧисей босьтіс ӧшъяслысь да кӧзаяслысь ваӧн соралӧм вир, гӧрд вурун, иссоп турун да резіс тайӧн медводз Индӧд небӧгсӧ, сэсся став войтырсӧ.