Левит 14:21 - Коми Библия 2023

²¹ Сӧстӧммӧдчысь кӧ гӧльлун вӧснаыс оз вермы вайны та мында вайӧмторсӧ, сійӧ мед ваяс мыж вештӧм могысь ӧти межӧс, кодӧс пыркӧдӧмӧн вайӧны мыж вештан вись пыдди. Нянь вись пыдди мед ваяс выйӧн гудралӧм шобді пызь – ефалысь дасӧд юкӧнсӧ. Нӧшта мед ваяс ӧти лог мында олив вый,

Левит 14:21 Kruisverwysings

Иов 34:19

Сійӧ оз сулав юралысьяс дор, озырӧс оз пукты гӧль дорысь вылӧджык, ӧд ставныс найӧ – Сылӧн вӧчӧмторъяс.

Шусьӧгъяс 17:5

Коді сералӧ гӧль мортӧс, омӧльтӧ сійӧс Вӧчысьӧс, коді нимкодясьӧ мӧдлӧн шогыслы, сійӧс лоӧ мыждӧма, [а бур сьӧлӧма дінӧ Енмыс буралӧ].

Шусьӧгъяс 22:2

Озыр да гӧль морт ӧткодьӧсь, кыкнаннысӧ Господь вӧчӧма.

Езекиль 46:7

Нянь вись пыдди ӧксы мед вайӧ ефа мында пызь ӧшкӧд да ефа мында пызь межкӧд, а быд баляпикӧд мед вайӧ пызьсӧ сы мында, мыйта кӧсйӧ. Ефа мында пызькӧд колӧ вайны гин мында олив вый.

Левит 1:14

Господьлы сотан висьнас кӧ лоӧ лэбач, вись вайысь мед ваяс гулюӧс либӧ гулюпиӧс.

Левит 12:8

Аньыс кӧ гӧльлун вӧснаыс оз вермы вайны баляӧс, мед ваяс кык гулюӧс либӧ кык гулюпиӧс, ӧтисӧ сотан вись пыдди, мӧдсӧ мыжысь вись пыдди. Поп мед вештас аньлысь мыжсӧ, и ань лоӧ сӧстӧм».

Левит 14:10

Кӧкъямысӧд луннас проказаысь бурдӧм морт мед босьтас дзоньвидза [арӧса] кык межӧс да дзоньвидза арӧса ыжӧс. Нянь вись пыдди мед босьтас выйӧн гудралӧм шобді пызь да олив вый. Ефа мында пызьсӧ мед юкас дас пельӧ и сэтысь мед босьтас куимсӧ. А выйсӧ мед босьтас ӧти лог мында.

Левит 14:22

кык гулюӧс либӧ кык гулюпиӧс, кутшӧмӧс вермас вайны. Ӧтиыс мед лоӧ мыжысь вись, а мӧдыс – сотан вись.

Левит 27:8

Кыв сетысь кӧ гӧльлун вӧснаыс оз вермы мынтысьны, сідзкӧ, мед ваяс кыв сетӧмӧн сиӧм мортӧс поп дінӧ. Поп мед донъялас сійӧс да индас вештысян донсӧ сы серти, мыйта вермас мынтынысӧ кыв сетысьыс.

Левит 5:11

Коді гӧльлун вӧсна оз вермы вайны кык гулюӧс либӧ кык гулюпиӧс, аслас мыжысь вись пыдди мед ваяс шобді пызь – ефалысь дасӧд юкӧнсӧ. Пызяс мед оз кисьт олив вый, пызь вылӧ мед оз пукты ладан, ӧд тайӧ мыжысь вись.

Левит 5:7

Коді гӧльлун вӧсна оз вермы вайны ыжӧс, мед ваяс Господьлы мыж вештӧм могысь кык гулюӧс либӧ кык гулюпиӧс, ӧтисӧ мыжысь вись пыдди, мӧдсӧ сотан вись пыдди.

Лука 6:20

Аслас велӧдчысьяс вылӧ видзӧдӧмӧн Исус висьталіс: «Шудаӧсь ті, ловныдлы корысьяс, ӧд тіян эм Енлӧн Юралӧм.

2 Коринфӧ 8:12

Мортыс кӧ сетӧ сьӧлӧмсяньыс, сылысь сетӧмторсӧ донъялӧны эмлуныс серти, а оз абутӧмлуныс серти.

2 Коринфӧ 8:9

Ті тӧданныд миян Господь Исус Кристослысь буралӧмсӧ. Сійӧ вӧлі озыр, но гӧльмис тіян вӧсна, медым Аслас гӧльлунӧн озырмӧдны тіянӧс.

Ӧксыяслӧн 1 небӧг 2:8

Коньӧрӧс Сійӧ лэптӧ бус пытшкысь, гӧльӧс перйӧ няйтысь, пуксьӧдӧ найӧс ыджыдалысьяскӧд орччӧн, сетӧ налы нималана пуклӧс. Господь кутӧ мулысь подувсӧ, сы вылӧ пуктӧма муюгыдсӧ.