Левит 14:12 - Коми Библия 2023

¹² Поп мед босьтас ӧти межсӧ да ваяс сійӧс мыж вештан вись пыдди. Нӧшта мед босьтас олив выйсӧ да ваяс мыж вештан виськӧд Господь водзын пыркӧдан вись пыдди.

Левит 14:12 Kruisverwysings

Петӧм 29:22

Босьт межлысь бӧждор госсӧ, пытшкӧс госсӧ, мус вывсьыс госа юкӧнсӧ, кыкнан вӧрксӧ госнас да веськыдладор задвыв яйсӧ, ӧд тайӧ межыс – попӧ сувтӧдан вись.

Петӧм 29:24

Сет ставсӧ тайӧс Ааронлы да сылӧн пияныслы кианыс, вай ставсӧ Господь водзын пыркӧдан вись пыдди.

Петӧм 29:26

Босьт попӧ сувтӧдан вись пыдди ваян межлысь морӧсвыв яйсӧ да вай сійӧс Господь водзын пыркӧдан вись пыдди. Ааронлӧн тайӧ пайыс лоӧ тэныд.

Исай 53:10

Господьлӧн вӧлі шуӧма дойдны Сійӧс, мӧдӧдны Сылы сьӧкыдлунъяс. Но кор Сійӧ Асьсӧ ваяс мыж вештан вись пыдди, Сійӧ аддзас Сысянь чужысьясӧс, кодъяс кутасны дыр овны. Господьлӧн кӧсйӧмыс инас Сы пыр.

Левит 14:10

Кӧкъямысӧд луннас проказаысь бурдӧм морт мед босьтас дзоньвидза [арӧса] кык межӧс да дзоньвидза арӧса ыжӧс. Нянь вись пыдди мед босьтас выйӧн гудралӧм шобді пызь да олив вый. Ефа мында пызьсӧ мед юкас дас пельӧ и сэтысь мед босьтас куимсӧ. А выйсӧ мед босьтас ӧти лог мында.

Левит 14:11

Поп мед сувтӧдас сӧстӧммӧдчыны локтӧм мортӧс вайӧмторнас Господь водзӧ вежа чом пыранін дорӧ.

Левит 14:19

Сэсся поп мед ваяс мыжысь вись, медым пежсьыс сӧстӧммӧдчысь мортлысь вештыны мыжсӧ. Та бӧрын поп мед начкас сотан висьӧс

Левит 5:15

«Коді тӧдлытӧг Господьлӧн вежаторлы паныд мыж вӧчас, сійӧ лоӧ мыжа. Та вӧсна мед ваяс Господьлы мыж вештан вись пыдди аслас ыж чукӧрысь дзоньвидза межӧс. Мыж вештан висьлысь донсӧ тэныд колӧ индыны эзысьӧн вежаинса сикель серти.