Левит 14:10 - Коми Библия 2023

¹⁰ Кӧкъямысӧд луннас проказаысь бурдӧм морт мед босьтас дзоньвидза [арӧса] кык межӧс да дзоньвидза арӧса ыжӧс. Нянь вись пыдди мед босьтас выйӧн гудралӧм шобді пызь да олив вый. Ефа мында пызьсӧ мед юкас дас пельӧ и сэтысь мед босьтас куимсӧ. А выйсӧ мед босьтас ӧти лог мында.

Левит 14:10 Kruisverwysings

Петӧм 29:40

Ӧти баляыскӧд вай пычкӧм олив выйӧн гудралӧм шобді пызь. Пызьыс мед вӧлі ефалӧн дасӧд юкӧныс, а выйыс мед вӧлі гинлӧн нёльӧд пайыс. Кисьтан вись пыдди вай вина – гинлысь нёльӧд пайсӧ.

Левит 1:10

Сотан висьнас кӧ лоӧ ыж либӧ кӧза, вись вайысь мед ваяс дзоньвидза ай пемӧсӧс да [сылы юр вылас кисӧ пуктылӧм бӧрын]

Левит 1:3

Сотан висьнас кӧ лоӧ гырысь пемӧс, вись вайысь мед вайӧдас дзоньвидза ӧшкӧс вежа чом пыранін дорӧ. Тадзи вись вайысь лоӧ шогмана Господьлы.

Левит 14:11

Поп мед сувтӧдас сӧстӧммӧдчыны локтӧм мортӧс вайӧмторнас Господь водзӧ вежа чом пыранін дорӧ.

Левит 14:12

Поп мед босьтас ӧти межсӧ да ваяс сійӧс мыж вештан вись пыдди. Нӧшта мед босьтас олив выйсӧ да ваяс мыж вештан виськӧд Господь водзын пыркӧдан вись пыдди.

Левит 14:15

Аслас шуйга ки пыдӧсас поп мед кисьтас вайӧм олив вый,

Левит 14:21

Сӧстӧммӧдчысь кӧ гӧльлун вӧснаыс оз вермы вайны та мында вайӧмторсӧ, сійӧ мед ваяс мыж вештӧм могысь ӧти межӧс, кодӧс пыркӧдӧмӧн вайӧны мыж вештан вись пыдди. Нянь вись пыдди мед ваяс выйӧн гудралӧм шобді пызь – ефалысь дасӧд юкӧнсӧ. Нӧшта мед ваяс ӧти лог мында олив вый,

Левит 2:1

«Коді кутас вайны Господьлы нянь вись, мед ваяс шобді пызь. Пызяс мед кисьтас олив вый да пызь вылас пуктас ладан.

Левит 2:11

Господьлы ваян нянь висьнытӧ пӧжалӧй шоммӧдтӧг. Господьлы вись пыдди оз позь сотны няньшом да ма.

Левит 2:13

Став нянь висьнытӧ солалӧй, солавтӧм вись энӧ вайӧй, ӧд солыс петкӧдлӧ тіян Енлысь йитӧдсӧ, мый сійӧ кӧрталіс тіянкӧд. Та вӧсна [Господьлы, асланыд Енлы] став вайӧмторнытӧ солалӧй.

Левит 23:13

Сыкӧд тшӧтш нянь вись пыдди вайӧй олив выйӧн гудралӧм шобді пызь – ефа мында пызьсӧ юкӧй дас пельӧ и сэтысь вайӧй кыксӧ. Тайӧ лоӧ Господьлы чӧскыда ӧвтан вись. Кисьтан вись пыдди вайӧй вина – гинлысь нёльӧд пайсӧ.

Левит 4:32

А коді кӧсъяс вайны мыжысь вись пыдди баляӧс, мед ваяс дзоньвидза энь баляӧс.

Левит 9:1

Кӧкъямысӧд луннас Мӧисей чукӧстіс Ааронӧс, сылысь пиянсӧ да израильса юрнуӧдысьясӧс.

Лыд 28:20

Накӧд ӧтлаын нянь вись пыдди вайӧй олив выйӧн гудралӧм шобді пызь. Ефа мында пызьсӧ юкӧй дас пельӧ, сэтысь вайӧй куимсӧ быд ӧшкӧд, кыксӧ межкӧд,

Лыд 6:14

Сійӧ мед ваяс Господьлы сотан вись пыдди дзоньвидза арӧса межӧс, мыжысь вись пыдди дзоньвидза арӧса ыжӧс да бурасян вись пыдди дзоньвидза межӧс,

Лыд 7:43

Сійӧ вайис козин пыдди эзысь тасьті да эзысь дозмук. Вежаинса сикель серти тасьтілӧн сьӧктаыс вӧлі сё комын сикель, дозмуклӧн – сизимдас сикель. Тасьті да дозмук тырыс вӧлі олив выйӧн гудралӧм шобді пызь, мый сійӧ вайис нянь вись пыдди.

Матвей 8:4

Исус шуис сылы: «Та йылысь некодлы эн висьтав. Мун, петкӧдлы асьтӧ поплы, сэсся Мӧисей тшӧктӧм серти вай вись. Тадзи тӧдмаласны тэнад бурдӧм йылысь».

Марк 1:44

«Та йылысь некодлы эн висьтав. Мун, петкӧдлы асьтӧ поплы, сэсся Мӧисей тшӧктӧм серти аслад сӧстӧммӧмысь вай вись. Тадзи тӧдмаласны тэнад бурдӧм йылысь».

Лука 5:14

Исус ӧлӧдіс сійӧс мукӧдлы та йылысь висьталӧмысь да тшӧктіс: «Мун, петкӧдлы асьтӧ поплы, сэсся Мӧисей тшӧктӧм серти аслад сӧстӧммӧмысь вай вись. Тадзи тӧдмаласны тэнад бурдӧм йылысь».

Иоан 1:29

Аскинас Иоан аддзис сы дінӧ локтысь Исусӧс да шуис: «Видзӧдлӧй, тайӧ Енлӧн Баля. Сійӧ вештӧ став йӧзлысь мыжъяссӧ.

Иоан 6:33

Енлӧн няньыс лэччӧ енэжсянь да сетӧ йӧзыслы олӧм».

Иоан 6:51

Ме эм енэжсянь лэччӧм ловъя нянь. Тайӧ няньсӧ сёйысь помтӧг олӧ. Няньыс, кодӧс Ме сета, – тайӧ Менам яй. Ме сета сійӧс йӧзыслӧн олӧм вӧсна».

1 Петыр 1:19

Тіянӧс ньӧбӧма Кристослӧн дона вир вылӧ, тыр-бур да сӧстӧм Балялӧн вир вылӧ.