Левит 13:6 - Коми Библия 2023

⁶ Сизимӧд луннас поп мед бара видзӧдлас висьысьӧс. Чутыс кӧ оз тӧдчы да абу паськалӧма, поп мед шуас висьысьӧс сӧстӧмӧн. Тайӧ абу пеж висьӧм. Висьысь мед мыськалас паськӧмсӧ, и сэсся лоӧ сӧстӧм.

Левит 13:6 Kruisverwysings

Ӧксыяслӧн 3 небӧг 8:38

но Тэнад Израиль войтырысь кӧ кӧть ӧти морт либӧ ставнас войтырыд шыасяс Тэ дінӧ да кевмысяс аслас шог дырйи, и найӧ кӧ нюжӧдасны кинысӧ тайӧ крамланьыс,

Ӧксыяслӧн 3 небӧг 8:45

сэки Тэ кыв налысь корӧм-кевмӧмсӧ енэжсяньыд да отсав налы.

Шусьӧгъяс 20:9

Коді вермӧ шуны, весалі пӧ ассьым сьӧлӧмӧс, сӧстӧмми пӧ аслам мыжъясысь?

Еклесиаст 7:20

Му вылас абу веськыда олысьыс, коді эськӧ мыжсӧ эз вӧчлы, а сӧмын бурсӧ.

Исай 42:3

Чегыштӧм идзас Сійӧ оз чег, дзузган би оз кусӧд. Сійӧ ваяс веськыда мыждӧм.

Левит 11:25

Пеж пемӧслысь шойсӧ нуысь-петкӧдысь мед мыськалас паськӧмсӧ, сійӧ рытӧдзыс лоӧ пеж.

Левит 11:28

Налысь шойсӧ нуысь-петкӧдысь мед мыськалас паськӧмсӧ, сійӧ рытӧдзыс лоӧ пеж. Татшӧм пемӧсъясыс тіянлы пежӧсь.

Левит 11:40

Коді сёяс татшӧм яйсӧ либӧ нуас-петкӧдас шойсӧ, сылы колӧ мыськавны паськӧмсӧ, сійӧ рытӧдзыс лоӧ пеж.

Левит 13:2

«Кодлӧн кучик вылас лоӧ пыкӧс, карс либӧ чут, мый серти позьӧ чайтны, мый мортыслӧн проказа, сійӧс колӧ вайӧдны Аарон поп дінӧ либӧ Аарон рӧдысь мукӧд поп дінӧ.

Левит 13:5

Сизимӧд луннас поп мед бара видзӧдлас висьысьӧс. Чутыс кӧ абу вежсьӧма да абу паськалӧма, поп мед йӧршитлас висьысьӧс нӧшта сизим лун кежлӧ.

Левит 13:7

Висьысьлӧн поплы петкӧдчылӧм бӧрын да поплӧн сійӧс сӧстӧмӧн шуӧм бӧрын чутыс кӧ кутас паськавны, висьысь мед выльысь петкӧдчылас поплы.

Левит 14:8

Сӧстӧммӧдчысь мед мыськалас паськӧмсӧ, шырсяс-бритчас да мыссяс. Та бӧрти сійӧ лоӧ сӧстӧм и вермас бӧр локны войтыр пӧвстӧ. Но аслас чомйӧ сизим лун чӧж мед оз на пыр.

Римӧ 14:1

Жеб эскысьӧс сибӧдӧй, энӧ вензьӧй, сылӧн видзӧдласыс кӧ торъялӧ.

2 Коринфӧ 7:1

Мусаяс, со мыйта кӧсйысьӧм Енмыс сетӧма миянлы! Сідзкӧ, весалам ассьыным вир-яйнымӧс да ловнымӧс став пежсьыс. Кутам овны Енсьыс полӧмӧн, Сылӧн вежалуныс мед тырвыйӧ лоӧ миян пытшкын!

Индӧд 32:5

Но тайӧ войтырыс мыж вӧчӧ Господьлы паныд, асланыс мыж вӧсна найӧ абу нин Сылӧн ныв-пи, найӧ – ылӧдчысьяс, пежас вӧйӧмаяс.

Еврейяслы 10:22

Сідзкӧ, локтамӧй Ен водзӧ восьса сьӧлӧмӧн да зумыд эскӧмӧн, ӧд миян сьӧлӧмным сӧстӧм да мыжтӧм, миянлысь вир-яйнымӧс мыськалӧма сӧстӧм ваӧн.

Еврейяслы 9:10

Ӧд став тайӧ вайӧмторйыс вӧлі йитчӧма сӧмын вир-яйкӧд: сёян-юанкӧд да мыссьӧмкӧд. Татшӧм кесъялӧмсӧ Енмыс лӧсьӧдіс сӧмын кад кежлӧ, выль кесъяланногсӧ лӧсьӧдтӧдз.

Яков 3:2

Ми ставным унаторйын мыжмам. Коді оз мыжмы сёрнинас, сійӧ тыр-бур морт да вермӧ кутны ставнас ассьыс вир-яйсӧ.