Левит 12:8 - Коми Библия 2023

⁸ Аньыс кӧ гӧльлун вӧснаыс оз вермы вайны баляӧс, мед ваяс кык гулюӧс либӧ кык гулюпиӧс, ӧтисӧ сотан вись пыдди, мӧдсӧ мыжысь вись пыдди. Поп мед вештас аньлысь мыжсӧ, и ань лоӧ сӧстӧм».

Левит 12:8 Kruisverwysings

Левит 1:14

Господьлы сотан висьнас кӧ лоӧ лэбач, вись вайысь мед ваяс гулюӧс либӧ гулюпиӧс.

Левит 12:7

Поп ваяс Господь водзӧ тайӧ висьяссӧ, медым вештыны аньлысь мыжсӧ. Та бӧрын ань лоӧ сӧстӧм вир мунӧмсьыс. Тайӧ индӧдыс ань йылысь, коді чужтӧ пиӧс либӧ нылӧс.

Левит 13:1

Господь шуис Мӧисейлы да Ааронлы:

Левит 14:21

Сӧстӧммӧдчысь кӧ гӧльлун вӧснаыс оз вермы вайны та мында вайӧмторсӧ, сійӧ мед ваяс мыж вештӧм могысь ӧти межӧс, кодӧс пыркӧдӧмӧн вайӧны мыж вештан вись пыдди. Нянь вись пыдди мед ваяс выйӧн гудралӧм шобді пызь – ефалысь дасӧд юкӧнсӧ. Нӧшта мед ваяс ӧти лог мында олив вый,

Левит 14:22

кык гулюӧс либӧ кык гулюпиӧс, кутшӧмӧс вермас вайны. Ӧтиыс мед лоӧ мыжысь вись, а мӧдыс – сотан вись.

Левит 15:14

Кӧкъямысӧд луннас мед босьтас кык гулюӧс либӧ кык гулюпиӧс да локтас Господь водзӧ вежа чом пыранін дорӧ. Сэні мед сетас найӧс поплы.

Левит 15:15

Ӧтисӧ поп мед ваяс мыжысь вись пыдди, а мӧдсӧ – сотан вись пыдди. Тадзи поп вештас сылысь мыжсӧ Господь водзын да сӧстӧммӧдас сійӧс лёквиялӧмсьыс.

Левит 15:29

Кӧкъямысӧд луннас ань мед босьтас кык гулюӧс либӧ кык гулюпиӧс да локтас вежа чом пыранін дорӧ. Сэні мед сетас найӧс поплы.

Левит 4:26

Став госсӧ мед сотас висьпуктанін вылын, кыдзи сотӧны бурасян висьлысь госсӧ. Тадзи поп вештас юралысьлысь мыжсӧ, и сійӧс лоӧ прӧститӧма.

Левит 5:11

Коді гӧльлун вӧсна оз вермы вайны кык гулюӧс либӧ кык гулюпиӧс, аслас мыжысь вись пыдди мед ваяс шобді пызь – ефалысь дасӧд юкӧнсӧ. Пызяс мед оз кисьт олив вый, пызь вылӧ мед оз пукты ладан, ӧд тайӧ мыжысь вись.

Левит 5:7

Коді гӧльлун вӧсна оз вермы вайны ыжӧс, мед ваяс Господьлы мыж вештӧм могысь кык гулюӧс либӧ кык гулюпиӧс, ӧтисӧ мыжысь вись пыдди, мӧдсӧ сотан вись пыдди.

Матвей 21:12

Исус пырис Енлӧн крамӧ да вӧтлаліс сэтысь став вузасьысь-ньӧбасьысьсӧ, пӧрлӧдліс сьӧм вежысьяслысь пызанъяссӧ да гулюӧн вузасьысьяслысь пуклӧсъяссӧ.

2 Коринфӧ 8:9

Ті тӧданныд миян Господь Исус Кристослысь буралӧмсӧ. Сійӧ вӧлі озыр, но гӧльмис тіян вӧсна, медым Аслас гӧльлунӧн озырмӧдны тіянӧс.