Левит 11:8 - Коми Библия 2023

⁸ Тайӧ пемӧсъяслысь яйсӧ энӧ сёйӧй да налӧн шой дінӧ энӧ инмӧдчӧй, ӧд найӧ тіянлы пежӧсь.

Левит 11:8 Kruisverwysings

Исай 52:11

Мунӧй, мунӧй, ылыстчӧй сэтысь, энӧ инмӧдчӧй пежас, дзикӧдз ылыстчӧй сэтысь, лоӧй сӧстӧмӧсь, Господьлысь вежа дозъяс новлӧдлысьяс.

Осий 9:3

Водзӧ тэ он понды овны Господьлӧн муын – Ефремлы бӧр ковмас мунны Египетӧ, Ассурын сійӧ пондас сёйны пеж сёян.

Левит 11:7

Энӧ сёйӧй порсьӧс. Сылӧн гыжйыс вожа, но сійӧ оз рӧмидзты. Сійӧ тіянлы пеж.

Левит 11:9

Ты-юын да саридзын олысь-уялысьяс пиысь сёйӧй сэтшӧмӧс, кодлӧн эм борд да сьӧм.

Левит 5:2

Мортыс кӧ тӧдлытӧг инмӧдчылӧ мыйкӧ пеж дінӧ, пеж пемӧслӧн шой дінӧ, пеж ыж-мӧслӧн шой дінӧ либӧ пеж гаглӧн шой дінӧ, сійӧ лоӧ пеж да мыжа.

Матвей 15:11

Мортӧс оз пежав сійӧ, мый вомас пырӧ, а пежалӧ, мый вомсьыс петӧ».

Матвей 15:20

Тайӧ пежалӧ мортсӧ, а ки мыськытӧг сёйӧмыд оз пежав».

Марк 7:15

Мортӧс оз пежав сійӧ, мый пытшкас пырӧ, а пежалӧ, мый сы пытшкысь петӧ.

Марк 7:18

Сійӧ шуис налы: «Весиг ті онӧ гӧгӧрвоӧй! Онӧ ӧмӧй вежӧртӧй: мортӧс оз вермы пежавны сійӧ, мый пытшкас пырӧ,

Марк 7:2

Кор найӧ аддзисны, мый Сылӧн велӧдчысьясысь кодсюрӧ сёйӧны няньсӧ мыськытӧм пеж киӧн, кутісны шуасьны на вылӧ.

Ап. уджъяс 10:28

Петыр шуис налы: «Ті тӧданныд, мый иудейяслы оз позь ӧтувтчыны да волысьны мукӧд войтыркӧд. Но Ен меным петкӧдліс, мед ме некодӧс эг пукты шогмытӧмӧ да пеж туйӧ.

Ап. уджъяс 15:29

Видзӧй асьнытӧ идоллы вайӧм сёянысь, вир юӧмысь, джагалӧм пемӧс яй сёйӧмысь да кырсалӧмысь, энӧ вӧчӧй мукӧдлы сійӧ, мый онӧ кӧсйӧй аслыныд. Тайӧ тшӧктӧмъяс сертиыс кӧ оланныд, бур лоас. Олӧй бура!»

Римӧ 14:21

Бурджык, он кӧ сёй яй, он ю вина, он вӧч нинӧм сэтшӧмсӧ, мыйӧ вокыд крукасьӧ да усьӧ.

1 Коринфӧ 8:8

Но сёяныс оз матыст миянӧс Ен дінӧ. Ми кӧ огӧ сёйӧй – нинӧм огӧ воштӧй, а сёям кӧ – тайӧ нинӧм оз содты миянлы.

2 Коринфӧ 6:17

Сідзкӧ: – Петӧй на пӧвстысь да ылыстчӧй наысь, – висьталӧ Господь. – Энӧ инмӧдчӧй пежас, сэки Ме сибӧда тіянӧс.

Ефесӧ 5:11

Энӧ ӧтувтчӧй пемыдас олысьяслӧн ковтӧм уджъясӧ, мӧдарӧ, янӧдӧй найӧс.

Ефесӧ 5:7

Татшӧмъясыскӧд энӧ ӧтувтчӧй!

Колосӧ 2:16

Сідзкӧ, некод мед оз мыжав тіянӧс сёян-юанысь, вежа лунъясысь, выль тӧлысь пасйӧмысь да шойччан лунӧ кутчысьӧмысь,

Еврейяслы 9:10

Ӧд став тайӧ вайӧмторйыс вӧлі йитчӧма сӧмын вир-яйкӧд: сёян-юанкӧд да мыссьӧмкӧд. Татшӧм кесъялӧмсӧ Енмыс лӧсьӧдіс сӧмын кад кежлӧ, выль кесъяланногсӧ лӧсьӧдтӧдз.