Левит 10:19 - Коми Библия 2023

¹⁹ Аарон шуис Мӧисейлы: «Талун найӧ вайисны Господь водзӧ мыжысь висьнысӧ да сотан висьнысӧ. Менӧ суис шог, и Господьлы ӧмӧй шогмана вӧлі, ме кӧ сёйи талун мыжысь висьсӧ?»

Левит 10:19 Kruisverwysings

Исай 1:11

Меным абу колана тіян уна вись вайӧмныд, – висьталӧ Господь. Ме пӧтӧма нин сотӧм межъясӧн да тшӧгӧдӧм ыж-мӧслӧн госӧн. Ӧшъяслысь, ыжъяслысь да кӧзаяслысь вирсӧ Ме ог кӧсйы.

Исай 1:15

Ті нюжӧданныд Мелань кинытӧ, но Ме ог кӧсйы аддзыны тіянӧс. Ті ёна кевмысянныд, но Ме ог кыв тіянӧс. Тіян киныд вирӧсь.

Еремей 14:12

Весиг кӧ найӧ кутасны видзавны, Ме ог кыв налысь кевмӧмсӧ. Весиг кӧ найӧ ваясны сотан вись да нянь вись, Ме ог сибӧд найӧс. Ме бырӧда найӧс шыпуртӧн, тшыгъялӧмӧн да пӧрӧс висьӧмӧн».

Еремей 6:20

Меным оз ков Саваысь вайӧм ладаныс, оз ков ылі муысь вайӧм чӧскыд дука туруныс. Тіянлысь сотан висьяснытӧ Ме ог кӧсйы, тіян висьясныд Меным абу шогманаӧсь».

Осий 9:4

Найӧ оз пондыны вайны Господьлы вина вись, налӧн висьясыс Господьлы оз лоны шогманаӧсь, а ваясны налы кулӧм да пежаласны сёйысьясӧс. Висьяссӧ найӧ асьныс кутасны сёйны, Господьлӧн керкаӧ оз вайны.

Левит 10:20

Мӧисей кывзіс да сибӧдіс Ааронлысь кывъяссӧ.

Левит 9:12

Сэсся Аарон начкис сотан вись. Сылӧн пияныс мыччисны сылы висьлысь вирсӧ. Вирнас сійӧ резіс висьпуктанінсӧ быд боксянь.

Левит 9:8

Аарон матыстчис висьпуктанін дорӧ, начкис ӧшпиӧс, медым мыжысь вись вайны ас вӧснаыс.

Малакий 1:10

Бурджык, тіян пиысь кӧ кодкӧ йигналас крамлысь ӧдзӧссӧ, медым весьшӧрӧ энӧ сотӧй бисӧ Менам висьпуктанін вылын. Ті Меным абу шогманаӧсь, – висьталӧ Господь Саваоф, – и тіянлысь вайӧмторъяснытӧ Ме ог сибӧд.

Малакий 1:13

Ті шуасянныд, ноксьӧмыс пӧ мыйта, тадзи увтыртанныд кесъялан уджнытӧ, – висьталӧ Господь Саваоф. – Кор вись пыдди ті ваянныд гусялӧм, чотысь да висьысь пемӧсӧс, ті чайтанныд, мый Ме сибӧда сійӧс? – висьталӧ Господь. –

Малакий 2:13

Со мый ті нӧшта вӧчанныд: кыз синваӧн бӧрданныд Господьлӧн висьпуктанін дорын, сыркъялӧмӧн бӧрданныд, ӧд Господь бергӧдчис тіян вись дорысь, эз сибӧд вайӧмторнытӧ.

Индӧд 12:7

Сэні ас котырныдкӧд сёйӧй висьнытӧ Господь Енныд водзын. Нимкодясьӧй сыысь, мый удж помысь перйинныд аслыныд, ӧд Господь, тіян Енныд, бурсиис тіянӧс.

Индӧд 26:14

Бӧрдан лунъясӧ ме эг сёй вежаторсӧ, эг инмӧдчыв сы дінӧ, кор ачым вӧлі пеж, да эг вайлы кулӧмаяслы. Ме кывзыси Господьлысь, аслам Енлысь. Вӧчи ставсӧ Тэнад тшӧктӧм серти.

Филипӧ 4:4

Дугдывтӧг нимкодясьӧй Господь пытшкын! Нӧшта шуа: нимкодясьӧй!

Еврейяслы 7:27

Мукӧд аркирейлы моз Сылы абу колана быд лун вись вайны медводз аслас мыжъяс вӧсна, сэсся йӧзлӧн мыжъяс вӧсна. Ӧд Сійӧ вайис нин Асьсӧ вись пыдди ӧтчыдысь да пыр кежлӧ.

Еврейяслы 9:8

Тайӧн Вежа Лов петкӧдлӧ, мый кытчӧдз сулалӧ воддза вежӧсыс, Вежасьыс-вежаинӧ туйыс тупкыса на.