Левит 10:11 - Коми Библия 2023

¹¹ Велӧдӧй Израиль пиянӧс став тшӧктӧмас, мый Господь висьталіс налы Мӧисей пыр».

Левит 10:11 Kruisverwysings

2 Каднебӧг 15:3

Дыр кад чӧж Израиль войтыр оліс збыль Ентӧг да Индӧдтӧг, налӧн эз вӧвны туйдӧдысь попъяс.

2 Каднебӧг 17:9

Найӧ велӧдісны Иуда войтырӧс. Иуда муысь став карсӧ кытшовтігӧн налӧн аскӧдныс вӧлі Господьлӧн Индӧд небӧг.

2 Каднебӧг 30:22

Езекей висьталіс бур кывъяс левитъяслы, кодъяс бурногӧн лӧсьӧдісны Господьлы кесъялӧм. Сизим лун чӧж войтырыс сёйис-гажӧдчис, вайис бурасян висьяс да ошкис Господьӧс, асланыс батьяслысь Енсӧ.

Неемий 8:2

Ездра поп вайис Индӧдсӧ, медым лыддьыны сійӧс чукӧртчӧм айулов да аньяс водзын. Сизимӧд тӧлысьлӧн медводдза лунӧ кывзыны чукӧртчисны ставныс, кодъяс сяммисны гӧгӧрвоны.

Неемий 8:8

Найӧ ясыда лыддисны Енлысь Индӧдсӧ да восьтісны гижӧдыслысь вежӧртассӧ. Йӧзыс гӧгӧрвоисны лыддьӧмасӧ.

Еремей 18:18

Йӧзыс шуисны: «Локтӧй, сёрнитчамӧй Еремейлы паныд. Локтӧй, лёкӧдамӧй сійӧс, огӧ кывзӧй сійӧс! Миян эм попъяслӧн велӧдӧм, мывкыда йӧзлӧн туйдӧдӧм, пророкъяслӧн кыв».

Еремей 2:8

Попъяс эз корсьны Господьӧс, Индӧдӧ велӧдысьяс эз тӧдны Менӧ, Менсьым войтырӧс видзысьяс кыпӧдчисны Меным паныд, пророкъяс пророкалісны Ваал нимсянь. Найӧ ставныс юрбитісны идолъяслы, кодъяс отсавны оз вермыны.

Малакий 2:7

Поплӧн вомысь мед петас Ен йылысь тӧдӧмлуныс, сысянь йӧзыс виччысьӧны велӧдӧмсӧ, сійӧ ӧд Господь Саваофсянь юӧр вайысьыс.

Матвей 28:20

Велӧдӧй найӧс овны став Менам тшӧктӧм серти. Тӧдӧй: Ме пыр тіянкӧд нэмъяс помасьтӧдз». Аминь.

Ап. уджъяс 20:27

ме ӧд ланьтлытӧг висьтавлі тіянлы Енлысь став кӧсйӧмсӧ.

Индӧд 17:10

Ставсӧ вӧчӧй сы серти, мый найӧ тшӧктасны тіянлы сійӧ местаас, мый бӧръяс Господь [тіян Енныд, медым сэні ті шыасинныд Сы дінӧ]. Ставсӧ вӧчӧй налӧн туйдӧдӧм серти,

Индӧд 17:11

Индӧд серти, мыйӧ найӧ велӧдасны тіянӧс. Энӧ вешйӧй веськыдвылӧ ни шуйгавылӧ веськыда мыждӧмысь.

Индӧд 24:8

Проказа висьӧм дырйи ставсӧ вӧчӧй [Индӧд серти], кыдзи велӧдасны тіянӧс поп-левитъяс. Ставсӧ вӧчӧй сідзи, кыдзи ме тшӧкті налы.

Индӧд 33:10

Яковӧс велӧдӧ Тэнад тшӧктӧмъясӧ, Израильӧс – Тэнад Индӧдӧ. Тэ водзын тшынӧдӧ чӧскыд ӧвтантор, висьпуктанін вылын сотӧ Тэныд висьяс.

1 Фессалоникаӧ 4:2

Ті ӧд тӧданныд, кутшӧм тшӧктӧмъяс ми сетім тіянлы Господь Исуссянь.