Левит 10:1 - Коми Библия 2023

¹ Ааронлӧн Надав да Авиуд пияныс босьтісны ассьыныс ӧгыр дознысӧ да пуктісны сэтчӧ ӧгыр, а ӧгыр вылас – чӧскыд ӧвтанторъяс. Тадзи найӧ вайисны Господь водзӧ мӧд би, мый Господь эз тшӧкты вайнысӧ.

Левит 10:1 Kruisverwysings

Ӧксыяслӧн 3 небӧг 18:38

Сэки вылысянь сяркнитіс Господьлӧн биыс да ньылыштіс сотан висьсӧ, пессӧ, изъяссӧ, висьпуктанін дорысь мусӧ да кодйӧм гуранысь васӧ.

Псалтыр 141:2

Ме восьта Сылы ассьым сьӧлӧмӧс, висьтала Сылы ассьым шогӧс.

Петӧм 24:1

Господь шуис Мӧисейлы: «Кай Ме дінӧ. Тэкӧд тшӧтш мед локтасны Аарон, Надав, Авиуд да Израильлӧн сизимдаснан юрнуӧдысьыс. Ылысянь копыртчылӧй.

Петӧм 24:9

Сэсся Мӧисей да Аарон, Надав да Авиуд Израильлӧн сизимдас юрнуӧдыськӧд кайисны керӧсӧ.

Петӧм 27:3

Вӧч пӧим воръяс, пӧим куралан зыръяс, вир резан тасьтіяс, яй бергӧдлан вилаяс, ӧгыр пӧртъяс. Ставсӧ тайӧс вӧч ыргӧнысь.

Петӧм 28:1

«Израиль пиян пӧвстысь кор ас дінад Аарон воктӧ пияныскӧд. Аарон да сылӧн Надав, Авиуд, Элазар да Итамар пияныс мед кесъяласны Меным попъясӧн.

Петӧм 31:11

мавтыштан вый да чӧскыд дука тшынӧдчантор, мый колӧ вежаинӧ. Ставсӧ мед вӧчасны сідзи, кыдзи Ме тшӧкті тэныд».

Петӧм 37:29

Мавтас вӧчысь моз дасьтіс мавтыштан вежа вый да чӧскыд дука сӧстӧм тшынӧдчантор.

Петӧм 38:3

Висьпуктанінлы вӧчис став дозмук-кӧлуйсӧ: пӧим воръяс, пӧим куралан зыръяс, вир резан тасьтіяс, яй бергӧдлан вилаяс, ӧгыр пӧртъяс. Ставсӧ тайӧс вӧчис ыргӧнысь.

Петӧм 40:27

сэсся тшынӧдіс сэні чӧскыд ӧвтантор, кыдзи Господь тшӧктіс сылы.

Петӧм 6:23

Аарон босьтіс гӧтырӧ Элишеваӧс, Аминадавлысь нывсӧ, Наашонлысь чойсӧ. Элишева чужтіс сылы Надавӧс, Авиудӧс, Элазарӧс да Итамарӧс.

Петӧм 8:27

Ми кӧсъям мунны овтӧминӧ куим лун мунан ылнаӧ да сэні вайны Господьлы, асланым Енлы, сэтшӧм вись, кутшӧмӧс Сійӧ тшӧктас».

Еремей 19:5

Найӧ лэптісны Ваал идоллы вись ваян мылькъяс, медым сотан вись пыдди вайны Вааллы ассьыныс ныв-пинысӧ. Но татшӧмторсӧ Ме эг тшӧктывлы вӧчнысӧ, тайӧ Меным абу сьӧлӧм серти.

Еремей 32:35

Бен-Хинном ковтысын найӧ лэптісны Ваал идоллы вись ваян мылькъяс, медым сотны ассьыныс ныв-пинысӧ Молок идоллы. Но тайӧс Ме эг тшӧктывлы вӧчнысӧ, татшӧм пеж вӧчӧмыс Меным абу сьӧлӧм серти. Тадзи вӧчигӧн найӧ мыжӧ кыскисны Иуда войтырӧс.

Еремей 44:15

Айулов, кодъяс тӧдісны, мый налӧн гӧтыръясныс сотӧны висьяс мукӧд енъяслы, тшӧтш аньяс, кодъяс сулалісны сэні ыджыд чукӧрӧн, да Иуда войтырысь ставныс, кодъяс олісны Патросын, Египет муын, шуисны Еремейлы:

Еремей 44:8

Ті дӧзмӧданныд Менӧ асланыд киӧн вӧчӧмторъясӧн. Ті сотанныд висьяс мукӧд енъяслы Египет муын, кытчӧ ті овмӧдчинныд. Тадзи ті асьнытӧ бырӧданныд. Мувывса став войтыръяс кутасны ёрны да лёкӧдны тіянӧс.

Еремей 7:31

Бен-Хинном ковтысын найӧ лэптісны Тофет нима вись ваян мыльк, медым сотны сэні ассьыныс ныв-пинысӧ. Но тайӧс Ме эг тшӧктывлы вӧчнысӧ, тайӧ Меным абу сьӧлӧм серти.

Левит 16:1

Ааронлӧн кыкнан пиыс кулӧм бӧрын Господь сёрнитіс Мӧисейкӧд. Найӧ кулісны сы понда, мый локтісны Господь водзӧ [мӧд биӧн].

Левит 16:12

Господь водзысь висьпуктанінысь мед босьтас тшынӧдчан доз тыр ӧгыр да кык китыр ниртӧм чӧскыд дука тшынӧдчантор. Мед пыртас найӧс Вежаинын ӧшалысь дӧра сайӧ.

Левит 22:9

Попъяс мед кутчысясны Менам тшӧктӧмъясӧ. А оз кӧ, найӧ лоӧны мыжаӧсь да куласны. Ме – Господь [Ен], найӧс Вежӧдысь.

Левит 9:24

Господьсянь петіс би да сотіс висьпуктанін вылысь сотан висьсӧ да госсӧ. Тайӧс аддзӧм бӧрын войтырыс нимкодьысла горӧдіс да кымынь уськӧдчис муӧ.

Лыд 16:46

Мӧисей шуис Ааронлы: «Босьт тшынӧдчан доз да пукты сэтчӧ висьпуктанінысь ӧгырсӧ, пукты тшӧтш тшынӧдчантор да тэрмасьӧмӧн ну дозсӧ войтыр дінӧ. Вешты налысь мыжсӧ, ӧд Господь скӧрмис, и бырӧдӧмыс заводитчис нин».

Лыд 26:61

но Надав да Авиуд кулісны, кор [Синай овтӧминын] вайисны Господь водзӧ мӧд би.

Лыд 4:18

«Видзӧдӧй, медым Кааф рӧдыс эз быр левитъяс лыдысь.

Индӧд 12:32

Вӧчӧй сійӧс, мый ме тшӧкта тіянлы, нинӧм энӧ содтӧй сэтчӧ да нинӧм энӧ чинтӧй сэтысь».

Индӧд 17:3

кутас кесъявны-юрбитны мукӧд енъяслы, шонділы, тӧлысьлы да кодзувъяслы, мыйысь Господь ӧлӧдіс тіянӧс –

Индӧд 4:2

Тайӧ тшӧктӧмъясыс дінӧ, мый ме [талун] висьтала тіянлы, нинӧм энӧ содтӧй да сэтысь нинӧм энӧ чинтӧй. Олӧй асланыд Господь Енлӧн тшӧктӧмъяс серти.

Еврейяслы 9:4

Сэні вӧліны зарниысь вӧчӧм тшынӧдчан висьпуктанін да зарниӧн эжӧм Йитӧд куд. Тайӧ кудсӧ вӧлі быд боксянь эжӧма зарниӧн. Куд пытшкас вӧліны манна тыра зарни доз, Ааронлӧн дзоридзалысь бедь да йитӧдлӧн изпӧвъяс.