Левит 1:13 - Коми Библия 2023

¹³ Ты-муссӧ да кокъяссӧ колӧ мыськавны ваӧн, а сэсся поп мед сотас ставсӧ висьпуктанін вылын. Тайӧ лоӧ сотан вись, Господьлы чӧскыд ӧвтантор.

Левит 1:13 Kruisverwysings

Олӧм 8:21

Висьпуктанінсянь чӧскыд ӧвтӧмнас лолалігӧн Господь [Ен] шуис Аслыс: «Ог кут сэсся ёрны мусӧ морт вӧсна. Мортлӧн мӧвпъясыс томсяньыс тырӧмаӧсь лёкнас, но водзӧ Ме ог кут бырӧдны став ловъя олысьсӧ, кыдзи Ме вӧчи.

2 Каднебӧг 4:6

Соломон вӧчӧдіс дас ыджыд мыссян доз. Витсӧ сувтӧдісны вайӧртӧд веськыдладорас, а мӧд витсӧ – шуйгаладорас. Тайӧ дозъясас мыськалісны пемӧсъяслысь яйсӧ, мый дасьтісны сотан вись вайӧм вылӧ. А вайӧртӧдас мыссисны попъяс.

Езекиль 40:38

Пыранінын вӧлі торъя вежӧс, кӧні мыськалісны сотан висьяс.

Левит 1:9

Ӧшлысь ты-муссӧ да кокъяссӧ колӧ мыськавны ваӧн, а сэсся поп мед сотас ставсӧ висьпуктанін вылын. Тайӧ лоӧ сотан вись, Господьлы чӧскыд ӧвтантор.

Левит 2:11

Господьлы ваян нянь висьнытӧ пӧжалӧй шоммӧдтӧг. Господьлы вись пыдди оз позь сотны няньшом да ма.

Левит 2:2

Сэсся пызьсӧ мед ваяс попъяслы, Ааронсянь чужысьяслы. Олив выйӧн гудралӧм пызьсьыс поп мед босьтас китыр пызь став ладаннас да сотас сійӧс висьпуктанін вылын. Тайӧ лоӧ казьтылан вись, Господьлы чӧскыд ӧвтантор.

Левит 3:5

Ааронсянь чужысьяс мед сотасны тайӧс висьпуктанінын сотчысь пес вылын сотан виськӧд ӧтлаын. Тайӧ лоӧ Господьлы чӧскыда ӧвтан вись.

Левит 4:31

Мед перъялас кӧзалысь став госсӧ бурасян висьлысь госсӧ моз да сотас висьпуктанін вылын. Тайӧ лоӧ Господьлы чӧскыда ӧвтан вись. Тадзи поп вештас вись вайысьлысь мыжсӧ, и сійӧс лоӧ прӧститӧма.

Левит 6:14

«Нянь вись йылысь индӧдыс татшӧм. Нянь висьсӧ мед ваясны [попъяс] Ааронсянь чужысьяс висьпуктанін дорӧ Господь водзӧ.

Левит 8:21

Межлысь пытшкӧссӧ да кокъяссӧ ваӧн мыськалӧм бӧрын сотіс став межсӧ висьпуктанін вылын. Тайӧ вӧлі сотан вись, Господьлы чӧскыд ӧвтантор. Тадзи Господь тшӧктіс Мӧисейлы.

Лыд 15:3

да ваянныд Господьлы чӧскыда ӧвтысь сотан вись либӧ начкан вись пыдди ӧшкӧс либӧ ыжӧс, лоӧ-ӧ тайӧ висьыс кыв сетан вись либӧ ас кӧсйӧм серти ваян вись либӧ гаждырся вись,

Лыд 15:4

сэки тшӧтш вайӧй Господьлы нянь вись пыдди олив выйӧн гудралӧм шобді пызь. Пызьыс мед вӧлі ефалӧн дасӧд юкӧныс, а выйыс мед вӧлі гинлӧн нёльӧд пайыс.

Лыд 28:11

Выль тӧлысь чужигӧн вайӧй Господьлы сотан вись пыдди дзоньвидза кык ӧшкӧс, ӧти межӧс да арӧса сизим баляӧс.

Лыд 28:8

Мӧд балясӧ вайӧй рытнас нянь виськӧд да вина виськӧд асъя мозыс жӧ. Вайӧй сійӧс Господьлы чӧскыда ӧвтан вись пыдди.

Индӧд 12:27

Сотан висьлысь яйсӧ да вирсӧ сотӧй асланыд Господь Енлӧн висьпуктанін вылын. Мукӧд висьяслысь вирсӧ кисьтӧй асланыд Господь Енлӧн висьпуктанін вылӧ, а яйсӧ сёйӧй.