Левит 1:10 - Коми Библия 2023

¹⁰ Сотан висьнас кӧ лоӧ ыж либӧ кӧза, вись вайысь мед ваяс дзоньвидза ай пемӧсӧс да [сылы юр вылас кисӧ пуктылӧм бӧрын]

Левит 1:10 Kruisverwysings

Олӧм 4:4

Авель вайис медводдза чужӧм баляясӧс да налысь госсӧ. Господь сибӧдіс Авельӧс да сылысь козинсӧ.

Олӧм 8:20

Ной вӧчис Господьлы висьпуктанін. Босьтіс сӧстӧм пемӧсъясӧс да сӧстӧм лэбачьясӧс да висьпуктанін вылын вайис найӧс сотан вись пыдди.

Петӧм 12:5

Босьтны колӧ дзоньвидза арӧса баляӧс, сійӧ мед вӧлі межпи либӧ кӧзапи.

Езекиль 43:22

Мӧд луннас мыжысь вись пыдди вай дзоньвидза ай кӧзаӧс, медым ӧш вирӧн моз сӧстӧммӧдны висьпуктанінсӧ.

Левит 14:10

Кӧкъямысӧд луннас проказаысь бурдӧм морт мед босьтас дзоньвидза [арӧса] кык межӧс да дзоньвидза арӧса ыжӧс. Нянь вись пыдди мед босьтас выйӧн гудралӧм шобді пызь да олив вый. Ефа мында пызьсӧ мед юкас дас пельӧ и сэтысь мед босьтас куимсӧ. А выйсӧ мед босьтас ӧти лог мында.

Левит 16:3

Вежаинӧ пыригӧн Аарон мед вайӧдас мыжысь вись пыдди ӧшкӧс да сотан вись пыдди межӧс.

Левит 16:5

Израиль войтыр мед ваяс сылы кык ай кӧзаӧс мыжысь вись пыдди да ӧти межӧс сотан вись пыдди.

Левит 22:19

мед ваяс дзоньвидза ӧшкӧс, межӧс либӧ ай кӧзаӧс. Сэки лоанныд Господьлы шогманаӧсь.

Левит 23:12

Кольта ваян лунӧ вайӧй Господьлы сотан вись пыдди дзоньвидза арӧса баляӧс.

Левит 3:1

«Бурасян вись пыдди кӧ кодкӧ вайӧ ӧшкӧс либӧ мӧскӧс, мед вайӧдас дзоньвидзаӧс да сувтӧдас сійӧс Господь водзӧ.

Левит 4:23

Мыж вӧчӧм йылысь тӧдмалӧм бӧрын сылы колӧ вайны вись пыдди дзоньвидза ай кӧзаӧс.

Левит 4:3

Мавтыштӧм поп кӧ мыж вӧчас, и сылӧн мыж вӧчӧмысь лоӧ мыжа став войтырыс, сэки сійӧ ас вӧснаыс мед ваяс Господьлы мыжысь вись пыдди дзоньвидза ӧшкӧс.

Левит 5:15

«Коді тӧдлытӧг Господьлӧн вежаторлы паныд мыж вӧчас, сійӧ лоӧ мыжа. Та вӧсна мед ваяс Господьлы мыж вештан вись пыдди аслас ыж чукӧрысь дзоньвидза межӧс. Мыж вештан висьлысь донсӧ тэныд колӧ индыны эзысьӧн вежаинса сикель серти.

Левит 9:2

Ааронлы сійӧ шуис: «Мыжысь вись пыдди вайӧд дзоньвидза ӧшпиӧс, сотан вись пыдди – дзоньвидза межӧс. Сувтӧд найӧс Господь водзӧ.

Малакий 1:14

Ёрӧма пӧръясьысьӧс, коді дзоньвидза ай пемӧссӧ кӧсйысьӧ вись пыдди вайны Господьлы, но вайӧ висьысьӧс. Тӧдӧй, Ме – ыджыд Ӧксы, – висьталӧ Господь Саваоф, – и Менам нимысь полӧны войтыръяс.

Лыд 15:5

Нӧшта вайӧй кисьтан вись пыдди вина – гинлысь нёльӧд пайсӧ быд балякӧд, мый ваянныд [Господьлы чӧскыда ӧвтысь] сотан вись либӧ начкан вись пыдди.

Лыд 19:2

«Тайӧ тшӧктӧмыс Господьсянь. Висьтав Израиль пиянлы, мед вайӧдасны тэ дінӧ дзоньвидза гӧрд мӧскӧс, кодлӧн абу некутшӧм тырмытӧмтор да коді сийӧс улын эз на вӧвлы.

Лыд 6:14

Сійӧ мед ваяс Господьлы сотан вись пыдди дзоньвидза арӧса межӧс, мыжысь вись пыдди дзоньвидза арӧса ыжӧс да бурасян вись пыдди дзоньвидза межӧс,

Иоан 1:29

Аскинас Иоан аддзис сы дінӧ локтысь Исусӧс да шуис: «Видзӧдлӧй, тайӧ Енлӧн Баля. Сійӧ вештӧ став йӧзлысь мыжъяссӧ.

1 Петыр 1:19

Тіянӧс ньӧбӧма Кристослӧн дона вир вылӧ, тыр-бур да сӧстӧм Балялӧн вир вылӧ.