Колосӧ 2:7 - Коми Библия 2023

⁷ Быдмӧй-сӧвмӧй Сы пытшкӧ вужъясьӧмӧн, ёнмӧй эскӧмас, кыдзи тіянӧс велӧдӧма. Сьӧлӧмныд мед век вӧлі тыр аттьӧалӧмнас.

Колосӧ 2:7 Kruisverwysings

Псалтыр 1:3

Сійӧ лоӧ визув ю дорын быдмысь пу кодь, ас кадӧ вайӧ вотӧс, сылӧн коръясыс оз косьмыны. Быд удж сылӧн кутас артмыны.

Исай 61:3

Сионын шогсьысьяслы пӧим пыдди сетны мича юрвевттьӧд, бӧрдӧм пыдди – нимкодясьӧм, шогсьӧм пыдди – ошкӧм. Сэки найӧс шуасны зумыда сулалысь веськыда олысьясӧн, пуясӧн, кодъясӧс Господь вужйӧдіс, медым найӧ ошкисны Сійӧс.

Еремей 17:8

Сійӧ лоӧ ва дорын быдмысь пу кодь, визув ю дорӧ вужъясьӧм пу кодь, сійӧ оз пов шонді пӧжӧмысь, сылӧн коръясыс пыр вежӧсь, зэртӧм кадӧ сійӧ оз майшась, оз дугды вайны вотӧс.

Лука 6:48

Сійӧ керка лэптысь кодь, коді джуджыда кодйысяс да пуктас керка подувсӧ из вылӧ. Ытва дырйи ойдӧм ваыс оз вермы вӧрзьӧдны тайӧ керкасӧ, сійӧс ӧд из вылӧ лэптӧма.

1 Коринфӧ 1:8

Енмыс ёнмӧдас тіянӧс зумыда сулавны помӧдз, медым миян Господь Исус Кристослӧн лунӧ ті вӧлінныд сӧстӧмӧсь.

1 Коринфӧ 15:58

Муса вокъяс, сулалӧй зумыда да вӧрзьывтӧг. Быд кадӧ кесъялӧй Господьлы сьӧлӧмсяньныд. Тӧдӧй, мый ті кесъяланныд Господьлы онӧ весьшӧрӧ.

2 Коринфӧ 1:21

Енмыс, коді топыда йитӧ миянӧс да тіянӧс Кристос пытшкын, мавтыштіс миянӧс:

Ефесӧ 3:17

да эскӧм пыр Кристос овмӧдчас тіян сьӧлӧмӧ.

Ефесӧ 4:21

Ті кывлінныд Сы йылысь, тіянӧс велӧдісны сійӧ збыльыс серти, мый эм Исус пытшкын.

Ефесӧ 5:20

Быд кадӧ ставсьыс аттьӧалӧй Ен Батьӧс миян Господь Исус Кристос нимӧн.

Колосӧ 1:23

Сӧмын тіянлы колӧ вӧрзьывтӧг сулавны эскӧмас да зумыда кутчысьны Бур Юӧрӧн сетӧм лачаас. Бур Юӧрсӧ ті кывлінныд, сійӧс юӧртӧма енэж улын став олысьыслы. Ме, Павел, лои тайӧ Бур Юӧрыслы кесъялысьӧн.

Колосӧ 3:17

Кывйӧн-ӧ, уджӧн-ӧ мыйкӧ вӧчанныд, ставсӧ вӧчӧй Господь Исус Кристос нимӧн да аттьӧалӧй Сы пыр Ен Батьӧс.

1 Фессалоникаӧ 5:18

Ставсьыс аттьӧалӧй Енсӧ, ӧд татшӧмъясӧн Енмыс кӧсйӧ аддзыны тіянӧс, Исус Кристослы эскысьясӧс.

2 Фессалоникаӧ 2:17

мед бурӧдасны тіянлысь сьӧлӧмнытӧ да ышӧдасны тіянӧс бур уджъяс вылӧ да бур сёрни вылӧ.

Еврейяслы 13:15

Сідзкӧ, Исус пыр кутам дугдывтӧг вайны Енлы аттьӧалана вись, асланым вомӧн кутам ошкыны Сылысь нимсӧ.

Еврейяслы 13:9

Энӧ лэдзӧй кежӧдны асьнытӧ быдпӧлӧс ылӧгвелӧдӧмас. Бурджык, ті кӧ ёнмӧданныд сьӧлӧмнытӧ Енлӧн буралӧмӧн, а онӧ сёян-юан йылысь велӧдӧмӧн. Ӧд татшӧм велӧдӧмыс сы серти олысьяслы нинӧм бурсӧ оз сет.

1 Петыр 5:10

Тіянлы этша нин колис сьӧкыдавны. Та бӧрти буралӧмнас озыр Ен, коді корис тіянӧс Исус Кристос пыр Аслас бырлытӧм дзирдлунӧ, мед ёнмӧдас да зумыдмӧдас тіянӧс да вӧчас тыр-буръясӧн.

Иуда 1:12

Кор ті мусапырысь чукӧртчанныд ӧтвыв сёйны, татшӧм йӧзыс яндысьтӧг тшӧгӧдӧны асьнысӧ да лоӧны тіянлы крукӧдӧн. Найӧ – тӧвнырӧн новлӧдлан ватӧм кымӧръяс, вотӧс вайтӧм арся пуяс, вужнас нетшыштӧмаяс, кык пӧв кулӧмаяс.

Иуда 1:20

Но ті, мусаяс, ёнмӧдӧй асьнытӧ вежа эскӧмнаныд, кевмысьӧй Вежа Лов нуӧдӧм улын.

Иуда 1:24

Енмыс вына видзны тіянӧс усьӧмысь да вайӧдны тіянӧс Аслас дзирдлунӧ нимкодясьысь да сӧстӧм войтырӧн.