Колосӧ 2:6 - Коми Библия 2023

⁶ Ті кӧ сибӧдінныд Господь Исус Кристосӧс, сідзкӧ, олӧй Сы пытшкын.

Колосӧ 2:6 Kruisverwysings

Исай 2:5

Яковсянь чужысьяс, локтӧй, кутам овны Господьлӧн югыдас!

Микей 4:2

Найӧ чукӧртчасны да шуасны ӧта-мӧдныслы: «Локтӧй, каямӧй Господьлӧн керӧс вылӧ, Яков Енлӧн крамӧ! Господь индас миянлы Ассьыс туйсӧ, медым ми ветлім Сылӧн туйясӧд». Сионсянь воас Индӧдыс, Ерусалимсянь – Господьлӧн кывйыс.

Матвей 10:40

Тіянӧс сибӧдысь Менӧ сибӧдӧ, а Менӧ сибӧдысь сибӧдӧ Менӧ Мӧдӧдысьӧс.

Иоан 13:20

Веськыда, веськыда висьтала тіянлы: коді сибӧдӧ Месянь мӧдӧдӧмаӧс, сійӧ сибӧдӧ Менӧ. А Менӧ сибӧдысь сибӧдӧ Менӧ Мӧдӧдысьӧс».

Иоан 14:6

Исус шуис сылы: «Ме эм туйыс, збыльыс да олӧмыс. Бать дінӧ позьӧ локны сӧмын Ме пыр, мӧд туйыс абу.

1 Коринфӧ 1:30

Енмыс йитіс тіянӧс Исус Кристоскӧд, коді лои миянлы мывкыдлуннас. Сы пыр Енмыс вештысис миян вӧсна, вӧчис миянӧс веськыдӧн да вежа войтырӧн.

2 Коринфӧ 5:7

Ӧд ми олам эскӧмӧн, огӧ аддзананас.

Галатӧ 2:20

Ӧні ог нин ме ов, но олӧ ме пытшкын Кристос. Ме кӧ ола тайӧ вир-яяс на, ола Ен Пилы эскӧмӧн. Сійӧ сетіс Асьсӧ ме вӧсна, ӧд ме Сылы муса.

Галатӧ 3:26

Исус Кристослы эскӧм пыр ті ставныд – Енлӧн ныв-пи.

Ефесӧ 4:1

Ме, Господьлы кесъялӧм вӧсна дзескыдінын пукалысь, кора тіянӧс: олӧй сідзи, кыдзи колӧ овны Енлӧн корӧмаяслы.

Филипӧ 1:27

Сӧмын олӧй шогмана ногӧн, Кристослӧн Евангелльӧыс серти. Ме ог тӧд, верма-ӧ локны тіян дінӧ али ог вермы, аддза-ӧ тіянӧс али ог аддзы, но кӧсъя кывны, мый ті оланныд ӧти лолӧн да ӧтвылысь тышкасянныд Бур Юӧрӧ эскӧм вӧснаныд.

Колосӧ 1:10

Кевмысям, медым ті быдторйын вӧлінныд Господьлы шогманаӧсь, и медым бурсӧ вӧчӧмӧн вайинныд вотӧс да быдминныд Енсӧ тӧдмалӧмас.

Колосӧ 3:17

Кывйӧн-ӧ, уджӧн-ӧ мыйкӧ вӧчанныд, ставсӧ вӧчӧй Господь Исус Кристос нимӧн да аттьӧалӧй Сы пыр Ен Батьӧс.

1 Фессалоникаӧ 4:1

Вокъяс, тіянлы висьтавлім нин, медым олінныд Ен водзын шогмана ногӧн. Дерт, ті дзик тадзи и оланныд. Но Исус Кристос нимӧн ышӧдам да корам тіянӧс: олӧй нӧшта на бурджыка.

Еврейяслы 3:14

Ми кӧ водзысяньыс моз помӧдз кутам эскыны зумыда, сэки миянлы тшӧтш вичмас Кристослӧн озырлуныс.

1 Иоан 2:6

Сылы, коді шуӧ, ме пӧ Сы пытшкын, колӧ овны Сы моз.

1 Иоан 5:20

Нӧшта тӧдам, мый Ен Пи локтіс да сетіс миянлы мывкыдлун, мед ми тӧдім збыль Енсӧ. И ми олам тайӧ збыльыс пытшкын, Исус Кристос Пиыс пытшкын. Сійӧ эм збыль Енмыс да помтӧм олӧмыс.

Иуда 1:3

Мусаяс, ме ёна кӧсйи гижны тіянлы миян ӧтувъя мездмӧм йылысь, но лыдди коланаӧн водзджык туйдӧдны тіянӧс, медым ті вӧлінныд дасьӧсь дорйыны ассьыныд эскӧмнытӧ. Тайӧ эскӧмсӧ Енмыс сетіс вежа войтырлы ӧтчыд да пыр кежлӧ.