Колосӧ 2:15 - Коми Библия 2023

¹⁵ Сійӧ песовтіс ыджыдалысьясӧс да вынаясӧс, шыбитіс найӧс яналӧмас да вермис Кристос пыр.

Колосӧ 2:15 Kruisverwysings

Олӧм 3:15

Тэ да ань костӧ, тэсянь чужысь да аньсянь чужысь костӧ пукта лӧгалӧм: сійӧ пасьвартас юртӧ, а тэ сылы коклябӧрас чушкан».

Псалтыр 68:18

Эн тупкы Ассьыд чужӧмбантӧ Аслад кесйӧгысь, ӧд ме ёна шогся. Тэрмась вочавидзны меным!

Исай 53:12

Та вӧсна Ме сета Сылы пай ыджыдъяс пӧвстын, тышын шедӧдӧмасӧ Сійӧ пондас юкны вынаяскӧд, ӧд Сійӧ сетіс Асьсӧ кулӧм вылӧ, Сійӧс пуктісны лёк вӧчысьяс лыдӧ. Сійӧ босьтіс Ас вылас уна йӧзлысь мыжъяссӧ, кевмысис лёк вӧчысьяс вӧсна.

Матвей 12:29

Вермас-ӧ кодкӧ пырны вына мортлӧн керкаӧ да сійӧс кӧртавтӧг босьтны сылысь эмбурсӧ? Сӧмын сійӧс кӧрталӧм бӧрын вермас петкӧдны сылысь эмбурсӧ.

Лука 10:18

Исус шуис налы: «Ме аддзылі сӧтаналысь чардби моз енэжсянь усьӧмсӧ.

Лука 11:22

Но сы вылӧ кӧ уськӧдчас сыысь вынаджык, дерт, вынаджыкыс вермас сійӧс, мырддяс шыпуртсӧ, мый вылӧ сійӧ лача кутіс, да юклас босьтӧм эмбурсӧ.

Иоан 16:11

Мыждӧмыс сыын, мый тайӧ муюгыдас ыджыдалысьсӧ мыждӧма нин.

Иоан 19:30

Винасӧ видлӧм бӧрын Исус шуис: «Ставсӧ вӧчӧма!» Сэсся нёровтіс юрсӧ да лэдзис ловсӧ.

1 Коринфӧ 15:24

Кор Кристос бырӧдас быдпӧлӧс ыджыдалысьясӧс, веськӧдлысьясӧс да вынаясӧс, сэки Ассьыс юралӧмсӧ Сійӧ сетас Ен Батьыслы. Та бӧрти лоӧ пом.

2 Коринфӧ 2:14

Ошкӧм Енлы! Кристос пыр Сійӧ быд кадӧ сетӧ миянлы вермӧм да миян пыр быдлаын паськӧдӧ Кристос йылысь чӧскыд дука тӧдӧмлунсӧ.

2 Коринфӧ 4:4

Найӧ оз эскыны, ӧд тайӧ муюгыдас ыджыдалысь омӧльыс пемдӧдӧма налысь вежӧрсӧ, мед найӧ эз аддзыны Бур Юӧрлысь югыдсӧ, коді восьтӧ Кристослысь дзирдлунсӧ, а Кристос эм Енлӧн пертасыс.

Ефесӧ 3:10

медым вичкоыс пыр ӧні петкӧдлыны енэжвывса ыджыдалысь-веськӧдлысьяслы Ассьыс уна ногӧн петкӧдчысь мывкыдлунсӧ.

Ефесӧ 4:8

Гижӧдыс висьталӧ: – Сійӧ кыпӧдчис вылісьыс-вылӧ, босьтіс Аскӧдыс дорӧмаясӧс, йӧзлы сеталіс козинъяс.

Ефесӧ 6:12

Ӧд миян тышыс абу мортлы паныд, ми тышкасям енэжувса юралысь-ыджыдалысь пеж ловъяскӧд да тайӧ мувывса пемыд олӧмнас веськӧдлысь ловъяскӧд.

Колосӧ 1:16

Сы пыр вӧчӧма став енэжвывсасӧ да мувывсасӧ, аддзанасӧ да аддзытӧмсӧ: юралӧм-ӧ, ыджыдалӧм-ӧ, веськӧдлӧм-ӧ, вынъяс-ӧ – ставсӧ Сы пыр да Сылы вӧчӧма.

Колосӧ 2:10

Кристос пытшкын тіян тшӧтш эм тырвыйӧлуныс. Сійӧ юралысьяслы да веськӧдлысьяслы Юр.

Еврейяслы 2:14

Тайӧ ныв-пиыслӧн эм вир-яй. Та вӧсна Кристос тшӧтш лоис на кодьӧн, медым кувлӧмнас бырӧдны омӧльӧс – кулӧмыс вылын ыджыдалысьӧс –

Восьтӧм 12:9

Ыджыд гундырӧс, важ змейӧс, вӧлі шыбитӧма му вылӧ. Сылӧн нимыс – омӧль да сӧтана, сійӧ – муюгыдысь став йӧзсӧ ылӧдлысь. Сыкӧд тшӧтш вӧлі шыбитӧма му вылас сылысь анделъяссӧ.

Восьтӧм 20:10

Сэки омӧльӧс, коді ылӧдліс найӧс, лоӧ шыбитӧма биӧн да тэгйӧн сотчысь тыӧ. Сэтчӧ вӧлі шыбитӧма тшӧтш зверӧс да ылӧгпророкӧс. Найӧ кутасны мучитчыны лун и вой, нэмъяс чӧж.