Колосӧ 1:6 - Коми Библия 2023

⁶ Тайӧ кывйыс паськалӧ став му пасьталаыс да вайӧ вотӧс. Ӧні сійӧ паськалӧ да вайӧ вотӧссӧ тшӧтш тіян пӧвстын. Бур Юӧрсӧ кылӧм бӧрын ті збыльысь гӧгӧрвоинныд Енлысь буралӧмсӧ.

Колосӧ 1:6 Kruisverwysings

Псалтыр 110:3

Сылӧн уджъясыс ошканаӧсь да мичаӧсь, Сылӧн веськыдлуныс олӧ нэмъяс чӧж,

Псалтыр 98:3

Господьӧй, мед ошкасны Тэнсьыд ыджыд нимтӧ, Тэнад нимысь мед полӧны ставныс, Тэнад нимыд вежа!

Матвей 24:14

Ен Юралӧм йылысь Евангелльӧсӧ висьталасны муюгыд пасьтала, быд войтырлы тӧдмӧнъя. Сэсся воас пом».

Матвей 28:19

Мунӧй войтыръяс дінӧ, вӧчӧй найӧс Менам велӧдчысьясӧн да пыртӧй найӧс Бать, Пи да Вежа Лов нимӧн.

Марк 16:15

Сэсся шуис налы: «Мунӧй став муюгыд пасьтала да висьталӧй Евангелльӧсӧ ставныслы.

Марк 4:8

Мукӧд кӧйдысыс усяс бур муӧ. Кӧйдысыс петас, быдмас да ваяс уна тусь. Ӧтияс ваясны тусьсӧ комын пӧв, мӧдъяс – квайтымын пӧв, коймӧдъяс – сё пӧв».

Иоан 15:16

Энӧ ті Менӧ бӧрйӧй. Ме бӧрйи тіянӧс да мӧдӧді, медым вайинныд бырлытӧм вотӧс. Тадзи кӧ вӧчанныд, Бать сетас тіянлы ставсӧ, мый коранныд Сылысь Менам нимӧн.

Иоан 17:19

Ачымӧс Ме сета Тэныд на вӧсна, медым збыльыс вежӧдас найӧс.

Иоан 4:23

Воас кад да воис нин, кор Батьлы збыльысь копрасьысьяс кутасны кевмысьны Сылы Ловсянь да збыльыс серти. Татшӧм кевмысьысьясӧс корсьӧ Аслыс Бать.

Ап. уджъяс 11:18

Тайӧс кылӧм бӧрын найӧ лӧнисны да ошкисны Енмӧс шуалӧмӧн: «Тыдалӧ, Енмыс ентӧдтӧмъяслы тшӧтш сетӧма позянлун бергӧдчыны мыжъяссьыс, мед и налӧн вӧлі олӧм».

Ап. уджъяс 12:24

А Енлӧн кывйыс ёна паськаліс.

Ап. уджъяс 16:14

Сэні вӧлі Фиатираысь пурпур дӧраӧн вузасьысь Лидия нима ань, сійӧ оліс Енсьыс полӧмӧн. Господь восьтіс сылысь сьӧлӧмсӧ сибӧдны Павеллысь кывъяссӧ,

Ап. уджъяс 26:18

мед восьтны налысь синсӧ да бергӧдны найӧс пемыдсьыс югыдӧ, сӧтана кипод улысь Ен дінӧ, медым Меным эскӧмӧн найӧ босьтасны мыжъясысь прӧститӧмсӧ да вежа войтырлы Енсянь вичмӧдӧмасӧ”.

Римӧ 1:13

Вокъяс, тӧдӧй: ме унаысь лӧсьӧдчывлі волыны тіян дінӧ, но пыр кутшӧмкӧ мытшӧдъяс паныдасьӧны. Мукӧд войтыръяс пӧвстын моз ме кӧсъя аддзыны тшӧтш тіян олӧмын бур вотӧс.

Римӧ 15:28

Тайӧ отсӧгсӧ нуӧм бӧрын вӧлисти муна Испанияӧ. Сэтчӧ мунігмоз кежала тіян дінӧ.

2 Коринфӧ 10:14

Ми огӧ торкалӧй Енлысь шуӧмсӧ. Ми кӧ эгӧ локтӧй тіян дінӧ, артмис эськӧ торкалӧм, но ми локтім тіян дінӧ Кристослӧн Бур Юӧрнас.

2 Коринфӧ 6:1

Ми, Енкӧд ӧтвыв уджалысьяс, корам тіянӧс: сибӧдӧй Енлысь буралӧмсӧ, мед сійӧ эз ло весьшӧрӧ.

Ефесӧ 3:2

Дерт, ті кывлінныд нин, мый меным сетӧма удж – вайны тіянлы Енсянь буралӧмсӧ.

Ефесӧ 4:21

Ті кывлінныд Сы йылысь, тіянӧс велӧдісны сійӧ збыльыс серти, мый эм Исус пытшкын.

Ефесӧ 4:23

Выльмӧдчӧй ловнаныд да вежӧрнаныд.

Ефесӧ 5:9

Ӧд Ловлӧн вотӧсыс – бурлун, веськыдлун да збыльлун.

Филипӧ 1:11

кутанныд вайны веськыда олӧмыслысь вотӧссӧ Енсӧ ошкӧм да аттьӧалӧм могысь. Тайӧ уджсӧ кутас вӧчны тіян пытшкын Исус Кристос.

Филипӧ 4:17

Дерт, ме ог виччысь тіянсянь сетӧмторъяс, сӧмын кӧсъя, медым тіян сетӧмторныд уна пӧвстӧн бӧр бергӧдчис тіянлы.

Колосӧ 1:10

Кевмысям, медым ті быдторйын вӧлінныд Господьлы шогманаӧсь, и медым бурсӧ вӧчӧмӧн вайинныд вотӧс да быдминныд Енсӧ тӧдмалӧмас.

Колосӧ 1:23

Сӧмын тіянлы колӧ вӧрзьывтӧг сулавны эскӧмас да зумыда кутчысьны Бур Юӧрӧн сетӧм лачаас. Бур Юӧрсӧ ті кывлінныд, сійӧс юӧртӧма енэж улын став олысьыслы. Ме, Павел, лои тайӧ Бур Юӧрыслы кесъялысьӧн.

1 Фессалоникаӧ 1:5

Ми висьтавлім тіянлы Бур Юӧрсӧ Вежа Лов вынӧн да ыджыд эскӧмлунӧн, эгӧ сӧмын кывйӧн. Ті бура тӧданныд, кыдзи ми кутім асьнымӧс тіянын олігӧн да отсасим тіянлы.

1 Фессалоникаӧ 2:13

Дугдывтӧг ошкам Енмӧс, ӧд миян висьталӧм бӧрын ті сибӧдінныд Енлысь кывсӧ сьӧлӧманыд. Ті сибӧдінныд сійӧс энӧ мортлысь висьталӧмсӧ моз, а Енлысь кывсӧ моз. Тайӧ збыльысь Енлӧн кыв, сійӧ вына тіян пытшкын, эскысьясын.

2 Фессалоникаӧ 2:13

Вокъяс, ті мусаӧсь Господьлы. Миянлы дугдывтӧг колӧ аттьӧавны Енсӧ тіянысь, ӧд Сійӧ водзысяньыс бӧрйис тіянӧс мездмӧм вылӧ. Тайӧ мездмӧмсӧ Сійӧ сетӧ тіянлы Ловлӧн вежӧдӧмыс пыр да збыльыслы эскӧм пыр.

1 Петыр 5:12

Тайӧ дженьыдик гижӧдсӧ ме гижи тіянлы Силуан вок отсӧгӧн, кодлы позьӧ эскыны. Кӧсъя эскӧдны да ышӧдны тіянӧс: кутчысьӧй Енлӧн збыль буралӧмас, кодӧс сетӧма тіянлы.