Колосӧ 1:22 - Коми Библия 2023

²² Ӧні Сійӧ бурӧдіс тіянӧс Аскӧдыс Кристос вир-яйын, Сылӧн кулӧмыс пыр, медым сувтӧдны тіянӧс Ас водзас вежаӧн, сӧстӧмӧн да мыжтӧмӧн.

Колосӧ 1:22 Kruisverwysings

Ӧксыяслӧн 2 небӧг 22:24

Сы водзын ме вӧлі сӧстӧм, видзи ачымӧс мыж вӧчӧмысь.

Иов 15:15

Енмыс весиг Аслас анделъяслы оз эскы, весиг енэжыс абу сӧстӧм Сылӧн син водзын.

Иов 25:5

Ен син водзын весиг тӧлысьыс абу югыд, енэжвыв кодзувъяс абу сӧстӧмӧсь.

Псалтыр 51:7

Та вӧсна Енмыс дзикӧдз бырӧдас тэнӧ, босьтас да шыбитас тэнӧ аслад оланінсьыд, вужнас нетшыштас тэнӧ ловъя олысьяслӧн муысь.

Лука 1:75

кесъявны Сылы вежалунӧн да веськыда став олӧм чӧжным.

Римӧ 7:4

Тадзи тшӧтш ті, вокъясӧй, Кристос вир-яйӧ йитчӧмнаныд кулінныд Индӧдыслы да лоинныд Мӧдыслӧн, кулӧмысь Ловзьысьыслӧн, медым вайны Енлы вотӧс.

2 Коринфӧ 11:2

ӧд ме тӧждыся тіян вӧсна Енлӧн тӧждысьӧмӧн. Ме кӧсйыси сетны тіянӧс дзик ӧти верӧспулы – Кристослы. Кӧсъя, мед ті сувтінныд Сы водзӧ сӧстӧм нылӧн.

2 Коринфӧ 4:14

Ми тӧдам, мый Сійӧ, коді ловзьӧдіс Господь Исусӧс, ловзьӧдас Исус пыр тшӧтш миянӧс да сувтӧдас тіянкӧд Ас водзас.

2 Коринфӧ 5:18

Ставыс Енсянь. Исус Кристос пыр Енмыс бурӧдіс миянӧс Аскӧдыс да мӧдӧдіс миянӧс висьтавлыны бурасьӧмыс йылысь.

Ефесӧ 1:4

Сійӧ бӧрйӧма миянӧс Кристос пытшкын му пуксьытӧдзыс на, медым вӧлім Сы водзын вежаӧсь да сӧстӧмӧсь. Ми ёна мусаӧсь Енмыслы,

Ефесӧ 5:27

медым сувтӧдны сійӧс Ас водзас быд боксянь мичаӧн: вежаӧн, сӧстӧмӧн, медым сылӧн эз вӧв некутшӧм няйттор, чукыр да тырмытӧмтор.

Колосӧ 1:28

Сы йылысь ми висьтавлам быдӧнлы, велӧдам-туйдӧдам став мывкыдлунӧн, медым сувтӧдны быдӧнӧс Ен водзӧ Кристос пытшкын сӧвмӧмаясӧн.

1 Фессалоникаӧ 4:7

Енмыс корис миянӧс овны вежа оласногӧн, а эз пеж оласногӧн.

Титлы 2:14

Кристос сетіс Асьсӧ миян вӧсна, медым мездыны миянӧс быд лёксьыс, сӧстӧммӧдны миянӧс да торйӧдны Аслыс войтырӧс, коді сьӧлӧмсяньыс пондас вӧчны бурсӧ.

Еврейяслы 10:10

Ен кӧсйӧм серти ми лоим вежаӧсь, ӧд Исус Кристос вайис Ассьыс вир-яйсӧ вись пыдди ӧтчыдысь да пыр кежлӧ.

Еврейяслы 10:20

Тайӧ туйыс вайӧдӧ миянӧс Вежасьыс-вежаинӧ ӧшӧдӧм дӧра пыр – Кристослӧн вир-яйыс пыр.

Еврейяслы 13:21

Енмыс мед дасьтас тіянӧс быдпӧлӧс бур удж вылӧ, медым ті збыльмӧдінныд Сылысь кӧсйӧмсӧ. Исус Кристос пыр Сійӧ мед вӧчас тіян пытшкын ставсӧ, мый Сылы шогмана. Ошкӧм Сылы нэмъяс чӧж! Аминь.

1 Петыр 3:18

Кристос ӧтчыдысь нуис сьӧкыдсӧ миян мыжъяс вӧсна, медым вайӧдны миянӧс Ен дінӧ. Сійӧ, веськыда олысь, куліс лёкнога олысьяс вӧсна. Сылысь вир-яйсӧ вӧлі виӧма, но Ловсянь Сійӧ ловзис,

2 Петыр 3:14

Сідзкӧ, мусаясӧй, тайӧс виччысиганыд тӧждысьӧй, медым сувтны Ен водзӧ сӧстӧмӧн да мыжтӧмӧн, мед тіян сьӧлӧмын вӧлі лӧньлун.

Иуда 1:24

Енмыс вына видзны тіянӧс усьӧмысь да вайӧдны тіянӧс Аслас дзирдлунӧ нимкодясьысь да сӧстӧм войтырӧн.