Иуда 1:4 - Коми Библия 2023

⁴ Тіян пӧвстӧ наяна сюйсисны Ентӧг олысьяс. Татшӧм йӧзыслы важӧн нин дасьтӧма мыждӧмсӧ. Миян Енлысь буралӧмсӧ найӧ бергӧдӧны лэдзчысьӧм оласногӧ. Найӧ соссьӧны ӧти Ен Ыджыдысь да миян Господь Исус Кристосысь.

Иуда 1:4 Kruisverwysings

Ӧксыяслӧн 2 небӧг 22:5

Менӧ вевттисны кулӧм вайысь гыяс, лёкыс повзьӧдліс менӧ бузгысь ва моз.

Псалтыр 1:1

Шуда сійӧ, коді оз ов лёк вӧчысь моз, оз ветлы мыжаяслӧн туйӧд, оз пукав Енсӧ омӧльтысьяслӧн чукӧрын.

Псалтыр 62:2

Енмӧй, Тэ менам Енмӧй. Водз асывсяньыс ме корся Тэнӧ, менам лолӧй гажтӧмтчӧ Тэысь, менам вир-яйӧй виччысьӧ Тэнӧ, нярмӧ куш да ватӧм овтӧминын.

Матвей 13:25

Войнас узигкостіыс локтас паныд сувтысь да шобді кӧйдыс костас ёг турун кӧдзас, сэсся мунас.

Иоан 17:3

Помтӧм олӧмыс – тайӧ тӧдны Тэнӧ, ӧти збыль Енмӧс, да Тэӧн мӧдӧдӧм Исус Кристосӧс.

Ап. уджъяс 11:23

Воӧм бӧрас Варнава аддзис, мый сэні Енлӧн буралӧмыс, да ёна нимкодясис. Сійӧ ышӧдіс быдӧнӧс став сьӧлӧмнас кутчысьны Господь дінӧ.

Ап. уджъяс 15:24

Ми кывлім, мый кодсюрӧ миян йӧз шӧйӧвоштӧны тіянӧс асланыс велӧдӧмӧн, шуӧны, колӧ пӧ вундыштчыны да кутчысьны Индӧдӧ. Тадзи велӧднысӧ ми эгӧ тшӧктылӧй налы.

Галатӧ 2:4

Тайӧс ёна кӧсйисны ылӧгвокъяс. Найӧ сибӧдчисны миян дінӧ кыйӧдчысьяс моз, медым тӧдмавны, мыйсяма мездлун миян эм Исус Кристоссянь. Найӧ зілисны бӧр сюйны миянӧс Индӧд улӧ.

Галатӧ 5:13

Вокъяс, тіянӧс корӧма мездлунас. Сӧмын мездлунсӧ энӧ бергӧдӧй вир-яйлысь кӧсйӧмсӧ могмӧдӧмӧ, но мусапырысь кесъялӧй ӧта-мӧдныдлы.

Ефесӧ 4:14

Сідзкӧ, миянлы оз нин ков ылавны кагаяс моз быдпӧлӧс тӧвйыв велӧдӧмӧ. Ӧд татшӧм велӧдӧмыс петӧ наян да ылӧдчысь йӧзсянь.

1 Тимофейлы 5:8

Коді оз тӧждысь матыссаыс вӧсна, торйӧн нин гортсаыс вӧсна, сійӧ эновтӧма эскӧмсӧ да эскытӧм дорысь лёкджык на.

2 Тимофейлы 2:12

Мунам кӧ сьӧкыдыс пыр, Сыкӧд пондам ыджыдавны. Соссям кӧ Сыысь, Сійӧ соссяс миянысь.

2 Тимофейлы 3:6

Кодсюрӧ на пӧвстысь наяна пырӧны керкаясӧ да кыскӧны асланьныс коньӧр аньясӧс, кодъяс оз вермыны мынтӧдчыны асланыс мыжъясысь да кокньыда сетчӧны асланыс лёк кӧсйӧмъясӧ.

1 Петыр 2:16

Тіянлы сетӧма мездлун, сӧмын мездлуннад энӧ вевттьӧй лёк вӧчӧмнытӧ, но олӧй Енлӧн кесйӧгъяс моз.

1 Петыр 2:8

Найӧ крукасьӧны, ӧд Ен кывйыслысь оз кывзысьны. Тадзи налы шуӧма лоны.

1 Петыр 4:18

– Веськыда олысь кӧ ӧдва мездмӧ, мый виччысьӧ Ентӧг олысьӧс да мыжаӧс?

2 Петыр 2:10

Торъя нин тайӧ инмӧ вир-яйлӧн лёк кӧсйӧмнас пежасьӧмаяслы да Енлысь Юралӧмсӧ мустӧмтысьяслы. Найӧ яндысьтӧмӧсь, асныраӧсь да оз повны лёкӧдны енэжвывса юралысь-веськӧдлысьясӧс.

2 Петыр 2:7

Но Енмыс мездіс веськыда олысь Лотӧс, коді ёна сьӧкыдаліс Ентӧг олысьяслӧн лэдзчысьӧм оласногысь.

2 Петыр 3:7

Ӧнія енэжсӧ да мусӧ сійӧ жӧ кывйыс кутӧ да видзӧ биӧн бырӧдӧм вылӧ. Тайӧ лоӧ мыждан лунӧ, кор Ентӧг олысьясӧс лоӧ бырӧдӧма.

1 Иоан 2:22

Коді нӧ ылӧдчысьыс? Абу-ӧ сійӧ, коді шуӧ, Исус пӧ абу Кристос? Татшӧмыс антикрист. Сійӧ соссьӧ Батьсьыс да Письыс.

Иуда 1:15

медым мыждыны став йӧзсӧ. Сійӧ мыждӧ Ентӧг олысьясӧс налӧн лёк уджъясысь да янӧдӧ мыж вӧчысьясӧс, кодъяс шуасисны Господь вылӧ лёкӧдан кывъясӧн».

Иуда 1:18

Найӧ шулісны тіянлы, мый бӧръя кадӧ локтасны лёкӧдысьяс, кодъяс олӧны асланыс пеж кӧсйӧмныс серти.

Восьтӧм 15:4

Господьӧй, сюрас-ӧ сэтшӧм морт, коді оз повзьы Тэысь, коді оз ошкы Тэнсьыд нимтӧ? Ӧд Тэ ӧтнадӧн вежаыс! Войтыръяс локтасны да копыртчасны Тэ водзӧ, ӧд воссис Тэнад веськыда мыждӧмыд!