Исай 8:19 - Коми Библия 2023

¹⁹ Тіянлы тшӧктасны шыасьны кулӧмаӧс корысьяс да туналысьяс дінӧ, кодъяс вашкӧдчӧны-шӧпкӧдчӧны. Но оз ӧмӧй ков войтырыслы шыасьны асланыс Ен дінӧ! Кулӧмаяслысь ӧмӧй колӧ юасьны ловъяяс йылысь?

Исай 8:19 Kruisverwysings

Олӧм 41:24

Кос шепъясыс ньылыштісны бур шепъяссӧ. Ме висьталі тайӧс тӧдысьяслы, но некод эз куж гӧгӧрвоӧднысӧ».

Ӧксыяслӧн 4 небӧг 1:3

Но Тишби карын олысь Иллялы Господьлӧн андел шуис: «Пет воча самарияса ӧксылӧн мӧдӧдӧмаяслы да висьтав налы: ”Мыйла ті мунанныд юасьны экронса Ваал-Зевув енлысь? Израильын ӧмӧй абу Енмыс?

Ӧксыяслӧн 4 небӧг 21:6

Ассьыс писӧ Манассей сотіс биын. Сійӧ кимӧститчис, тунасис да шыасьліс кулӧмаӧс корысьяс да тунасьысьяс дінӧ. Сійӧ вӧчис Господь водзын уна шогмытӧмсӧ, и тайӧн дӧзмӧдіс Господьӧс.

Ӧксыяслӧн 4 небӧг 23:24

Иосей бырӧдіс кулӧмаӧс корысьясӧс да тунасьысьясӧс, гортса бӧлбанъясӧс, идолъясӧс да став пежторсӧ, мый вӧлі Иуда муын да Ерусалимын. Тадзи сійӧ збыльмӧдіс Индӧд кывъяссӧ, мый вӧлі гижӧма небӧгӧ, кодӧс аддзис Господьлӧн крамысь Хилки поп.

1 Каднебӧг 10:13

Тадзи куліс Саул, ӧд сійӧ эновтіс Господьӧс. Сійӧ мыж вӧчис Господьлы паныд, эз ов Господьлӧн кыв серти, но туйдӧдӧмла шыасис кулӧмаӧс корысь ань дінӧ,

2 Каднебӧг 33:6

Бен-Хинном ковтысын Манассей сотліс биын ассьыс пиянсӧ. Сійӧ кимӧститчис, тунасис, тшыкӧдчис да шыасьліс кулӧмаӧс корысьяс да тунасьысьяс дінӧ. Сійӧ вӧчис Господь водзын уна шогмытӧмсӧ, и тайӧн дӧзмӧдіс Господьӧс.

Псалтыр 106:28

Но сьӧкыдаліганыс найӧ шыасисны Господь дінӧ, и Сійӧ мездіс найӧс шогысь.

Исай 19:3

Египетсалӧн ловныс жебмас. Ме торка налысь мӧвпыштӧмасӧ, и найӧ шыасясны туйдӧдӧмла идолъяс да тшыкӧдчысьяс дінӧ, кулӧмаӧс корысьяс да туналысьяс дінӧ.

Исай 26:14

Найӧ кулӧмаӧсь, оз ловзьыны, гортйын куйлӧны, оз нин чеччыны, ӧд Тэ мыждін да бырӧдін найӧс, бырӧдін весиг на йылысь казьтывлӧмсӧ.

Исай 29:4

Тэ усян муас, сэсянь тэ кутан сёрнитны, му пытшкӧссяньыс ӧдва кутас кывны тэнад гӧлӧс шыыд. Тэнад гӧлӧс шыыд лоӧ кулӧм мортлӧн кодь, му пытшкӧссяньыс пондас кывны тэнад шӧпкӧдӧмыд.

Исай 30:2

Менсьым юасьтӧг найӧ мунӧны Египетӧ, медым фараон дорйис найӧс, медым Египетысь аддзыны сайӧдчанін.

Исай 45:11

Господь, Израильӧс Вӧчысь, Израильлӧн вежа Ен тадзи висьталӧ: – Энӧ юасьӧй Менсьым, мый лоас Менам челядькӧд, энӧ велӧдӧй Менӧ, мый Меным вӧчны Аслам киӧн вӧчӧмторъяскӧд.

Исай 47:12

Сідзкӧ, водзӧ кимӧститчы, ёнджыка на тшыкӧдчы, ӧд тэ том кадсяньыд нин ноксян тайӧн. Гашкӧ, тайӧ отсалас тэныд, гашкӧ, тайӧ видзас тэнӧ лёксьыс.

Исай 47:13

Тэ мудзӧмыд нин помтӧм туйдӧдӧмысь. Сідзкӧ, мед локтасны енэжсӧ туялысь-видзӧдысьяс да кодзув серти туналысьяс, выль тӧлысь серти найӧ мед висьталасны тэныд лоанасӧ. Мед найӧ мездасны тэнӧ сыысь, мый шуӧма лоны тэкӧд.

Еремей 10:10

Сӧмын Господь эм збыль Енмыс, Сійӧ – ловъя Ен, помтӧг олысь Ӧксы. Сылӧн скӧралӧмысь муыс сыркакылӧ, Сылӧн ярлун водзын войтыръяс вынтӧмӧсь.

Еремей 27:9

Энӧ кывзӧй ассьыныд пророкъяснытӧ, туналысьяснытӧ, вӧтъяс висьталысьяснытӧ, кимӧститчысьяснытӧ да тшыкӧдчысьяснытӧ, кодъяс шуалӧны тіянлы, ті пӧ онӧ кутӧй кесъявны вавилонса ӧксылы.

Левит 19:31

Кулӧмаӧс корысь да туналысь дінӧ энӧ шыасьӧй, насянь асьнытӧ энӧ пежалӧй. Ме – Господь, тіян Енныд.

Левит 20:6

Коді шыасяс кулӧмаӧс корысь либӧ туналысь дінӧ да кырсалысь ань моз мунас на бӧрся, сылы Ме паныд сувта да бырӧда сійӧс войтыр пӧвстысь.

Микей 5:12

Ме бырӧда тіянлысь тунасьӧмнытӧ, кимӧститчысьяс оз лоны тіян пӧвстын.

Ап. уджъяс 16:16

Ӧтчыд кевмысьны муніганым паныдасис миянлы ӧти кесйӧг ань, код пытшкын вӧлі тунасян лов. Туналӧмнас сійӧ уна сьӧм вайис аслас ыджыдъяслы.

Индӧд 18:10

Некод тіян пӧвстысь мед оз сот ассьыс писӧ либӧ нывсӧ вись пыдди. Тіян пӧвстын мед оз ло тунасьысь, кимӧститчысь, тшыкӧдчысь,

Индӧд 18:11

нимкыв лыддьысь, ловъяс дінӧ шыасьысь да кулӧмаӧс корысь.

1 Фессалоникаӧ 1:9

Миянлы быдлаын висьтавлӧны, кыдзи ті сибӧдінныд миянӧс да бергӧдчинныд идолъясысь. Ті кутінныд кесъявны збыль да ловъя Енлы

2 Петыр 2:1

Израиль войтыр пӧвстын вӧліны ылӧгпророкъяс, тадзи тіян пӧвстын тшӧтш лоасны ылӧгвелӧдысьяс. Найӧ ваясны тіянлы бырӧдан ылӧгвелӧдӧмъяс, весиг соссясны Ыджыдысь, коді ньӧбис найӧс. Тадзи найӧ кӧлаласны ас выланыс виччысьтӧм бырӧдӧмсӧ.

Ӧксыяслӧн 1 небӧг 28:11

Сэки ань юаліс: «Кодӧс тэныд корны?» Саул вочавидзис: «Самуилӧс».

Ӧксыяслӧн 1 небӧг 28:16

Самуил шуис: «Мыйла тэ менсьым юасян, Ачыс кӧ Господь вешйис тэ дінысь да тэныд паныд сувтіс?

Ӧксыяслӧн 1 небӧг 28:7

Саул шуис аслас кесйӧгъяслы: «Корсьӧй меным аньӧс, коді вермӧ корны кулӧмаӧс. Ме ветла сы дінӧ отсӧгла». Кесйӧгъяс вочавидзисны: «Эн-Дорын эм татшӧм аньыс».

Ӧксыяслӧн 1 небӧг 28:8

Саул вежис паськӧмсӧ, медым сійӧс эз тӧдны, босьтіс аскӧдыс кык мортӧс да петіс туйӧ. Войнас сійӧ локтіс ань дорӧ да шуис: «Кора тэнӧ, тунав меным. Кор меным ловсӧ сылысь, кодлысь нимсӧ ме шуа».