Исай 7:3 - Коми Библия 2023

³ Сэки Господь шуис Исайлы: «Мун Шеар-Ясув пиыдкӧд да воча пет Ахазлы. Мунӧй вылыс вайӧртӧдсянь визувтысь ва дорӧ, пожъясянінӧ нуӧдан туй вылӧ.

Исай 7:3 Kruisverwysings

Ӧксыяслӧн 4 небӧг 16:1

Израильса Пеках ӧксылӧн, Ремаль пилӧн, дас сизимӧд веськӧдлан воӧ Иуда муын ӧксыӧ пуксис Иотамлӧн Ахаз пиыс.

Ӧксыяслӧн 4 небӧг 18:17

Ассурса ӧксы мӧдӧдіс Лакишысь Ерусалимӧ Езекей ӧксы дінӧ уна тышкайӧзӧс, тышкайӧзӧн веськӧдлысьӧс, ыджыд чинаясӧн веськӧдлысьӧс да ассьыс эскана мортӧс. Кор найӧ воисны Ерусалимӧ, сувтісны вылыс вайӧртӧдсянь визувтысь ва дорӧ, пожъясянінӧ нуӧдан туй вылӧ.

Ӧксыяслӧн 4 небӧг 20:20

Езекей ӧксыалӧм дырйи мукӧд лоӧмторъяс йылысь да сылӧн тӧдчана уджъясыс йылысь гижӧма иудаса ӧксыяслӧн каднебӧгӧ. Сэтчӧ нӧшта гижӧма, мый сійӧ кодйис вайӧртӧд да ва визувтанін, и карас нюжӧдіс ва.

Неемий 3:16

Сэтысянь водзӧ Давид рӧдлӧн дзебанін дорӧдз, кодйӧм вайӧртӧдӧдз да тышкайӧз керкаӧдз, стенсӧ дзоньталіс Азбуклӧн Неемий пиыс, Бет-Цур гӧгӧр му джынйӧн веськӧдлысь.

Петӧм 7:15

Аски асывнас мун фараон дінӧ. Сійӧ лэччас Нил ю дорӧ. Сэні сувт сылы воча. Змейӧ пӧрлӧм бедьтӧ босьт киад

Исай 10:21

Коляс войтырыс бӧр бергӧдчас, Яковсянь чужысьясысь ловйӧн кольӧмаяс бӧр бергӧдчасны вына Ен дінӧ.

Исай 22:10

Ерусалимын ті видзӧдалінныд керкаяс да кодсюрӧӧс на пӧвстысь кисьтінныд, медым тайӧ изъяснас дзоньтавны карса стенъяс.

Исай 22:11

Кык стен костӧ ті вӧчинныд ва видзанін, медым чукӧртны сэтчӧ важ йӧртӧдысь васӧ. Но ті энӧ кыпӧдӧй синнытӧ Сы вылӧ, коді вӧчӧ тайӧс, энӧ видзӧдӧй Сы вылӧ, коді водзысяньыс вӧлі мӧвпыштӧма та йылысь.

Исай 36:2

Ассурса ӧксы мӧдӧдіс Лакишысь Ерусалимӧ Езекей ӧксы дінӧ уна тышкайӧзӧс да ассьыс эскана мортӧс. Сійӧ сувтіс вылыс вайӧртӧдсянь визувтысь ва дорӧ, пожъясянінӧ нуӧдан туй вылӧ.

Исай 55:7

Лёк вӧчысь мед бергӧдчас аслас лёк туй вылысь, мыж вӧчысь мед эновтчас аслас лёк мӧвпъясысь, сійӧ мед бергӧдчас Господь дінӧ, ӧд Господь бур сьӧлӧма, мед локтас миян Ен дінӧ, ӧд Сійӧ прӧститӧ.

Исай 6:13

Весиг коляс кӧ тані олысьяс пӧвстысь дасӧд юкӧныс, найӧс тшӧтш лоӧ бырӧдӧма. Кыдзи кералӧм бӧртиыс тупулӧн да ыджыд пулӧн кольӧ вужйыс, сідзи тайӧ войтырлӧн кольӧ вежа петасыс».

Еремей 22:1

Господь тадзи висьталіс: «Мун иудаса ӧксылӧн керкаӧ да висьтав сэні тайӧ кывъяссӧ:

Римӧ 9:27

Израиль йылысь Исай тадзи висьталӧ: – Израиль войтырлӧн лыдыс кӧ лоӧ весиг саридздор лыа мында, мездмас сӧмын колясыс.