Исай 7:23 - Коми Библия 2023

²³ Сійӧ лунӧ виноград йӧръясын, кӧні сюрсъясӧн быдмисны виноград пуяс, донасьыс-дона пуяс, кутас быдмыны йӧн да ёг турун.

Исай 7:23 Kruisverwysings

Олӧм 3:18

Муыс кутас быдтыны йӧн да ёг турун, но сійӧ жӧ муыс кутас сетны тэныд сёян.

Исай 32:10

Коляс во да некымын лун, и ті дзӧрмӧн повзянныд, шог тӧдтӧмъяс! Ӧд оз нин во виноград чукӧртан кадыс, вотӧс чукӧртан кадыс оз нин ло.

Исай 5:10

Дас виноград йӧр сетас сӧмын ӧти бӧчка вина, мешӧк тыр кӧдзӧм кӧйдыс сетас сӧмын куд тыр нянь.

Исай 5:6

Ме дзикӧдз эновта сійӧс, ог кут тӧждысьны, ог кут весавны, сійӧ тырас йӧнмӧн да ёг турунӧн. Ме шуа кымӧръяслы, и найӧ оз сетны зэрсӧ.

Исай 7:24

Сэтчӧ кутасны ветлыны ньӧввужйӧн да ньӧвъясӧн, ӧд муыс ставнас тырас йӧнмӧн да ёг турунӧн.

Еремей 4:26

Ме видзӧдлі, а бур му лоӧма кушинӧн, каръяс киссьӧмаӧсь Господьлӧн кӧсйӧм серти Сылӧн яр скӧрлунысь.

Езекиль 12:20

Олан каръясныс киссясны, муныс овтӧммас. Сэки ті тӧдмаланныд, мый Ме – Господь».

Осий 2:12

Бырӧда сылысь виноград да инжир пуяссӧ, мый йылысь сійӧ шуліс, тайӧн пӧ мусукъясӧй мынтысьлісны меным. Ме лэдза вӧрсявны сад йӧръясыслы, зверъяс куштасны-сёясны сэтысь ставсӧ.

Осий 9:6

Ті пышйинныд бырӧдӧмысь, но Египет чукӧртас тіянӧс, Мемфис кар гуалас тіянӧс. Тіянлысь эзысьнытӧ пӧдтас петшӧр, чомъяснытӧ кытшалас лежнӧг.

Матвей 21:33

«Кывзӧй мӧд велӧданвисьт. Овмӧс кутысь пуктас аслас йӧрӧ виноград, гӧгӧрыс потшас, вотӧс пычкан гу кодъяс да башня лэптас. Сэсся йӧрсӧ виноград быдтысьяслы кӧртымӧ сетас, ачыс мунас.

Еврейяслы 6:8

Муыс кӧ быдтӧ сӧмын йӧн да ёг турун – татшӧм муыс шогмытӧм, сійӧс лоӧ ёрӧма да сотӧма.