Исай 7:2 - Коми Библия 2023

² Кор ӧксы керкаын кылісны, мый арамейяс локтӧмаӧсь нин Ефрем муӧ, сэки Ахазлӧн да став войтырыслӧн сьӧлӧмныс вӧрзис, кыдзи вӧрын тӧвнырысь вӧрӧны пуяс.

Исай 7:2 Kruisverwysings

Ӧксыяслӧн 2 небӧг 7:16

Тэнад рӧдыд да ӧксыалӧмыд пыр кежлӧ лоӧ Ме водзын зумыд. Тэнад юралан пуклӧсыд кутас сулавны нэмъяс чӧж».

Ӧксыяслӧн 3 небӧг 11:32

Ӧти чужанкотыр Ме коля Соломонлы Давид батьыс вӧсна да Ерусалим кар вӧсна, мый Ме бӧрйи Израиль чужанкотыръяслӧн став карыс пӧвстысь.

Ӧксыяслӧн 3 небӧг 12:16

Кор Израиль войтыр гӧгӧрвоис, мый ӧксы оз кывзы найӧс, сэки найӧ шуисны сылы: «Миянӧс нинӧм оз йит Давидкӧд. Миянлы нинӧм вӧчны Ессейлӧн пикӧд. Мунамӧй гортӧ, Израиль войтыр! Давидлӧн рӧдыс мед ачыс тӧждысяс ас вӧснаыс!» Сэсся израильсаяс разӧдчисны гортаныс.

Ӧксыяслӧн 3 небӧг 13:2

Сійӧ горӧдӧмӧн шуис висьпуктанінлы Господьлысь кывсӧ: «Висьпуктанін, висьпуктанін! Господь тадзи висьталӧ: ”Давид рӧдын чужас Иосей нима пи. Мылькъяс вылын кесъялысь попъясӧс сійӧ ваяс вись пыдди тэ вылын, сотас тэ вылын тшынӧдчысьяслысь лыяссӧ”».

2 Каднебӧг 25:10

Сэки Амасей чукӧртіс Ефрем муысь локтӧм тышкайӧзӧс да тшӧктіс налы бӧр мунны. Найӧ чорыда скӧрмисны Иуда войтыр вылӧ да ёна дӧзмӧмӧн бӧр мунісны.

2 Каднебӧг 28:12

Иохананлӧн Азарий пиыс, Мешиллемотлӧн Берек пиыс, Шаллумлӧн Езекей пиыс да Хадлайлӧн Амессай пиыс – ефремса юралысьяс – сувтісны тыш вылысь локтысьяс водзӧ

Псалтыр 11:1

Сьылысьясӧн веськӧдлысьлы. Ворсӧны кӧкъямыс струнаа ворсанторйӧн. Давидлӧн псалом.

Шусьӧгъяс 28:1

Лёк вӧчысь пышйӧ, весиг кӧ сійӧс оз вӧтӧдны, но веськыда олысь лев кодь повтӧм.

Исай 11:13

Ефремлӧн вежалӧмыс кусас, Иудаӧс мустӧмтысьясӧс лоӧ бырӧдӧма. Ефрем оз кут вежавны Иудалы, Иуда оз кут мустӧмтны Ефремӧс.

Исай 22:22

Давид керка восьтӧм-йигналӧм вӧсна кывкутӧмсӧ Ме пукта сылы пельпом вылас. Сійӧ кӧ восьтас, некод оз вермы йигнавнысӧ, йигналас кӧ, некод оз вермы восьтнысӧ.

Исай 37:27

Сэтчӧс олысьясыс вынтӧммисны, найӧ яналісны да ёна полӧны. Найӧ лоины видзвывса турун кодьӧсь, вежӧдысь турун кодьӧсь, керка вевтвывса нявда кодьӧсь, шептасьтӧдзыс на чишкасьӧм нянь кодьӧсь.

Исай 37:35

Ме видза тайӧ карсӧ, мезда сійӧс Ас ради да Аслам Давид кесйӧгӧй ради».

Исай 6:13

Весиг коляс кӧ тані олысьяс пӧвстысь дасӧд юкӧныс, найӧс тшӧтш лоӧ бырӧдӧма. Кыдзи кералӧм бӧртиыс тупулӧн да ыджыд пулӧн кольӧ вужйыс, сідзи тайӧ войтырлӧн кольӧ вежа петасыс».

Исай 7:13

Сэки Исай шуис: «Кывзӧй, Давидлӧн рӧдыс! Тіянлы ӧмӧй этша на, мый ті йӧзсӧ сьӧктӧданныд? Ті кӧсъянныд тшӧтш менсьым Енмӧс сьӧктӧдны?

Исай 7:17

Тэныд, тэнад войтырлы да тэнад рӧдлы Господь мӧдӧдас сэтшӧм лунъяс, кутшӧмӧсь эз на вӧвны сійӧ кадсяньыс, кор Ефрем торйӧдчис Иудаысь. Тіянлы паныд Господь мӧдӧдас ассурса ӧксыӧс.

Исай 7:5

Арамейяс ефремсаяскӧд да Ремальлӧн пикӧд ӧтвыв сёрнитчисны вӧчны сылы лёксӧ. Найӧ шуалӧны:

Исай 8:12

– Тайӧ войтырыс мый лыддьӧ гуся сёрнитчӧмӧн, ті тадзи энӧ лыддьӧй. Мыйысь полӧ тайӧ войтырыс, ті энӧ полӧй да энӧ тіралӧй.

Исай 9:9

Та йылысь тӧдмаліс став войтырыс, Ефремын да Самарияын олысьяс. Найӧ тшапа да ышнясьӧмӧн сёрнитӧны:

Еремей 21:12

ті, Давидлӧн рӧдыс! Господь тадзи висьталӧ: водз асывсяньыс мыждӧй веськыда, увтыртӧмаӧс мездӧй дзескӧдысьлӧн киысь, медым Менам скӧрлунӧй эз ыпнит би моз, медым тіян лёк вӧчӧмъясныд вӧсна Менам скӧрлунӧй эз паськав кусӧдны позьтӧм яр би моз.

Осий 12:1

Ефрем кыйӧдӧ тӧвныр, вӧтлысьӧ асыв тӧв бӧрся, быд лун содтӧ пӧръясьӧмсӧ да виалӧмсӧ, Ассуркӧд кӧрталӧ йитӧдъяс, Египетӧ нуӧ вый.

Матвей 2:3

Тайӧс кылӧм бӧрын Ирӧд ӧксы инас эз кут ӧшйыны, шызис тшӧтш дзоньнас Ерусалим карыс.