Исай 66:4 - Коми Библия 2023

⁴ А Ме бӧръя налы мыждӧм, мӧдӧда налы сійӧ, мыйысь найӧ полӧны. Ӧд Ме чуксалі найӧс, но некод эз шыась, Ме висьталі налы, но найӧ эз кывзыны. Найӧ вӧчисны сійӧ, мый Менам син водзын шогмытӧм, найӧ бӧрйисны сійӧ, мый эз вӧв Менам кӧсйӧм серти.

Исай 66:4 Kruisverwysings

Ӧксыяслӧн 4 небӧг 21:2

Манассей вӧчис Господь водзын шогмытӧмсӧ. Сійӧ вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

Ӧксыяслӧн 4 небӧг 21:6

Ассьыс писӧ Манассей сотіс биын. Сійӧ кимӧститчис, тунасис да шыасьліс кулӧмаӧс корысьяс да тунасьысьяс дінӧ. Сійӧ вӧчис Господь водзын уна шогмытӧмсӧ, и тайӧн дӧзмӧдіс Господьӧс.

Шусьӧгъяс 1:24

Ме кори, но ті энӧ кывзысьӧй, киӧс нюжӧді, но некод меным вочасӧ эз пет.

Шусьӧгъяс 10:24

Лёк вӧчысьӧс суас сійӧ, мыйысь полӧ, веськыда олысьлӧн кӧсйӧмыс збыльмас.

Исай 50:2

Мыйла некод эз вӧв, кор Ме волі тіян дінӧ? Мыйла некод эз вочавидз, кор Ме чуксалі тіянӧс? Менам киӧй ӧмӧй дженьдаммис, Ме ӧмӧй вынтӧмми, медым мездыны тіянӧс? Менам ӧлӧдӧмысь саридз косьмӧ, юяс лоӧны косінӧн, сэні ватӧмысла чериыс сісьмӧ, горш косьмӧмысла кулӧ.

Исай 59:15

Збыльыс эз ло. Лёксьыс ылыстчысьлысь эмбурсӧ мырддьӧны. Господь аддзис, мый веськыда мыждӧмыс абу, и тайӧ вӧлі зывӧк Сылы.

Исай 59:7

Налӧн кокныс котӧртӧ лёксӧ вӧчны, найӧ тэрмасьӧны мыжтӧмлысь вир кисьтны. Налӧн мӧвпъясыс шогмытӧмӧсь, найӧ мырддялӧны да виалӧны.

Исай 65:12

тіянӧс Ме сета шыпурт улӧ, ті ставныд сувтанныд пидзӧс выланыд, и тіянӧс кераласны. Ме чуксалі тіянӧс, но ті энӧ шыасьӧй. Ме висьталі тіянлы, но ті энӧ кывзӧй. Ті вӧчинныд сійӧ, мый Менам син водзын шогмытӧм, ті бӧрйинныд сійӧ, мый эз вӧв Менам кӧсйӧм серти.

Исай 65:2

Быд лун Ме нюжӧдлі киӧс кывзысьтӧм войтыр дінӧ, коді мунӧ шогмытӧм туйӧд, олӧ аслас колӧм-кӧсйӧм серти.

Исай 65:3

Ме нюжӧдлі киӧс войтыр дінӧ, коді яндысьтӧг дӧзмӧдліс Менӧ. Расъясын найӧ вайӧны висьяс, тшынӧдчӧны кирпичысь вӧчӧм висьпуктанін вылын,

Исай 65:7

тіян мыжъясысь да батьясныдлӧн мыжъясысь, – висьталӧ Господь. – Керӧсъяс вылын найӧ сотісны висьяс, мылькъяс вылын омӧльтісны Менӧ. Ме мурталӧмӧн мынтыся налы важ уджъяссьыныс.

Еремей 35:17

Та вӧсна Господь Ен Саваоф, Израильлӧн Ен, тадзи висьталӧ: Ме мӧдӧда Иуда войтыр вылӧ да Ерусалимын олысьяс вылӧ став шогсӧ, мый Ме шуи мӧдӧдны. Ме ӧлӧдлі найӧс, но найӧ эз кывзыны, Ме чуксалі найӧс, но найӧ эз вочавидзны».

Еремей 7:13

Ті на моз жӧ вӧчанныд пежсӧ, – висьталӧ Господь. – Ме дугдывтӧг висьталі тіянлы, но ті энӧ кывзӧй, Ме чуксалі тіянӧс, но ті энӧ вочавидзӧй.

Еремей 7:30

Иуда войтыр вӧчис Менам син водзын шогмытӧмсӧ, – висьталӧ Господь. – Найӧ сувтӧдісны ассьыныс зывӧк идолъяснысӧ сійӧ керкаас, мый сиӧма Менам нимлы, да пежалісны тайӧ керкасӧ.

Езекиль 11:8

Ті поланныд шыпуртысь, сідзкӧ, тіян вылӧ шыпурт и вайӧда, – висьталӧ Господь Ыджыдыс. –

Езекиль 14:4

Шу налы, мый Господь Ыджыдыс тадзи висьталӧ: Израиль войтырысь кӧ кодкӧ сьӧлӧмнас кӧртасяс идолъяс дінӧ да син водзас сувтӧдас мыжас уськӧдантор, а сэсся локтас пророк дінӧ, татшӧм мортлы Ме, Господь, вочавидза сідзи, кыдзи колӧ вочавидзны уна идоллы юрбитысь мортлы.

Езекиль 20:25

Та вӧсна Ме сеті налы индӧд-тшӧктӧмъяс, мый оз вай бурсӧ да олӧмсӧ.

Матвей 24:24

Ӧд ылӧгкристосъяс да ылӧгпророкъяс локтасны да пондасны вӧчны ыджыд шензьӧданаторъяс, медым ылӧдны, позяс кӧ, весиг бӧрйӧмаясӧс.

Ӧксыяслӧн 1 небӧг 8:19

Израиль войтыр эз кӧсйы кывзыны Самуилӧс, найӧ шуисны: «Мед ӧксы ыджыдалас миян вылын.