Исай 66:1 - Коми Библия 2023

¹ Господь тадзи висьталӧ: – Енэжыс – Менам юралан пуклӧсӧй, муыс – Менам кок улӧй. Кутшӧм керка ті вӧчанныд Меным? Кӧні лоӧ Меным шойччаніныс?

Исай 66:1 Kruisverwysings

Ӧксыяслӧн 3 небӧг 8:27

Збыльысь, му вылын-ӧ Енмыслы овны? Енэжыс да енэжвывса енэжъясыс кӧ оз вермыны тӧрӧдны Тэнӧ, дерт нин, тайӧ крамыс, кодӧс ме лэпті [Тэнад нимлы], оз вермы тӧрӧдны Тэнӧ.

1 Каднебӧг 28:2

Давид ӧксы сувтіс да шыасис на дінӧ: «Кывзӧй менӧ, вокъясӧй, менам войтырӧй! Менам вӧлі кӧсйӧм лэптыны Господьлӧн Йитӧд кудйыслы керка, медым сійӧ вӧлі миян Енлӧн кок улӧн. Ме дасьтыси лэптыны сійӧс,

2 Каднебӧг 2:5

Крамыс, мый ме кыпӧда, лоӧ ыджыд, ӧд миян Енным став енсьыс ыджыд.

2 Каднебӧг 6:18

Збыльысь, му вылын-ӧ Енмыслы овны йӧзыскӧд? Енэжыс да енэжвывса енэжъясыс кӧ оз вермыны тӧрӧдны Тэнӧ, дерт нин, тайӧ крамыс, кодӧс ме лэпті, оз вермы тӧрӧдны Тэнӧ.

Псалтыр 11:4

Но Господь бырӧдас ылӧдчысьясӧс, найӧс, кодъяс ошйысьӧны,

Исай 57:15

Медвылыссаыс да Меднималанаыс, пыр Олысьыс, кодлӧн нимыс – Вежа, Сійӧ тадзи висьталӧ: – Ме ола выліинын да вежаинын, но Ме матын шогӧ усьӧмаяс да рам сьӧлӧмаяс дінӧ, медым ловзьӧдны рам сьӧлӧмаясӧс да бурӧдны шогӧ усьӧмаясӧс.

Исай 60:13

Кипарис, платан да пожӧм ваясны тэныд, ливанса озырлунӧн мичмӧдасны Менсьым вежаинӧс, Менсьым кок улӧс, мый Ме нимӧда.

Еремей 23:24

Вермас ӧмӧй мортыс дзебсьыны, медым Ме эг аддзы сійӧс? – висьталӧ Господь. – Ме ӧмӧй абу быдлаын, енэжас и му вылас? – висьталӧ Господь.

Малакий 1:11

Асыввылын и рытыввылын войтыръяс нимӧдӧны Менӧ, быдлаын тшынӧдчӧны Меным, вайӧны Меным сӧстӧм вись. Менӧ ыдждӧдлӧны войтыръяс, – висьталӧ Господь Саваоф. –

Матвей 12:6

Висьтала тіянлы: тані Сійӧ, коді крам дорысь ыджыдджык.

Матвей 24:2

Исус шуис налы: «Аддзанныд-ӧ ставсӧ тайӧс? Веськыда висьтала тіянлы: татчӧ из вылӧ из оз коль, ставсӧ жугӧдасны».

Ап. уджъяс 17:24

Муюгыдсӧ да ставсӧ вӧчысь Ен, енэжыслӧн да муыслӧн Господь, оз киӧн вӧчӧм крамъясын ов.