Исай 63:19 - Коми Библия 2023

¹⁹ Ми лоим сэтшӧм войтырӧн, код вылын Тэ быттьӧ некор эн юравлы, коді быттьӧ некор эз вӧв Тэнад войтырӧн.

Исай 63:19 Kruisverwysings

Ӧксыяслӧн 2 небӧг 22:10

Сійӧ доровтіс енэжсӧ да лэччис, сувтіс кокнас сьӧд кымӧръяс вылӧ.

Псалтыр 135:4

Ошкӧй Сійӧс, коді вӧчӧ ыджыд шензьӧданаторъяс, Сылӧн буралӧмыс оз помасьлы.

Псалтыр 18:10

Господьысь полӧмыс сӧстӧм, олӧ нэмъяс чӧж. Господьлӧн мыждӧмыс збыль да ставнас веськыд.

Псалтыр 79:6

Няньӧн моз Тэ вердін миянӧс синваӧн, уна синваӧн юктӧдін миянӧс.

Исай 63:18

Сӧмын дженьыдик кад Тэнад вежа войтырыд ыджыдаліс аслас му вылын, а ӧні Тэнсьыд вежаинтӧ талялӧны миянӧс дзескӧдысьяс.

Исай 64:1

Господьӧй, косяв енэжсӧ да лэччы! Керӧсъяс мед дзӧрӧны-тіралӧны Тэ водзын

Исай 65:1

Ме восьті Ачымӧс налы, кодъяс эз корны тайӧс. Менӧ аддзисны найӧ, кодъяс эз корсьны Менӧ. «Ме тані! Ме тані!» – шуалі Ме войтырлы, коді эз шыасьлы Ме дінӧ.

Еремей 10:25

Кисьт Ассьыд скӧрлунтӧ войтыръяс вылӧ, кодъяс оз тӧдны Тэнӧ, кисьт Ассьыд скӧрлунтӧ чужанкотыръяс вылӧ, кодъяс оз шыасьны Тэ дінӧ. Найӧ косявлісны Яковлысь рӧдсӧ, пазӧдісны-бырӧдісны сійӧс, куштісны сылысь оланінсӧ.

Еремей 14:9

Мыйла Тэ шӧйӧвошӧм морт кодь, мездыны вермытӧм вына тышкаморт кодь? Но Тэ, Господьӧй, миян пӧвстын, миянӧс сиӧма Тэныд, эн эновт миянӧс!

Даниил 9:18

Енмӧй, копырт Ассьыд пельтӧ да кывзы, восьт Ассьыд синтӧ да видзӧдлы пазӧдӧм карным вылӧ, мый сиӧма Тэнад нимлы. Ми кевмысям Тэныд огӧ асланым веськыдлун вылӧ лача кутӧмӧн, а Тэнад ыджыд буралӧмыд вылӧ лача кутӧмӧн.

Даниил 9:19

Господьӧй, кывзы миянӧс! Господьӧй, прӧстит миянӧс! Господьӧй, кыв миянӧс да вӧч корӧмным серти! Аслад нимыд ради эн ньӧжмась, Енмӧй, ӧд Тэнад нимлы сиӧма Тэнсьыд картӧ да Тэнсьыд войтыртӧ».

Амос 9:12

Сэки Израиль кутас ыджыдавны Эдомлӧн коляс войтырыс вылын да став войтыръяс вылын, кодъясӧс Ме шуа Асламӧн, – висьталӧ Господь, ставсӧ тайӧс Вӧчысь.

Ап. уджъяс 14:16

Воддза кадъясӧ Сійӧ быд войтырлы лэдзис ветлыны асланыс туйясӧд.

Ап. уджъяс 15:17

Сэки кутасны корсьны Господьӧс мукӧд йӧз, войтыръяс, кодъясӧс Ме шуа Асламӧн, – висьталӧ Господь, ставсӧ тайӧс Вӧчысь.

Римӧ 9:4

Израиль войтырӧс ӧд шуӧма Ен пиянӧн, восьтӧма налы Ен дзирдлунсӧ, кӧрталӧма накӧд йитӧдъяс, сетӧма налы Индӧд, сувтӧдӧма найӧс кесъявны Енлы, налы уна кӧсйысьӧма,

Ефесӧ 2:12

Сэки ті олінныд Кристостӧг, энӧ вӧлӧй Израиль войтырӧн. Енма-тіа костын йитӧдыс эз вӧв, тіянлы эз вичмыв Сылӧн кӧсйысьӧмыс, ті олінныд тайӧ муюгыдас Енсӧ тӧдтӧг да лачатӧг.

Индӧд 28:10

Мувывса войтыръяс аддзасны, мый ті Господьлӧн [тіян Енлӧн] войтыр, да кутасны повны тіянысь.

Ёрдысьяс 5:4

Господьӧй, Сеир керӧсвыв муысь Тэнад лэччигӧн, Эдомсянь Тэнад восьлалігӧн, муыс дзӧрис, енэжсянь кымӧръяс кисьтісны зэр.

Ёрдысьяс 5:5

Господь водзын керӧсъяс дзӧрисны, Израильлӧн Господь Ен водзын весиг Синай керӧс вӧрис.