Исай 62:10 - Коми Библия 2023

¹⁰ Петӧй, петӧй дзиръяясӧд, шыльӧдӧй туйсӧ войтырлы! Дасьтӧй, дасьтӧй туйсӧ, весалӧй изъясысь, кыпӧдӧй дӧрапас войтыръяслы!

Исай 62:10 Kruisverwysings

Псалтыр 24:7

Господьӧй, эн казьтывлы менсьым томдырся мыжъясӧс, эн казьтывлы менсьым лёк вӧчӧмъясӧс, но петкӧдлы меным Ассьыд буралӧмтӧ да бурлунтӧ, эн вунӧд менӧ!

Псалтыр 68:4

Горзӧмӧйла менам эбӧсӧй бырис, менам гӧлӧсӧй сибдіс, синмӧй мудзис Енмӧс виччысьӧмысь.

Петӧм 17:15

Мӧисей вӧчис висьпуктанін [Господьлы] да нимтіс сійӧс Яхве-нисси.

Исай 11:10

Сійӧ лунӧ Ессейлӧн вужйыс лоӧ дӧрапасӧн войтыръяслы, найӧ шыасясны Ессейлӧн вужйыс дінӧ, и сылысь шойччанінсӧ вевттяс дзирдлун.

Исай 11:12

Сійӧ лэптас дӧрапас войтыръяслы, чукӧртас нёльнан му пельӧссьыс Израильысь вӧтлӧмаясӧс, Иудаысь разалӧм войтырӧс.

Исай 11:16

Сэні лоӧ Ассурысь петан паськыд туй Господьлӧн коляс войтырлы, кыдзи вӧлі Израиль войтырлы Египетысь петігӧн.

Исай 18:3

Ті, муюгыдын олысьяс, ті, му вылас олысьяс, ставныд видзӧдӧй, кор керӧсъяс вылӧ кыптас дӧрапас, сюся кывзӧй, кор кылас буксанлӧн гора шыыс.

Исай 19:23

Сійӧ лунӧ Египетсянь Ассурӧ воссяс ыджыд туй. Ассурса кутасны волывлыны Египетӧ, а египетса – Ассурӧ. Найӧ ӧтвыв кутасны кесъявны Господьлы.

Исай 26:1

Сійӧ лунӧ Иуда муын кутасны сьывны татшӧм сьыланкыв: – Миян эм зумыд кар, оз стенъяс да тымӧдъяс видзны сійӧс, а Енмыс видзӧ сійӧс.

Исай 26:2

Восьтӧй дзиръяястӧ, мед пырас сэті веськыда олысь войтыр, коді кутчысьӧ эсканлунас.

Исай 35:8

Овтӧминті кутас мунны паськыд туй, сійӧс нимтасны Вежа туйӧн. Пежасьӧм морт оз кут ветлыны сы вывті, сійӧ лоӧ сӧмын Ен войтырлы туйӧн. Сэті мунысьяс, весиг мывкыдтӧмъяс, оз вошны.

Исай 35:9

Сэні оз паныдась лев, звер оз тыдовтчы сэні. Сэті ветлӧны сӧмын мездмӧмаяс.

Исай 40:3

Кылӧ горзысьлӧн шы: – Овтӧминын лӧсьӧдӧй туй Господьлы, увтасінын вӧчӧй веськыд туй миян Енлы!

Исай 40:4

Быд ковтыс мед тырас, быд керӧс да мыльк мед ляпкалас, чукыльяс мед веськаласны, гуранъяс мед шыляласны!

Исай 48:20

Петӧй Вавилонысь, пышйӧй Калдеяысь! Гораа нимкодясьӧмӧн юӧртӧй, висьтавлӧй та йылысь, паськӧдӧй тайӧ юӧрсӧ му помӧдзыс. Висьтавлӧй тадзи: Господь мездіс Ассьыс Яков кесйӧгсӧ.

Исай 49:11

Став Ассьым керӧсъясӧс Ме вӧча туйясӧн, Менам туйясӧй пондасны мунны выліинті.

Исай 49:22

Господь Ыджыдыс тадзи висьталӧ: – Ме нюжӧда киӧс войтыръяслань, лэпта Ассьым дӧрапасӧс чужанкотыръяслы, и найӧ ваясны тэнсьыд пиянтӧ ки выланыс, тэнсьыд нывъястӧ – пельпом выланыс.

Исай 52:11

Мунӧй, мунӧй, ылыстчӧй сэтысь, энӧ инмӧдчӧй пежас, дзикӧдз ылыстчӧй сэтысь, лоӧй сӧстӧмӧсь, Господьлысь вежа дозъяс новлӧдлысьяс.

Исай 57:14

Господь шуас: – Дасьтӧй, дасьтӧй, шыльӧдӧй туйсӧ, Менам войтырлӧн туй вылысь вештӧй ставсӧ, мыйӧ найӧ вермасны крукасьны.

Исай 60:11

Тэнад дзиръяясыд пыр лоӧны восьсаӧсь, лун и вой найӧс оз кутны пӧдлавны, тэныд пондасны вайны войтыръяслысь озырлунсӧ, тэ дінӧ вайӧдасны налысь ӧксыяссӧ.

Исай 60:18

Тэнад муын водзӧ оз ло виалӧм-дзескӧдӧм, оз ло мырддялӧм да бырӧдӧм тэнад муын. Аслад стенъяслы тэ сетан ”Мездӧм” ним, аслад дзиръяяслы – ”Ошкӧм” ним.

Исай 66:19

Ме петкӧдла налы индысьпас. Кодсюрӧӧс ловйӧн кольӧмаяс пӧвстысь Ме мӧдӧда юӧртны Менам дзирдлун йылысь войтыръяслы Фарсисӧ, Пулӧ да Лудӧ, кӧні лыйсьӧны ньӧввужйысь. Мӧдӧда юӧртысьясӧс тшӧтш Тувалӧ да Яванӧ, ылі саридздорса муясын олысь йӧз дінӧ, кодъяс эз на кывлыны Ме йылысь да эз на аддзывны Менсьым дзирдлунӧс.

Еремей 18:15

Но Менам войтырӧй вунӧдіс Менӧ, найӧ сотӧны висьяс абутӧм енъяслы. Найӧ крукасисны асланыс туй вылын, кежисны важ туй вылысь, ӧні ветлӧдлӧны сэті, кӧні туйыс абу.

Еремей 4:6

Лэптӧй дӧрапас Сион керӧс вылын, пышйӧй-котӧртӧй тэрмасьӧмӧн, ӧд войвывсянь Ме вайӧда ыджыд шог да бырӧдӧм.

Езекиль 26:2

«Морт пиӧй, Ерусалим йылысь Тирын олысьяс нимкодясьӧмӧн шуалӧны, киссьӧма пӧ войтыръяслы пыраніныс, а воссьӧма миянлы. Ми пӧ кутам озырмӧдчыны, а Иерусалимӧс лоӧ куштӧма.

Матвей 22:9

Мунӧй туйвежъясӧ да корӧй кӧлысь вылӧ быдӧнӧс, кодкӧд паныдасянныд”.

Еврейяслы 12:13

Ветлӧй шыльыд туйӧд, медым чотысь кокныд эз музгыльтчы, а бурдіс.