Исай 61:1 - Коми Библия 2023

¹ Господь Ыджыдлӧн Лолыс Ме вылын, ӧд Господь мавтыштіс Менӧ висьтавны бур юӧр коньӧръяслы. Сійӧ мӧдӧдіс Менӧ бурдӧдны доймӧм сьӧлӧмаясӧс, юӧртны дзескыдінӧ йӧршитӧмаяслы мездлун йылысь, дорӧмаяслы чепъяс орӧдӧм йылысь,

Исай 61:1 Kruisverwysings

Псалтыр 102:20

Ошкӧй Господьӧс, вына анделъяс, Сылӧн кыв серти вӧчысьяс, Сылысь висьталӧмсӧ кывзысьяс!

Псалтыр 147:3

Сійӧ ыстӧ тэныд лӧнь олӧм, вердӧ тэнӧ медбур шобді няньӧн.

Псалтыр 149:4

Ӧд Господь радейтӧ Ассьыс войтырсӧ, рам сьӧлӧмаясӧс мичмӧдӧ мездмӧмӧн.

Псалтыр 2:6

«Ме мавтышті Ассьым Ӧксыӧс да сувтӧді Сійӧс Сионӧ, Менам вежа керӧс вылӧ».

Псалтыр 25:9

Эн бырӧд менӧ мыжаяскӧд, эн босьт менсьым олӧмӧс вир кисьтысьяскӧд ӧтвыв.

Псалтыр 34:18

Тэнад войтырлӧн ыджыд чукӧртчӧмын ме ошка Тэнӧ, уна йӧз пӧвстын ыдждӧдла Тэнӧ.

Псалтыр 45:7

Войтыръяс шызьӧны, юралӧмъяс киссьӧны, муыс сыркмунлӧ Медвылыссалӧн гӧлӧс шыысь.

Псалтыр 68:7

Ыджыдӧй, Господь Саваоф, Тэ вылӧ лача кутысьяс мед оз янавны ме понда. Израильлӧн Енмӧй, Тэнӧ корсьысьяс мед оз янавны ме понда.

Петӧм 28:41

Пасьтӧд Аарон воктӧ да сылысь пиянсӧ татшӧм паськӧмнас, мавтышт найӧс вежа выйӧн, пукты попъясӧ да вежӧд найӧс, сэки найӧ вермасны попъясӧн кесъявны Меным.

Петӧм 29:7

Сэсся босьт мавтыштан вый да кисьт Ааронлы юр вылас. Тадзи тэ мавтыштан сійӧс.

Исай 29:19

Коньӧръяс кутасны ёнджыка на нимкодясьны Господьӧн, гӧльяс кутасны кыпыда ошкыны Израильлысь вежа Енмӧс

Исай 30:19

Ерусалимын олысь сионса войтыр, тэ он нин понды бӧрдны. Кор тэ шыасян Сы дінӧ, Сійӧ кутас буравны тэ дінӧ, Сійӧ кылас да вочавидзас тэныд.

Исай 30:26

Сэки тӧлысьлӧн югыдыс лоӧ шонділӧн кодь, а шонділӧн югыдыс лоӧ сизимпӧв югыдджык на, быттьӧ сизим лунлӧн югыдыс. Тадзи лоӧ сійӧ лунӧ, кор Господь кӧрталас Аслас войтырлысь дойяссӧ да бурдӧдас найӧс.

Исай 32:7

Наян морт вӧчӧ наяна, сійӧ мӧвпалӧ лёк вӧчӧм йылысь, ылӧгнас сійӧ бырӧдӧ коньӧр мортӧс, коді збыльсӧ висьталӧ.

Исай 40:9

Сион, бур юӧр вайысь, кыпӧдчы джуджыд керӧс вылӧ! Ерусалим, бур юӧр вайысь, висьтавлы гора шыӧн! Эн пов, висьтавлы иудаса каръяслы: «Со, тіян Енныд!»

Исай 42:1

Со, Менам Кесъялысьӧй, Ме сета Сылы вын, Ме бӧрйи Сійӧс, Менам сьӧлӧмӧй нимкодясьӧ Сыӧн. Ме мӧдӧда Сы вылӧ Ассьым лолӧс. Сійӧ ваяс веськыда мыждӧм быд войтырлы.

Исай 42:7

медым синтӧмъяслысь восьтны синсӧ, дорӧмаясӧс петкӧдны дзескыдінысь, пемыдын пукалысьясӧс – пемыдінысь.

Исай 48:16

Матыстчӧй Ме дінӧ да кывзӧй! Водзысяньыс Ме висьтавлі тіянлы восьсӧн. Сійӧ кадсяньыс, кор ставыс тайӧ заводитчис, Ме вӧлі сэні нин. Ӧні Господь Ыджыдыс сетіс меным Ассьыс ловсӧ да мӧдӧдіс менӧ.

Исай 49:9

медым тэ шуин дзескыдінӧ йӧршитӧмаяслы: «Петӧй!», пемыдінын пукалысьяслы: «Петкӧдчӧй!» Туй бокысь найӧ аддзасны сёян, куш мылькъяс лоӧны налы йирсянінӧн.

Исай 52:7

Кутшӧм шензьӧданаӧсь кокъясыс сылӧн, коді керӧсъяс вывті нуӧ бур юӧр, юӧртӧ лӧнь олӧм йылысь, вайӧ нимкодь юӧр, висьталӧ мездмӧм йылысь, Сионлы шуӧ: «Тэнад Енмыд ӧксыалӧ!»

Исай 52:9

Кыпыда гажӧдчы, пазӧдӧм Ерусалим кар! Сьылӧй ставныд ӧтвылысь, ӧд Господь бурӧдіс Ассьыс войтырсӧ, мездіс Ерусалим.

Исай 57:15

Медвылыссаыс да Меднималанаыс, пыр Олысьыс, кодлӧн нимыс – Вежа, Сійӧ тадзи висьталӧ: – Ме ола выліинын да вежаинын, но Ме матын шогӧ усьӧмаяс да рам сьӧлӧмаяс дінӧ, медым ловзьӧдны рам сьӧлӧмаясӧс да бурӧдны шогӧ усьӧмаясӧс.

Исай 57:18

Ме аддзылі, мый найӧ вӧчисны, но Ме бурдӧда найӧс. Ме Ачым кута нуӧдны да бурдӧдны найӧс, Ме бурӧда шогалысьясӧс.

Исай 59:21

Тэкӧд, Менам войтырӧй, Ме кӧртала татшӧм йитӧд, – висьталӧ Господь, – Менам Лолӧй лоас тэ вылын, Менам кывъясӧй, мый пукті тэнад вомӧ, пыр лоӧны тэнад вомын, тэсянь чужысьяслӧн вомын да насянь чужысьяслӧн вомын ӧні и нэмъяс чӧж, – висьталӧ Господь.

Исай 66:2

Ставсӧ тайӧс вӧчӧма Менам киӧн, ставыс тадзи лои, – висьталӧ Господь. – Но Ме видзӧдла коньӧр да рам морт вылӧ, коді вежавидзӧ Менам кывйысь.

Еремей 34:8

Еремейлы вӧлі Господьсянь кыв сы бӧрти, кор Седекей ӧксы сёрнитчис ерусалимса войтыркӧд кесйӧгъясӧс лэдзӧм йылысь.

Еремей 52:33

Еконей пӧрччис дзескыдінын пукалан паськӧмсӧ да пасьталіс мӧд паськӧм. Сійӧ кадсяньыс да олӧм помӧдзыс Еконей сёйис-юис вавилонса ӧксылӧн пызан сайын.

Даниил 9:24

Сизимдасысь сизим во индӧма тэнад войтырлы да тэнад вежа карлы, медым дугӧдны лёкнога олӧмсӧ, пуктыны пом лёк вӧчӧмлы да вештыны мыжсӧ, медым пыр ыджыдаліс веськыдлун, медым вынсьӧдны аддзылӧм-петкӧдчылӧмъяс да пророклысь кывсӧ, мавтыштны Вежасьыс-вежаинсӧ.

Осий 6:1

Сьӧкыдаліганыс найӧ пондасны корсьны Менӧ, шуасны: «Бӧр мунамӧй Господь дінӧ! Сійӧ косявліс миянӧс, но Сійӧ и бурдӧдас, Сійӧ дойдаліс миянӧс, но Сійӧ и кӧрталас дойяснымӧс.

Левит 7:35

Господьлы вайӧм висьлӧн тайӧ юкӧнъясыс вичмӧны Ааронлы да сысянь чужысьяслы сійӧ лунсяньыс, кор найӧс пуктасны попъясӧн кесъявны Господьлы.

Микей 3:8

А ме тырӧма вынӧн да Господьлӧн Лолӧн, веськыдлунӧн да вынйӧрӧн, медым Яков рӧдлы юӧртны сылӧн лёк вӧчӧм йылысь, Израиль войтырлы – сылӧн мыж йылысь.

Матвей 11:5

– Синтӧмъяс аддзӧны, коктӧмъяс ветлӧны, проказаысь сӧстӧммӧны, пельтӧмъяс кылӧны, кулӧмаяс ловзьӧны, коньӧръяслы Бур Юӧр висьталӧны.

Матвей 3:16

Пыртчӧм бӧрас Исус петіс ваысь. Сэки енэжыс воссис, и Исус аддзис, кыдзи Енлӧн Лолыс гулю моз лэччис Сы вылӧ.

Лука 7:22

Исус вочавидзис: «Мунӧй, висьталӧй Иоанлы, мый аддзанныд да кыланныд: – Синтӧмъяс аддзӧны, коктӧмъяс ветлӧны, проказаысь сӧстӧммӧны, пельтӧмъяс кылӧны, кулӧмаяс ловзьӧны, коньӧръяслы Бур Юӧр висьталӧны.

Иоан 1:41

Сійӧ медводз корсис Симон воксӧ да висьталіс сылы: «Ми аддзим Мессияӧс!» Мӧд ногӧн кӧ, тайӧ лоӧ Кристос.

Иоан 3:34

Кодӧс Енмыс мӧдӧдіс, Сійӧ Енлысь кывъяссӧ висьталӧ, ӧд Енмыс Сылы лышкыда Ловсӧ сетӧ.

Ап. уджъяс 10:38

Ен мавтыштіс Назаретса Исусӧс Вежа Лолӧн да вынӧн. Исус быдлаті ветлӧдліс, уна бур вӧчис йӧзыслы, бурдӧдаліс да мездіс йӧзсӧ омӧльыслӧн киысь. Енмыс вӧлі Сыкӧд.

Ап. уджъяс 26:18

мед восьтны налысь синсӧ да бергӧдны найӧс пемыдсьыс югыдӧ, сӧтана кипод улысь Ен дінӧ, медым Меным эскӧмӧн найӧ босьтасны мыжъясысь прӧститӧмсӧ да вежа войтырлы Енсянь вичмӧдӧмасӧ”.

Ап. уджъяс 4:27

Тайӧ карас Ирӧд да Понтий Пилат збыльысь ӧтувтчисны ентӧдтӧмъяскӧд да Израиль войтыркӧд, сувтісны Тэнад Мавтыштӧмалы, Тэнад вежа Исус Пиыдлы паныд.

2 Коринфӧ 3:17

Господь эм Лов. Кӧні Господьлӧн Лолыс, сэні мездлун.

2 Коринфӧ 7:6

Но Енмыс, ловнас усьӧмаясӧс Ышӧдысь, ышӧдіс миянӧс Тит воӧмӧн,

Еврейяслы 1:9

Веськыдлуныс Тэныд муса, а лёксӧ Тэ мустӧмтан. Та вӧсна Тэнад Енмыд мавтыштіс Тэнӧ, Енмӧй, нимкодьлунӧн мукӧд дорысь ёнджыка на.