Исай 60:6 - Коми Библия 2023

⁶ Тэ дінӧ локтас уна верблюд, Мадианысь да Эфаысь локтасны том верблюдъяс. Саваын олысьяс локтасны тэ дінӧ, ваясны чӧскыд ӧвтанторъяс да зарни, кыпӧдасны Господьлы ошкӧм.

Исай 60:6 Kruisverwysings

Олӧм 10:7

Кушлӧн вӧліны Севей, Хавил, Савтай, Рамай да Савтек пиян. Рамайлӧн вӧліны Шевей да Дедан пиян.

Олӧм 25:13

Измаил пиянлӧн нимъясныс чужан во сертиныс: Измаиллӧн медводдза пиыс вӧлі Невайот, нӧшта сылӧн вӧліны Кедар, Адбел, Мивсам,

Ӧксыяслӧн 3 небӧг 10:2

Сійӧ локтіс Ерусалимӧ зэв уна йӧзкӧд. Верблюдъяс вылын найӧ вайисны зэв уна зарни, дона изъяс да чӧскыд ӧвтанторъяс. Ӧксы-ань аддзысис Соломонкӧд. Сійӧ сёрнитіс Соломонкӧд быдтор йылысь, мый кӧсйис тӧдны.

Ӧксыяслӧн 4 небӧг 8:9

Азаил босьтіс Дамаскысь медбур козинъяс, сӧвтіс нелямын верблюд вылӧ да муніс Енлӧн морт Елисей дінӧ. Кор воис сэтчӧ, сувтіс Енлӧн морт водзӧ да шуис: «Арамейяслӧн Бен-Хадад ӧксы, тэнад кесйӧг, мӧдӧдіс менӧ юавны, бурдас-ӧ сійӧ тайӧ висьӧмсьыс».

1 Каднебӧг 1:33

Мадианлӧн вӧліны Эфай, Эфер, Енок, Авид да Эльдаг пиян. Ставныс найӧ вӧліны Кетуралӧн пиянсянь чужысьяс.

2 Каднебӧг 9:1

Саваса ӧксы-ань кыліс Соломонлӧн нималӧмыс йылысь да муніс Ерусалимӧ, медым нӧдкывъясӧн тӧдмавны Соломонлысь мывкыдлунсӧ. Сыкӧд вӧлі зэв уна йӧз. Верблюдъяс вылын найӧ вайисны уна зарни, дона изъяс да чӧскыд ӧвтанторъяс. Ӧксы-ань аддзысис Соломонкӧд. Сійӧ сёрнитіс Соломонкӧд быдтор йылысь, мый кӧсйис тӧдны.

Псалтыр 67:4

А веськыда олысьяс кутасны гажӧдчыны, кутасны долыда нимкодясьны Ен водзын.

Псалтыр 72:10

Лёк вӧчысьяс дінӧ бергӧдчӧ тшӧтш Енлӧн войтырыс, ва моз пӧтлытӧг юӧ налысь лёк кывъяссӧ.

Псалтыр 72:15

Но ме кӧ шуи, мый кута на моз сёрнитны, ме эськӧ мыжа вӧлі Тэнад войтырыд водзын.

Исай 30:6

Негев овтӧминса пемӧсъяс йылысь водзвыв висьталӧм. Шогнас да сьӧкыднас тырӧм му вывті, кӧні олӧны левъяс, гадюкаяс да лэбалысь змейяс, иудаса юралысьяс нуӧны осёлъяс вылын ассьыныс озырлунсӧ, верблюдъяс вылын – ассьыныс эмбурсӧ сійӧ войтырлы, коді оз вермы налы отсавны.

Исай 42:10

Сьылӧй Господьлы выль сьыланкыв, ошкӧй Сійӧс быд му пельӧсын! Ошкӧй Сійӧс, саридз вывті кывтысьяс и саридзын олысьяс. Ошкӧй Сійӧс, саридздорса муяс и саридз дорын олысьяс.

Исай 45:14

Господь тадзи висьталӧ: – Ставыс тайӧ, мый чукӧртісны египетсаяс, мыйӧн вузасьӧм помысь озырмисны эфиопияса олысьяс да саваса гырысь йӧз, вуджас тэныд, Менам войтырӧй, ставыс лоӧ тэнад. Найӧ, чептӧн дорӧмаяс, мунасны тэ бӧрся, уськӧдчасны тэ водзӧ да кутасны кевмысьӧмӧн шуавны: «Сӧмын тэкӧд Енмыс, и мӧд Енмыс абу!»

Исай 60:9

Саридз дорын олысьяс лача кутӧны Ме вылӧ, фарсисса корабльяс медводзын кывтӧны, ылі муясысь найӧ вайӧны тэнсьыд пиянтӧ да налысь зарни-эзысьсӧ Господьлӧн, тэнад Енлӧн, нимыс вӧсна, Израильлӧн вежа Ен вӧсна, ӧд Сійӧ нимӧдіс тэнӧ.

Исай 61:6

А тіянӧс пондасны шуны Господьлы кесъялысь попъясӧн, миян Енлӧн кесйӧгъясӧн. Ті понданныд вӧдитчыны войтыръяслӧн озырлунӧн, налӧн нималӧмыс вичмас тшӧтш тіянлы.

Еремей 6:20

Меным оз ков Саваысь вайӧм ладаныс, оз ков ылі муысь вайӧм чӧскыд дука туруныс. Тіянлысь сотан висьяснытӧ Ме ог кӧсйы, тіян висьясныд Меным абу шогманаӧсь».

Езекиль 27:22

Саваса да рамаса вузасьысьяс ньӧбасиганыс мынтысьлісны тэныд медбур чӧскыд ӧвтанторъясӧн, дона изъясӧн да зарниӧн.

Софоний 3:10

Эфиопиялӧн юсайса муясысь ваясны Меным козинъяс Менам разӧдӧмаяс, Меным юрбитысьяс.

Закар 14:16

Ерусалим вылӧ уськӧдчӧм войтыръясысь ловйӧн кольӧмаяс быд во кутасны волыны Ерусалимӧ, медым юрбитны Ӧксылы, Господь Саваофлы, да пасйыны Чом вӧчан лунъяс.

Малакий 1:11

Асыввылын и рытыввылын войтыръяс нимӧдӧны Менӧ, быдлаын тшынӧдчӧны Меным, вайӧны Меным сӧстӧм вись. Менӧ ыдждӧдлӧны войтыръяс, – висьталӧ Господь Саваоф. –

Матвей 2:11

Керкаӧ пырӧм бӧрын найӧ аддзисны кагаӧс Мария мамыскӧд. Пидзӧс выланыс уськӧдчӧмӧн найӧ копыртчылісны кагалы да сетісны Сылы дона козинъяс: зарни, ладан да смирна.

Римӧ 15:9

Кристос локтіс кесъявны тшӧтш мукӧд войтыръяслы, мед и найӧ вермисны ошкыны Енсӧ на дінӧ буралӧмысь. Та йылысь гижӧма: – Та вӧсна ме кута нимӧдны Тэнӧ мукӧд войтыръяс пӧвстын, кута сьылӧмӧн ошкыны Тэнсьыд нимтӧ.

Индӧд 32:43

[Нимкодясьӧй, енэжъяс, Господькӧд ӧтвылысь, Енлӧн став анделыс, копыртчылӧй Сылы!] Нимкодясьӧй, войтыръяс, Сылӧн войтыркӧд [ёнмӧдчӧй, Енлӧн пиян]! Сійӧ водзӧс перъяс Сылы паныд сувтысьяслысь, мынтысяс налы Аслас кесъялысьяслысь вирсӧ кисьтӧмысь [мынтысяс Сійӧс мустӧмтысьяслы]. Господь сӧстӧммӧдас Ассьыс мусӧ, вештас войтырыслысь мыжсӧ.

Филипӧ 2:17

Весиг ковмас кӧ кисьтны ассьым вирӧс да вайны ачымӧс вись пыдди тіян эскӧмныд вӧсна, тіянкӧд ӧтвыв кута нимкодясьны.

1 Петыр 2:5

да вайӧй асьнытӧ ловъя из пыдди, медым Ен вӧчас тіянысь Аслас Ловлы оланін. Сэки лоанныд вежа поп котырӧн да кутанныд вайны Ловсянь вись, мый лоӧ шогмана Енмыслы Исус Кристос пыр.

1 Петыр 2:9

Но ті – бӧрйӧм йӧз, Ӧксылӧн поп котыр, вежа войтыр. Енмыс корис тіянӧс пемыдсьыс Аслас шензьӧдана югыдӧ да бӧрйис тіянӧс, медым висьтавлінныд Сылӧн тыр-бур уджъясыс йылысь.

Ёрдысьяс 6:5

Вӧрӧг волывліс аслас ыж-мӧскӧн да чомъясӧн саранча чукӧръяс моз. Найӧ асьныс да налӧн верблюдъясыс вӧліны сы мында, мый весиг он вермы лыддьынысӧ. Найӧ локтісны да куштісны Израиль му.

Ёрдысьяс 7:12

Мадиансаяс, амалик войтыр да асыввылын олысь войтыр вӧлі паськӧдчӧмаӧсь ковтысӧ. Найӧ вӧліны саранча мында, а налӧн верблюдъясыс – саридздор лыа мында.