Исай 60:16 - Коми Библия 2023

¹⁶ Мукӧд войтыръяс кутасны йӧлӧн пӧткӧдны тэнӧ, налӧн ӧксыясыс – вердны тэнӧ. Сэки тэ тӧдмалан, мый Ме, Господь, – тэнӧ Мездысьыс, Яковлӧн вына Енмыс – тэнӧ Видзысьыс.

Исай 60:16 Kruisverwysings

Петӧм 6:7

Ті лоанныд Менам войтырӧн, а Ме – тіян Енмӧн. Ті тӧдмаланныд, мый Ме – Господь, тіян Енныд, коді петкӧдіс тіянӧс египетсалӧн нартитӧм улысь.

Исай 1:24

Вӧрӧгъясӧс Ме верма, паныд сувтысьяслысь Ме водзӧс перъя, – висьталӧ Ыджыдыс, Господь Саваоф, Израильлӧн вына Ен.

Исай 12:6

Сионын олысьяс, гажӧдчӧй да нимкодясьӧй! Израильлӧн Вежаыс ыджыд, Сійӧ тіян пӧвстын».

Исай 19:20

Тайӧ изйыс лоӧ египетсаяслы пасӧн, сійӧ кутас висьтавны Господь Саваоф йылысь. Кор найӧс кутасны дзескӧдны, найӧ шыасясны Господь дінӧ, и Сійӧ мӧдӧдас налы мездысьӧс. Сійӧ доръяс да мездас найӧс.

Исай 25:9

Сійӧ лунӧ шуасны: «Сійӧ – миян Ен! Ми лача кутім Сы вылӧ, и Сійӧ мездіс миянӧс. Сійӧ – Господь, Сы вылӧ ми лача кутім! Кутам нимкодясьны да гажӧдчыны, ӧд Сійӧ мездіс миянӧс».

Исай 29:24

Сэки ловнас ылалӧмаяс вежӧрсяласны, ропкысьяс велӧдчасны кывзысьны.

Исай 33:22

Господь – миян Мыждысьыс, Господь – миян Юралысьыс, Господь – миян Ӧксыыс, Сійӧ мездас миянӧс!

Исай 43:11

Ме – Господь, Ме кындзи мӧд мездысьыс абу.

Исай 45:15

Дзик збыльысь Тэ тыдавтӧм Ен, Израильлӧн Ен, Тэ – Мездысь.

Исай 45:21

Сёрнитчӧй ас костаныд, висьталӧй-вочавидзӧй. Коді важысянь юӧртіс та йылысь, водзысянь висьтавліс тайӧс? Эг-ӧ Ме, Господь? Меысь кындзи мӧд Енмыс абу! Ме веськыда вӧчысь Ен, Мездысь, Меысь кындзи мӧдыс абу!

Исай 49:23

Ӧксыяс пондасны тӧждысьны тэнад челядь вӧсна, ӧксыяслӧн гӧтыръясныс пондасны вердны тэнсьыд ныв-питӧ. Найӧ пондасны муӧдз копрасьны тэныд, тэнад кокысь буссӧ нювны. Сэки тэ тӧдмалан, мый Ме – Господь, и Ме вылӧ лача кутысь оз янав.

Исай 49:26

Тэнӧ нартитысьясӧс Ме пӧткӧда налӧн жӧ вир-яйнас, найӧ пондасны юны ассьыныс вирсӧ да коддзасны, кыдзи коддзӧны выль винаысь. Сэки ставныс тӧдмаласны, мый Ме – Господь, тэнӧ Мездысь, Яковлӧн вына Ен.

Исай 52:6

Но Менам войтырӧй кутас тӧдны Менсьым нимӧс. Воас лун, и найӧ тӧдмаласны, мый Ме – Сійӧ, коді шуӧ: «Тайӧ Ме».

Исай 59:20

Сионӧ локтас Мездысь, Сійӧ локтас Яковсянь чужысьяс дінӧ, кодъяс бергӧдчисны мыжъяссьыныс, – висьталӧ Господь.

Исай 60:17

Ыргӧн пыдди Ме вая тэныд зарни, кӧрт пыдди – эзысь, пу пыдди – ыргӧн, из пыдди – кӧрт. Тэнад юралысьӧн Ме инда лӧньлун, тэнад ыджыдалысьӧн – веськыдлун.

Исай 61:6

А тіянӧс пондасны шуны Господьлы кесъялысь попъясӧн, миян Енлӧн кесйӧгъясӧн. Ті понданныд вӧдитчыны войтыръяслӧн озырлунӧн, налӧн нималӧмыс вичмас тшӧтш тіянлы.

Исай 63:16

Господьӧй, Тэ – миян Батьным. Ӧвраам оз тӧд миян йылысь, Израиль оз тӧд миянӧс, но Тэ – миян Батьным! Важысянь тэнад нимыд – Миян Мездысь.

Исай 63:8

Господь шуис: «Тайӧ збыльысь Менам войтырӧй, Менам челядьӧй, кодъяс оз пӧръясьны». Сійӧ лоис налы Мездысьӧн,

Исай 66:14

Ті аддзанныд тайӧс, и тіян сьӧлӧмныд пондас нимкодясьны, тіян вир-яйныд пондас дзоридзавны. Быдӧн тӧдмалас, мый Господьлӧн киыс Сылӧн кесйӧгъяс вылын, а скӧралӧмыс – Сылы паныд сувтысьяс вылын.

Еремей 15:21

Ме мезда тэнӧ лёк йӧзлӧн киысь, нетшышта тэнӧ дзескӧдысьяслӧн кабырысь.

Езекиль 34:30

Сэки Израиль войтыр тӧдмалас, мый Ме, налӧн Господь Ен, накӧд, и найӧ – Менам войтыр, – висьталӧ Господь Ыджыдыс. –

Восьтӧм 21:24

Мездмӧм войтыръяс кутасны овны сылӧн югыдас. Мувывса ӧксыяс ваясны тайӧ карас ассьыныс ошйысян-нимӧданторнысӧ.

Восьтӧм 21:26

Сэтчӧ лоӧ вайӧма войтыръяслысь ошйысян-нимӧданторсӧ.