Исай 6:10 - Коми Библия 2023

¹⁰ Чорзьӧд тайӧ войтырыслысь сьӧлӧмнысӧ, найӧ мед лоӧны сьӧкыд пеляӧсь, куньса синмаӧсь. Синнаныс мед оз аддзыны, пельнаныс мед оз кывны, сьӧлӧмнаныс мед оз гӧгӧрвоны, Мелань мед оз бергӧдчыны, медым Ме бурдӧді найӧс».

Исай 6:10 Kruisverwysings

Псалтыр 17:10

Сійӧ доровтіс енэжсӧ да лэччис, сувтіс кокнас сьӧд кымӧръяс вылӧ.

Петӧм 10:27

Но Господь чорзьӧдіс фараонлысь сьӧлӧмсӧ, и фараон эз кӧсйы лэдзны Израиль войтырӧс.

Петӧм 11:10

Мӧисей да Аарон вӧчисны став тайӧ [индысьпассӧ да] шензьӧданаторсӧ фараон водзын, но Господь чорзьӧдіс фараонлысь сьӧлӧмсӧ. Фараон эз лэдз Израиль пиянӧс аслас муысь.

Петӧм 14:17

Ме чорзьӧда [фараонлысь да] египетсаяслысь сьӧлӧмнысӧ, и найӧ вӧтчасны тіян бӧрся. Но Ме петкӧдла Ассьым вынӧс сы пыр, мый Ме вӧча фараонкӧд да сылӧн став вӧла-тарантаса тышкайӧзкӧд.

Петӧм 7:3

Но Ме чорзьӧда фараонлысь сьӧлӧмсӧ и петкӧдла Египет муын уна индысьпас да шензьӧданатор.

Шусьӧгъяс 16:30

Синсӧ читкыралысь гусьӧн пурны мӧвпалӧ, пиньсӧ йирысь лёксӧ вӧчны лӧсьӧдчӧ. [Сійӧ пушкӧ лӧглунӧн.]

Еклесиаст 3:3

эм кад виавны и бурдӧдавны, жуглыны и тэчны,

Исай 19:22

Господь дойдас Египетӧс. Сійӧ дойдас и бурдӧдас найӧс. Кор найӧ шыасясны Господь дінӧ, Сійӧ кылас налысь кевмӧмсӧ да бурдӧдас найӧс.

Исай 28:13

Господьлӧн кывйыс лоӧ налы татшӧм: тшӧктӧм бӧрся тшӧктӧм, тшӧктӧм бӧрся тшӧктӧм, велӧдӧм бӧрся велӧдӧм, велӧдӧм бӧрся велӧдӧм, татысь мыйкӧ, сэтысь мыйкӧ. Найӧ мунасны, усясны да доймасны. Найӧ веськаласны налькйӧ, и найӧс кутасны.

Исай 29:10

Ӧд Господь мӧдӧдіс тіян пытшкӧ унзіль, тупкис тіянлысь синнытӧ – пророкъяснытӧ, вевттис тіянлысь юрнытӧ – тӧдысь-аддзысьяснытӧ.

Исай 29:14

Та вӧсна тайӧ войтырыслы Ме бара кута петкӧдлыны Ассьым чуймӧдана да шензьӧдана уджъясӧс. Сэки на пӧвстысь мывкыда йӧзлӧн мывкыдлуныс бырас, сюсь вежӧра йӧзлӧн вежӧрлуныс вошас.

Исай 29:9

Чуймалӧй-шензьӧй, синтӧммӧй, энӧ аддзӧй! Ті кодаланныд, но онӧ вина понда, довъяланныд, но онӧ сур понда.

Исай 44:18

Идолъясӧс вӧчысьяс нинӧм оз тӧдны да оз гӧгӧрвоны, налысь синнысӧ да вежӧрнысӧ тупкӧма, найӧ оз аддзыны да оз гӧгӧрвоны.

Исай 63:17

Господьӧй, мыйла Тэ лэдзан миянлы кежны Тэнад туй вылысь, мыйла лэдзан чорзьыны сьӧлӧмнымлы, медым ми эгӧ полӧй Тэысь? Бергӧдчы миянлань Аслад кесйӧгъясыд вӧсна, Аслад бӧрйӧм чужанкотыръясыд ради.

Еремей 17:9

Мортлӧн сьӧлӧмыс наян, сійӧс он вермы вежнысӧ. Коді тӧдӧ мортлысь сьӧлӧмсӧ?

Еремей 5:21

– Мывкыдтӧм да вежӧртӧм войтырӧй, кывзы тайӧ кывъяссӧ. Тіян эм синъяс, но ті онӧ аддзӧй, тіян эм пельяс, но ті онӧ кылӧй.

Еремей 6:10

– Кодлы меным висьтавнысӧ, кодӧс туйдӧднысӧ, коді кывзас менӧ? Налӧн пельясныс тупкыса, найӧ оз вермыны кывзынысӧ. Господьлысь кывсӧ найӧ мустӧмтӧны, нинӧмӧ пуктӧны сійӧс.

Бӧрданкыв 3:65

Пемдӧд налысь вежӧрсӧ, ысты на вылӧ Ассьыд ёрӧмтӧ.

Закар 11:15

Господь шуис меным: «Нӧшта босьт сійӧ, мый колана мывкыдтӧм ыж видзысьлы.

Закар 7:11

Но тіян батьясныд эз кӧсйыны кывзыны, пельнысӧ тупкісны да бергӧдісны Меланьӧ мышнысӧ.

Матвей 13:15

Чорзьӧма тайӧ войтырыслӧн сьӧлӧмныс, найӧ сьӧкыд пеляӧсь, куньса синмаӧсь. Аддзынысӧ оз зільны, кывзынысӧ оз кӧсйыны, сьӧлӧмнаныс оз гӧгӧрвоны. Мелань бергӧдчынысӧ оз кӧсйыны, медым Ме бурдӧді найӧс.

Иоан 12:40

– Енмыс тупкис налысь синнысӧ, чорзьӧдіс налысь сьӧлӧмнысӧ, медым эз аддзыны синнаныс, эз гӧгӧрвоны сьӧлӧмнаныс да эз бергӧдчыны Мелань, медым Ме бурдӧді найӧс.

Ап. уджъяс 28:27

Чорзьӧма тайӧ войтырыслӧн сьӧлӧмныс, найӧ сьӧкыд пеляӧсь, куньса синмаӧсь. Аддзынысӧ оз зільны, кывзынысӧ оз кӧсйыны, сьӧлӧмнаныс оз гӧгӧрвоны. Мелань бергӧдчынысӧ оз кӧсйыны, медым Ме бурдӧді найӧс.

Ап. уджъяс 3:19

Бергӧдчӧй мыжъяссьыныд Енлань, медым Сійӧ вештас тіянлысь мыжъяснытӧ.

2 Коринфӧ 2:16

Ӧтияслы тайӧ дукыс вайӧ кулӧм, а мӧдъяслы – олӧм. Но коді шогмас та вылӧ?

Индӧд 2:30

Но хешбонса Сигон ӧксы эз лэдз миянӧс мунны аслас муӧд, ӧд Господь, тіян Енныд, чорзьӧдіс Сигонлысь сьӧлӧмсӧ, медым сетны сійӧс тіян киӧ. Тадзи ставыс артмис.

Индӧд 29:3

Асланыд синмӧн ті аддзылінныд чорыда мыждӧмсӧ, ыджыд шензьӧданаторъяссӧ да индысьпасъяссӧ [Сылысь вына кисӧ да ён сойсӧ].

Индӧд 29:4

Но талунӧдз Господь [Ен] эз сет тіянлы гӧгӧрвоысь сьӧлӧм, аддзысь син да кылысь пель.

Индӧд 31:20

Ме вайӧда найӧс [бур] муӧ, мый йылысь кыв сеті налӧн батьяслы, муӧ, кӧні визувтӧ йӧв да ма. Сэні найӧ кутасны пӧттӧдзныс сёйны да тшӧгасны. Та бӧрын найӧ бергӧдчасны мукӧд енъяслань да кутасны юрбитны налы. А Менӧ найӧ эновтасны да торкасны йитӧдӧс, мый Ме кӧрталі накӧд.

Индӧд 32:15

[Яков сёйис,] Ешурун тшӧгис да лои асныра, тшӧгис, кызіс да госсяліс. Сійӧ эновтіс Енсӧ, ассьыс Вӧчысьсӧ, мустӧмтіс ассьыс вына Мездысьсӧ.