Исай 59:19 - Коми Библия 2023

¹⁹ Рытыввылын пондасны повны Господьлӧн нимысь, асыввылын – Сылӧн дзирдлунысь. Вӧрӧг кӧ ыльӧбтас ю моз, Господьлӧн ловшыыс вӧтлас сійӧс.

Исай 59:19 Kruisverwysings

Псалтыр 113:3

Тайӧс аддзӧмысь саридз пышйис, Йӧрдан ю кутіс мӧдарӧ визувтны.

Псалтыр 61:5

Ті мӧвпаланныд шыбитны менӧ вылісянь, сьӧлӧмнытӧ бурмӧданныд пӧръясьӧмӧн. Вомнаныд ті бурсианныд, но ас пытшканыд ёранныд.

Исай 30:27

Со, ылісянь локтӧ Господь, ыпъялӧ Сылӧн скӧрлуныс, Сылӧн ыпъялан биыс вына, Сылӧн вомыс тырӧма лӧглунӧн, Сылӧн кывйыс ставсӧ сотысь би кодь.

Исай 30:28

Сылӧн ловшыыс ойдӧм ва кодь, мый кыпӧдчӧ голя помӧдз. Господь кутас пожнавны войтыръясӧс, медым бырӧдны найӧс, Сійӧ кӧртвомалас найӧс, медым бокӧ кежӧдны найӧс туй вылысь.

Исай 45:6

медым асыввывсянь рытыввылӧдз ставныс тӧдмаласны, мый Ме кындзи мӧд Енмыс абу, Ме – Господь, и мӧдыс абу!

Исай 49:12

Со, Менам войтырӧй локтас ылісянь: ӧтияс – войвывсянь, мӧдъяс – рытыввывсянь, мукӧдыс – Синим муысь.

Исай 66:12

Господь тадзи висьталӧ: – Юӧс моз Ме веськӧда Ерусалимлы бур олӧмсӧ, мӧдӧда сылы войтыръяслысь озырлунсӧ ойдӧм ва моз. Сійӧ вердас тіянӧс пӧттӧдзныд, пондас новлӧдлыны ки вылас, лелькуйтны пидзӧс вылас.

Исай 8:7

Та вӧсна Ме, Господь, вайӧда тайӧ войтырыс вылӧ паськыда визувтысь да гораа бузгысь ю – ассурса ӧксыӧс став сылӧн выннас. Сійӧ паськалас ойдӧм ва моз, петас став аслас берегъясысь,

Даниил 7:27

Енэжувса ӧксыяслысь юралӧмсӧ да ыджыдалан вынсӧ лоӧ сетӧма Медвылыссалӧн вежа войтырлы. Медвылыссалӧн юралӧмыс лоӧ нэмъяс чӧж, и став юралысьясыс пондасны кесъявны Сылы да кывзысьны Сылысь».

Микей 7:17

Змейяс моз найӧ пондасны нювны мусӧ, мувывса веглясьысьяс моз петасны асланыс изкаръясысь, тіралӧмӧн локтасны Господь Енным дінӧ. Найӧс полӧм босьтас Тэысь!

Закар 4:6

Андел шуис меным: – Тайӧ Господьлӧн кывйыс Зоровавельлы: он тышкайӧзӧн, он аслад вынӧн тэ вермы, а Менам Лолӧн, – висьталӧ Господь Саваоф. –

Малакий 1:11

Асыввылын и рытыввылын войтыръяс нимӧдӧны Менӧ, быдлаын тшынӧдчӧны Меным, вайӧны Меным сӧстӧм вись. Менӧ ыдждӧдлӧны войтыръяс, – висьталӧ Господь Саваоф. –

Матвей 8:11

Висьтала тіянлы: унаӧн локтасны асыввылысь да рытыввылысь Енэжвыв Юраланінӧ. Найӧ ӧти пызан сайӧ пуксясны Ӧвраамкӧд, Исааккӧд да Яковкӧд.

2 Фессалоникаӧ 2:8

сэки паныд сувтысь воссяс. Но Господь Исус локтігас виас сійӧс Аслас лолыштӧмнас да бырӧдас сійӧс Аслас дзирдлуннас.

Восьтӧм 11:15

Кор сизимӧд анделыс тутсіс трубаӧ, енэжас кылісны гора шыяс. Найӧ шуалісны: – Став муюгыдыс лои миян Господьлӧн да Сылӧн Мавтыштӧмалӧн юраланінӧн. Сійӧ кутас юравны нэмъяс чӧж!

Восьтӧм 12:10

Сэки ме кылі енэжсянь гора шы: – Ӧні воис мездмӧмыс, выныс, миян Енлӧн юралӧмыс да Сылӧн Мавтыштӧмалӧн ыджыдалӧмыс. Ӧд енэжсьыс шыбитӧма мыжалысьӧс, коді лун и вой мыжаліс вокъяснымӧс миян Ен водзын.