Исай 59:12 - Коми Библия 2023

¹² Ӧд ми Тэныд паныд уна лёк вӧчим, миян мыжъясным мыждӧны миянӧс, лёк вӧчӧмъясным век миянкӧд, ми тӧдам ассьыным мыжъяснымӧс.

Исай 59:12 Kruisverwysings

Ездра 9:13

Ми ёна сьӧкыдалім лёк уджъясным да ыджыд мыжным вӧсна. Но Тэ, миян Енмӧй, чорыда мыждӧм пыдди бурсьӧлӧмтчин миян дінӧ да мездін тайӧ коляс войтырсӧ.

Ездра 9:6

Ме шуи: «Енмӧй, меным сэтшӧм яндзим, весиг пола лэптыны синмӧс Тэлань, ӧд лёк вӧчӧмным содӧма-быдмӧма юрысь вылӧджык на, ыджыд мыжным кыптӧма енэжӧдзыс.

Неемий 9:33

Быдторйын, мый суис миянӧс, Тэ веськыда вӧчин, ӧд Тэ веськыд, а ми – мыжаӧсь.

Псалтыр 51:3

Вына мортӧй, мыйла ошйысян лёк вӧчӧмнад? Енлӧн буралӧмыс оз помасьлы!

Исай 1:4

Курыд шог мыжа войтырлы! Налӧн мыжъясыс личкӧны найӧс. Курыд шог лёк вӧчысьяслӧн котырлы, тшыкӧм оласнога йӧзлы! Найӧ эновтісны Господьӧс, нинӧмӧ пуктісны Израильлысь вежа Енмӧс, дзикӧдз бергӧдчисны Сыысь.

Исай 3:9

Налӧн чужӧмас гижӧма, мый найӧ – лёк вӧчысьяс. Содомын олысьяс моз найӧ восьсӧн да яндысьтӧг ошйысьӧны асланыс мыжъясӧн. Курыд шог налы! Найӧ асьныс ӧшлӧны ас выланыс лёксӧ.

Исай 58:1

Горзы гораджыка, эн кут асьтӧ, буксан шы моз гораа горзы! Инды Менам войтырлы налӧн лёк уджъяс вылӧ, инды Яков рӧдлы налӧн мыжъяс вылӧ.

Исай 64:4

Му пуксьӧмсяньыс на некод эз тӧдлы, эз кывлы пель, эз аддзывлы син, мый Тэ кындзи эм кутшӧмкӧ мӧд ен, коді эськӧ та мында вӧчис сы вылӧ лача кутысьлы.

Еремей 14:7

– Мыжъясным мыждӧны миянӧс, но Тэ, Господьӧй, отсав миянлы Аслад нимыд ради. Ми унаысь эновтлім Тэнӧ, мыж вӧчим Тэныд паныд.

Еремей 3:2

Лэпты синтӧ изъя керӧсъяслань да видзӧдлы, эм-ӧ сэтшӧм керӧсыс, кӧні эськӧ тэ эн сетчы мукӧд енъяслы. Овтӧминын кыйӧдчысь араб моз тэ пукалін туй бокын да виччысин ветлысь-мунысьясӧс. Мукӧд енъяслы сетчӧмнад да лёк вӧчӧмнад тэ пежалін мусӧ.

Езекиль 5:6

Но Ерусалимын олысьяс кыпӧдчисны Менам индӧд-тшӧктӧмъяслы паныд, мукӧд войтыръяс дорысь унджык лёксӧ вӧчисны да ёнджыка на Менсьым тшӧктӧмъясӧс торкисны. Найӧ бокӧ вештӧмаӧсь Менсьым тшӧктӧмъясӧс, оз овны Менам индӧдъяс серти.

Езекиль 7:16

Ловйӧн кольысьяс керӧсӧ пышъясны, гулюяс моз кырта потасӧ дзебсясны. Быдӧн пондас ымзыны-бӧрдны аслас мыж вӧснаыс.

Езекиль 7:23

Найӧ вайӧдасны Израиль войтырӧс шызьӧмӧдз, ӧд муыс тырас вир кисьтӧмӧн, юркарын паськалас виалӧм-дзескӧдӧм.

Осий 4:2

Сетӧм кывнысӧ торкӧны, пӧръясьӧны, виӧны да гусясьӧны, гозъякост олӧм пежалӧны, вир кисьтӧмлы помыс абу.

Осий 5:5

Израильлӧн вылӧ кыпӧдчӧмыс бергӧдчӧ аслыс паныд. Израиль да Ефрем усясны мыжныс понда, накӧд тшӧтш усяс Иуда.

Осий 7:10

Израильлӧн вылӧ кыпӧдчӧмыс ас вылас усьӧ, но сійӧ оз бергӧдчы Господь дінӧ, оз корсь ассьыс Енсӧ.

Аввакум 1:4

Индӧдыс лои вынтӧм, веськыда мыждӧмыс абу. Лёк вӧчысь дзескӧдӧ мыжтӧмӧс, ёрдысьяс оз веськыда мыждыны.

Лыд 32:23

Но онӧ кӧ тадзи вӧчӧй, Господьлы паныд мыж вӧчанныд и мыж вӧснаныд асьныд кывкутанныд.