Исай 59:10 - Коми Библия 2023

¹⁰ Синтӧм моз ми ветлам стен пӧлӧн, аддзытӧм моз ми ветлӧдлам кималасӧн, лунъюгыднас ми крукасьлам пемыдас моз, ловъяяс пӧвстын ми кулӧмаяс кодьӧсь.

Исай 59:10 Kruisverwysings

Иов 5:14

Лунъюгыднас найӧс вевттьӧ пемыдыс, луншӧрнас найӧ ветлӧны войын моз кималасӧн.

Шусьӧгъяс 4:19

Лёк вӧчысьлӧн туйыс – пемыдсьыс-пемыд, сійӧ оз тӧд кытчӧ крукасяс.

Исай 28:13

Господьлӧн кывйыс лоӧ налы татшӧм: тшӧктӧм бӧрся тшӧктӧм, тшӧктӧм бӧрся тшӧктӧм, велӧдӧм бӧрся велӧдӧм, велӧдӧм бӧрся велӧдӧм, татысь мыйкӧ, сэтысь мыйкӧ. Найӧ мунасны, усясны да доймасны. Найӧ веськаласны налькйӧ, и найӧс кутасны.

Исай 8:14

Сійӧ лоӧ вежа крамнас и крукасян изнас, кытчӧ крукасясны Израильлӧн кыкнан ӧксы рӧдыс, сійӧ лоӧ лэчкӧн да тывйӧн Ерусалимын олысьяслы.

Исай 8:15

Унаӧн крукасясны, усясны да пасьмунасны, дзугсясны тывйӧ, шедасны налькйӧ.

Еремей 13:16

Ошкӧй Господьӧс, ассьыныд Еннытӧ, кытчӧдз Сійӧ оз мӧдӧд пемыдсӧ. Сэки ті понданныд крукасьлыны пемыд керӧсъяс вылын, кутанныд виччысьны югыдсӧ, но югыдсӧ Сійӧ вӧчас сап пемыдӧн, сьӧд пемыд войӧн.

Бӧрданкыв 3:6

Важӧн кулӧмаӧс моз Сійӧ йӧршитіс менӧ пемыдінӧ.

Бӧрданкыв 4:14

Ӧні найӧ синтӧмъяс моз шӧйтӧны туй вывті, вирӧн пежасьӧмаӧсь, на дінӧ оз позь инмӧдчыны вирӧсь паськӧмныс вӧсна.

Езекиль 21:15

Мед тіраласны-поласны сьӧлӧмъяс, мед унджыкӧн крукасясны. Карса дзиръяяс дорӧ Ме сувтӧда повзьӧдана шыпурт. Сійӧс весалӧма, медым чардби моз югъялас, лэчтӧма, медым начкас-кералас.

Амос 8:9

Сійӧ лунӧ, – висьталӧ Господь Ыджыдыс, – Ме тшӧкта шонділы пуксьыны луншӧр кадӧ, лунъюгыднас вевття мусӧ пемыдӧн.

Микей 3:6

Таысь найӧс виччысьӧ пемыд, кӧні абу Енсянь петкӧдчылӧмыс, виччысьӧ сап пемыд, кӧні абу водзвыв юӧртӧмыс. Татшӧм пророкъяслы шондіыс пуксяс, лунъюгыдыс лоӧ пемыд.

Иоан 12:35

Сэки Исус шуис налы: «Этшаник кад югыдыс лоас на тіянкӧд. Сідзкӧ, ветлӧй югыдыс дырйи, медым пемыдыс эз пӧдты тіянӧс. Пемыдас ветлысь оз тӧд, кытчӧ мунӧ.

Иоан 12:40

– Енмыс тупкис налысь синнысӧ, чорзьӧдіс налысь сьӧлӧмнысӧ, медым эз аддзыны синнаныс, эз гӧгӧрвоны сьӧлӧмнаныс да эз бергӧдчыны Мелань, медым Ме бурдӧді найӧс.

Индӧд 28:29

Луншӧрнас ті кутанныд ветлӧдлыны кималасӧн, кыдзи синтӧм ветлӧдлӧ пемыдас. Тіян нинӧм оз кут артмыны. Лунысь-лун тіянӧс кутасны увтыртны да дзескӧдны, и тіянӧс некод оз дорйы.

1 Иоан 2:11

Воксӧ мустӧмтысь ветлӧ пемыдас, сійӧ оз тӧд, кытчӧ мунӧ, ӧд пемыдыс тупкӧма сылысь синсӧ.