Исай 57:4 - Коми Библия 2023

⁴ Код вылын ті сераланныд, кодлы паныд вомнытӧ паськӧдланныд да кывнытӧ петкӧдланныд? Ті – мыжыслӧн челядь, ылӧгыслӧн йылӧм.

Исай 57:4 Kruisverwysings

2 Каднебӧг 36:16

Но найӧ лёкӧдісны Енсянь юӧртысьясӧс да нинӧмӧ пуктісны Сылысь кывъяссӧ. Найӧ омӧльтісны Енлысь пророкъяссӧ сэтчӧдз, кытчӧдз Господь эз скӧрмы Аслас войтыр вылӧ, и налы эз вӧв мездмӧмыс.

Петӧм 9:17

Тэ век на паныд кыпӧдчан Менам войтырлы, он лэдз сійӧс.

Исай 1:4

Курыд шог мыжа войтырлы! Налӧн мыжъясыс личкӧны найӧс. Курыд шог лёк вӧчысьяслӧн котырлы, тшыкӧм оласнога йӧзлы! Найӧ эновтісны Господьӧс, нинӧмӧ пуктісны Израильлысь вежа Енмӧс, дзикӧдз бергӧдчисны Сыысь.

Исай 10:15

Чер ӧмӧй ошйысьӧ чернас керасьысь водзын? Пила ӧмӧй ошйысьӧ пилитчысь водзын? Бедь ӧмӧй шенасьӧ мортӧн, коді сійӧс киас кутӧ? Бедь ӧмӧй лэптӧ мортӧс, кодӧс абу пуысь вӧчӧма?

Исай 30:1

Курыд шог кывзысьтӧмъяслы, – висьталӧ Господь. – Найӧ сёрнитчӧны, но Метӧг, кӧрталӧны йитӧд, но оз Менам кӧсйӧм серти. Тадзи найӧ мыж дінӧ мыж содтӧны.

Исай 30:9

Ӧд тайӧ войтырыс кывзысьтӧм, найӧ пӧръясьысьяс, оз кӧсйыны кывзыны Господьлысь Индӧдсӧ.

Исай 37:23

Кодӧс тэ омӧльтін? Кодӧс тэ лёкӧдін? Кодлы паныд тэ гӧлӧстӧ кыпӧдін? Код вылӧ ышнясьӧмӧн видзӧдін? Израильлӧн вежа Ен вылӧ!

Исай 37:29

Тэ кыпӧдчин Меным паныд, тэнад ышнясьӧмыд воис Менам пельӧдз. Таысь Ме сюя тэнад ныр розьӧ кольча да кӧртвомала тэнӧ, сэсся бӧр ыста тэнӧ сійӧ туйӧдыс, кыті тэ локтін.

Исай 48:8

Тэ эн кывлы, эн тӧдлы та йылысь, тэнад пельыд важысянь тупкыса. Ме тӧді, мый тэ ылӧдчысь, мам кынӧмсяньыд нин тэнӧ шуӧны паныд кыпӧдчысьӧн.

Исай 57:5

Тіян лёкколӧмныд ӧзъялӧ пашкыр пуяс пӧвстын, быд веж пу улын. Ассьыныд челядьнытӧ ті ваянныд вись пыдди шоръяс дорын да керӧс потасъясын.

Еремей 20:8

Быд пӧрйӧ, кор ме сёрнита, ме юӧрта виалӧм-дзескӧдӧм да бырӧдӧм йылысь. Господьлӧн кывйыс вӧсна менӧ лёкӧдӧны, ме вылын быд лун сералӧны.

Езекиль 2:4

Найӧ яндысьтӧмӧсь да чорыд сьӧлӧмаӧсь. Ме мӧдӧда тэнӧ на дінӧ, медым тэ шуан налы, мый тадзи висьталӧ Господь Ыджыдыс.

Осий 10:9

Израиль, тэ мыж вӧчин Гиваын, и сійӧ кадсянь ӧнӧдз мыж вӧчан. Сэні жӧ, Гиваын, тышыс суас мыж вӧчысьясӧс.

Лыд 16:11

Тэ аслад йӧзкӧд кыпӧдчин Господьлы паныд. Ті ӧд онӧ Аарон вылӧ, а Господь вылӧ ропканныд».

Матвей 13:38

Кӧдза муыс – муюгыдыс. Бур кӧйдысыс – Енлӧн йӧзыс, ёг туруныс – омӧльлӧн йӧзыс.

Матвей 27:29

юрас пуктісны лежнӧгысь кыӧм юркытш, веськыд киас сетісны бедь. Сэсся пидзӧс выланыс Сы водзӧ сувтӧмӧн шуалісны сералігтырйи: «Мед олас иудейяслӧн Ӧксы!»

Лука 10:16

Тіянӧс кывзысь Менӧ кывзӧ, тіянӧс ӧтдортысь Менӧ ӧтдортӧ, а Менӧ ӧтдортысь ӧтдортӧ Менӧ Мӧдӧдысьӧс».

Ап. уджъяс 9:4

Сійӧ усис муас да кыліс шыасьӧм: «Савл, Савл, мыйла вӧтлан Менӧ?»

Ефесӧ 5:6

Некод мед оз ылӧдлы тіянӧс ковтӧм сёрниӧн, ӧд таысь кывзысьтӧмъясӧс суас Енлӧн скӧрлуныс.

Колосӧ 3:6

Тадзи олӧмысь кывзысьтӧм йӧз вылӧ лэччӧ Енлӧн скӧрлуныс.

Нав Исус 10:21

Став израильса тышкайӧзыс дзоньвидзаӧн бӧр локтісны Македаӧ сувтӧдӧм чомъясӧ Исус дінӧ. Израиль пиян вылӧ некод эз лысьт весиг вомсӧ восьтны.

2 Петыр 2:13

Налы лоӧ мынтысьӧма лёк вӧчӧмсьыныс. Найӧ яндысьтӧмӧсь да пежӧсь, радейтӧны гажӧдчыны лунъюгыднас, пукалӧны тіянкӧд ӧти пызан сайын, но пӧръясьӧны.