Исай 55:4 - Коми Библия 2023

⁴ Давид пыр Ме петкӧдлі войтыръяслы Ассьым вынӧс, пукті сійӧс налы юралысьӧ да веськӧдлысьӧ.

Исай 55:4 Kruisverwysings

Ӧксыяслӧн 2 небӧг 22:44

Тэ мездін менӧ паныд кыпӧдчысь войтырысь, видзин менӧ, мед пуктыны юралысьӧ тшӧтш мукӧд войтыръяслы. Меным кесъялӧны войтыръяс, кодъясӧс водзын эг тӧдлы.

Псалтыр 2:6

«Ме мавтышті Ассьым Ӧксыӧс да сувтӧді Сійӧс Сионӧ, Менам вежа керӧс вылӧ».

Исай 16:5

Сэки лоӧ сувтӧдӧма юралан пуклӧс, юралӧмыс зумыдмас буралӧмӧн. Сэтчӧ пуксяс Давид рӧдысь збыльыс серти юралысь, веськыда мыждысь, веськыдлунсӧ вӧчысь.

Исай 43:10

Ті ӧд тӧданныд, мый Ме – Енмыс, – висьталӧ Господь. – Тэ, Израиль, Менам кесйӧгӧй, Ме бӧрйи тэнӧ, медым ті тӧдінныд Менӧ да эскинныд Меным, медым ті гӧгӧрвоинныд, коді Ме. Меӧдз эз вӧв енмыс, и Ме бӧрти оз ло.

Исай 43:12

Ме водзвыв висьталі да мезді, юӧрті тіянлы, мый лоас. Тіян пӧвстын эз вӧв мукӧд енмыс. Ті тӧданныд, – висьталӧ Господь, – мый Ме – Енмыс,

Еремей 30:9

а кутасны кесъявны Господьлы, асланыс Енлы, да Давидсянь чужысьлы, кодӧс Ме пукта налы ӧксыӧ.

Езекиль 37:24

Менам Давид кесйӧгӧй лоӧ налӧн ӧксынас да видзысьнас. Найӧ пондасны овны Менам индӧд-тшӧктӧмъяс серти.

Езекиль 37:25

Найӧ кутасны овны муын, мый Ме сеті Аслам Яков кесйӧглы. Сэні олісны налӧн батьясныс, и сэні пондасны овны найӧ да налӧн ныв-пиныс, и водзӧ нэмъяс чӧж – насянь чужысьяс. Менам Давид кесйӧгӧй лоӧ налӧн ӧксынас нэмъяс чӧж.

Даниил 9:25

Тӧд да гӧгӧрво, мый сійӧ кадсяньыс, кор петас тшӧктӧм выльысь сувтӧдны Ерусалим кар, да сійӧ кадӧдзыс, кор локтас мавтыштӧм Ӧксы, коляс сизимысь сизим во да квайтымын кыкысь сизим во. Сьӧкыд кадӧ Ерусалим карсӧ лоӧ выльысь кыпӧдӧма, изэрдъяссӧ да стенъяссӧ лоӧ выльысь вӧчӧма.

Осий 3:5

Но сэсся Израиль войтыр бӧр бергӧдчас да корсяс ассьыс Господь Енсӧ да Давид ӧксысӧ. Бӧръя лунъясӧ найӧ пондасны полӧмӧн пыдди пуктыны Господьӧс да Сылысь бурлунсӧ.

Матвей 2:6

– Иуда муын Виплием кар, Иудалӧн мукӧд юрнуӧдан каръясысь тэ абу ичӧтджык. Виплием карысь петас Юралысь, Менсьым ыжъясӧс, Израиль войтырӧс, Сійӧ видзны кутас».

Иоан 10:27

Менам ыжъясӧй кылӧны Менсьым гӧлӧс шыӧс. Ме тӧда найӧс, и найӧ локтӧны Ме бӧрся.

Иоан 10:3

сылы йӧр видзысь восьтӧ ӧдзӧссӧ. Ыжъяс кылӧны ыж видзысьлысь гӧлӧс шысӧ. Сійӧ чуксалӧ ыжъяссӧ нимъяснас да петкӧдӧ найӧс йӧр ортсыӧ.

Иоан 12:26

Меным кесъялысь мед локтӧ Ме бӧрся. Кӧні Ме лоа, сэні тшӧтш лоӧ Менам кесъялысьӧй. И Меным кесъялысьӧс Батьӧй бурӧ пуктас.

Иоан 13:13

Ті шуанныд Менӧ Велӧдысьӧн да Господьӧн. Ті веськыда шуанныд, Ме буретш сійӧ.

Иоан 18:37

Пилат шуис Сылы: «Сідзкӧ, Тэ Ӧксы?» Исус вочавидзис: «Тэ ачыд шуан, мый Ме Ӧксы. Ме чужи да локті муюгыдас, медым висьтавны збыль йывсьыс. Коді збыльыслӧн, сійӧ кывзӧ Менсьым кывъясӧс».

Иоан 3:16

Енмыслы сэтшӧм мусаӧсь йӧзыс, мый сетіс Ассьыс ӧтка Писӧ, медым Сылы эскысь эз вош, а помтӧг оліс.

Ефесӧ 5:24

Кыдзи вичкоыс кывзысьӧ Кристослысь, сідзи гӧтыръяс быдторйын кывзысьӧй асланыд верӧсъяслысь.

2 Фессалоникаӧ 1:8

ыпъялан би пытшкын да мыждас найӧс, кодъяс оз тӧдны Енсӧ да оз кывзыны миян Господь Исус Кристослысь Бур Юӧрсӧ.

1 Тимофейлы 6:13

Ставыслы олӧм сетысь Ен водзын да Исус Кристос водзын, коді восьсӧн висьталіс збыльсӧ Понтий Пилатлы, ме кора тэнӧ:

Еврейяслы 2:10

Енмыс, кодсянь ставыс эм да кодлы ставыс, кӧсйӧ уна ныв-пиӧс вайӧдны Аслас дзирдлунӧ. Та вӧсна Исуслы, мездмӧмас Нуӧдысьлы, Енмыс лэдзис нуны сьӧкыдсӧ, медым Сы пыр помӧдз вайӧдны Ассьыс мӧвпыштӧмсӧ.

Еврейяслы 5:9

Сійӧ помӧдз вайӧдіс Енлысь мӧвпыштӧмсӧ да пыр кежлӧ лои мездмӧмсӧ Сетысьӧн быдӧнлы, коді кывзысьӧ Сылысь.

Восьтӧм 1:5

да Исус Кристоссянь. Сійӧ – эскана Висьталысь, Сійӧ медводдзаӧн ловзис кулӧмысь да ыджыдалӧ мувывса ӧксыяс вылын. Сылы ми ёна мусаӧсь. Аслас вирӧн Сійӧ мыськаліс миянӧс мыжъясысь,

Восьтӧм 3:14

«Лаодикия вичкоса анделлы тадзи гиж: Со мый висьталӧ Аминь, эскана да збыль Висьталысь, Енлӧн став вӧчӧмторлы Подулыс.