Исай 54:5 - Коми Библия 2023

⁵ Ӧд тэнад верӧсыд – тэнӧ Вӧчысьыд, Сылӧн нимыс – Господь Саваоф. Тэнӧ Мездысьыд – Израильлӧн вежа Ен, Сійӧс шуӧны став му пасьтала ыджыдалысь Енмӧн.

Исай 54:5 Kruisverwysings

Иов 19:25

Но ме тӧда, менам Мездысьӧй ловъя! Сійӧ медбӧръяыс, коді сувтас му вылӧ.

Исай 11:9

Менам вежа керӧс вылын оз нин пондыны вӧчны лёксӧ. Кыдзи саридзыс тырӧма ваӧн, сідзи муыс лоӧ тырӧма Господьӧс тӧдӧмӧн.

Исай 43:1

Господь, коді вӧчис тэнӧ, Яков, коді вӧчис тэнӧ, Израиль, ӧні тадзи висьталӧ: – Эн пов, Ме ньӧби тэнӧ, чукӧсті тэнӧ нимнад, тэ – Менам.

Исай 43:14

Господь, тіянӧс Мездысь, Израильлӧн вежа Ен, тадзи висьталӧ: – Тіян вӧсна Ме мӧдӧда Вавилонӧ тышкайӧзӧс, медым жугӧдны сэні став игансӧ. Калдея войтыр пышъясны корабльяс вылын, кӧні водзынджык гажӧдчисны.

Исай 45:11

Господь, Израильӧс Вӧчысь, Израильлӧн вежа Ен тадзи висьталӧ: – Энӧ юасьӧй Менсьым, мый лоас Менам челядькӧд, энӧ велӧдӧй Менӧ, мый Меным вӧчны Аслам киӧн вӧчӧмторъяскӧд.

Исай 48:17

Господь, тэнӧ Мездысь, Израильлӧн вежа Ен, тадзи висьталӧ: – Ме – Господь, тэнад Енмыд, Ме велӧда тэнӧ бурас, нуӧда тэнӧ сійӧ туйӧдыс, кыті тэныд колӧ муннысӧ.

Исай 48:2

Ті шуанныд асьнытӧ вежа карысь петысьясӧн, ті лача кутанныд Израильлӧн Ен вылӧ. Сылӧн нимыс – Господь Саваоф.

Исай 51:15

Ме – Господь, тэнад Енмыд, Ме гызьӧда саридзсӧ, и гыясыс ыджыд шыӧн кутасны бузгыны. Менам нимӧй – Господь Саваоф.

Исай 54:8

Скӧрлунӧй ыпнитігӧн Ме кад кежлӧ бергӧдчи тэысь, но Ме кута буравны тэ дінӧ, лоа помтӧг бур сьӧлӧма тэ дінӧ, – висьталӧ Господь, тэнӧ Мездысь.

Исай 6:3

Найӧ чуксасисны ӧта-мӧдныскӧд да сьылісны: «Вежа, вежа, вежа Господь Саваоф, став муыс тырӧма Сылӧн дзирдлунӧн!»

Исай 65:16

Коді бурсиас асьсӧ тайӧ муас, сійӧ бурсиас асьсӧ збыль Ен нимӧн. Коді кыв сетас тайӧ муас, сійӧ кыв сетас збыль Ен водзын. Важ шогъяссӧ лоӧ вунӧдӧма, водзӧ найӧ оз нин лоны Менам син водзын.

Еремей 10:16

Но Яковлӧн Енмыс абу на кодь, ӧд Сійӧ ставсӧ Вӧчысьыс, Сылӧн нимыс – Господь Саваоф, а Израиль – Сылӧн бӧрйӧм войтырыс.

Еремей 3:14

«Бергӧдчӧй Ме дінӧ, кывзысьтӧм войтырӧй, – висьталӧ Господь, – ӧд Ме – тіян Верӧсныд. Весиг кӧ карын коляс ӧти морт, чужанкотырын – кык морт, Ме босьта найӧс да вайӧда Сионӧ.

Еремей 51:19

Но Яковлӧн Енмыс абу на кодь, ӧд Сійӧ ставсӧ Вӧчысьыс, Сылӧн нимыс – Господь Саваоф, а Израиль – Сылӧн бӧрйӧм войтырыс.

Езекиль 16:8

Бӧрынджык, кор Ме муні тэ бокті, Ме аддзи, мый воӧма тэнад мусукасян кадыд. Ме павкниті тэ вылӧ паськӧм дорышӧс да вевтти тэнсьыд куш яйтӧ. Ме кыв сеті тэныд, мый тэ лоан Менам, да кӧрталі тэкӧд йитӧд, – висьталӧ Господь Ыджыдыс. –

Осий 2:16

Сійӧ лунӧ, – висьталӧ Господь, – Израиль шыасяс Ме дінӧ: «Верӧсӧй», и водзӧ оз нин шу Меным: «Ваалӧй».

Осий 2:18

Сійӧ лунӧ Аслам войтырлы бур вылӧ Ме кӧртала йитӧд зверъяскӧд, енэжвыв лэбачьяскӧд да мувыв гаг-веглясьысьяскӧд. Ме чегъяла ньӧввуж-шыпуртъяс, ылыста налӧн муысь тышъяс да сета налы повтӧг овны.

Закар 14:9

Господь лоӧ став му пасьталаыс ӧксыӧн. Сійӧ лунӧ Господь лоӧ ставныслы Енмӧн, и сӧмын Сы дінӧ пондасны шыасьны.

Малакий 1:11

Асыввылын и рытыввылын войтыръяс нимӧдӧны Менӧ, быдлаын тшынӧдчӧны Меным, вайӧны Меным сӧстӧм вись. Менӧ ыдждӧдлӧны войтыръяс, – висьталӧ Господь Саваоф. –

Лука 1:32

Ыджыд морт Сыысь петас, Сійӧс шуасны Медвылыссалӧн Пиӧн. Господь Ен сетас Сылы Давид батьыслысь юралан пуклӧссӧ.

Иоан 3:29

Верӧспуӧн шуӧны сійӧс, кодлӧн эм гӧтырпу. Верӧспулӧн ёртыс орччӧн сулалӧ да нимкодясьӧмӧн кывзӧ сылысь сёрнисӧ. Ме тшӧтш тадзи нимкодяся, и менам нимкодьлунӧй помтӧм-дортӧм.

Ефесӧ 5:32

Тайӧ – ыджыд гусятор. Ме висьтала тайӧс Кристос да вичко йылысь.

Нав Исус 3:11

Со, став му пасьтала ыджыдалысь Господьлӧн Йитӧд кудйыс вуджас Йӧрдан ю вомӧн тіян водзвылын.

Нав Исус 3:13

Став му пасьтала ыджыдалысь Господьлысь Йитӧд куд нуысь попъяс кор тувччасны Йӧрдан юӧ, сэки ваыс дугдас визувтны да сувтас стенӧн».

Восьтӧм 11:15

Кор сизимӧд анделыс тутсіс трубаӧ, енэжас кылісны гора шыяс. Найӧ шуалісны: – Став муюгыдыс лои миян Господьлӧн да Сылӧн Мавтыштӧмалӧн юраланінӧн. Сійӧ кутас юравны нэмъяс чӧж!