Исай 53:3 - Коми Библия 2023

³ Йӧзыс Сійӧс увтыртісны-ӧтдортісны, Сійӧ нуис уна сьӧкыдлун да висьӧм, а ми бергӧдім Сыысь ассьыным чужӧмнымӧс. Сійӧс увтыртісны, и ми нинӧм туйӧ пуктім Сійӧс.

Исай 53:3 Kruisverwysings

Псалтыр 88:4

Ме, Господь, кӧрталі йитӧд Аслам бӧрйӧмакӧд, кыв сеті Аслам Давид кесйӧглы.

Исай 49:7

Господь, Израильӧс Мездысь, сылӧн вежа Ен, тадзи висьталӧ ыджыдалысьяслӧн кесйӧглы, кодӧс ставныс увтыртӧны, кодӧс лёкӧдӧны войтыръяс: – Тэнӧ аддзигӧн ӧксыяс сувтасны, юралысьяс копыртчасны муӧдзыс, ӧд Господь эскана, ӧд Израильлӧн вежа Ен бӧрйис тэнӧ.

Исай 50:6

Ме сеті кучкавны ассьым мышкӧс, лэдзи нетшкыны тошкӧс. Ассьым чужӧмӧс эг тупкы менӧ лёкӧдысьясысь да ме вылӧ сьӧлалысьясысь.

Исай 52:14

Унаӧн шензисны Сы вылӧ, сэтшӧм ёна вӧлі дойдалӧма Сійӧс, Сійӧ эз нин вӧв морт кодь.

Исай 53:10

Господьлӧн вӧлі шуӧма дойдны Сійӧс, мӧдӧдны Сылы сьӧкыдлунъяс. Но кор Сійӧ Асьсӧ ваяс мыж вештан вись пыдди, Сійӧ аддзас Сысянь чужысьясӧс, кодъяс кутасны дыр овны. Господьлӧн кӧсйӧмыс инас Сы пыр.

Исай 53:4

Сійӧ босьтіс Ас вылас миянлысь висьӧмнымӧс, нуис миянлысь дойяснымӧс. Ми чайтім, мый Енмыс дойдалӧ, нӧйтӧ да мыждӧ Сійӧс.

Микей 5:1

Ерусалимын олысьяс, петӧй тышӧ, ӧд миянӧс кытшалісны! Израильлысь ёрдысьӧс кутасны кучкавны, беддьӧн кучкаласны чужӧмбанас.

Закар 11:8

Ӧти тӧлысьӧн ме вӧтлі куим видзысьӧс, дӧзми тшӧтш ыжъяс вылӧ, и найӧ мустӧмтісны менӧ.

Матвей 26:67

Сэсся сьӧлалісны Исуслы чужӧмас, нӧйтісны Сійӧс да чужӧмас кучкалӧмӧн

Матвей 27:63

да шуисны: «Ыджыдӧй, миянлы тӧд выланым уси, мый эсійӧ пӧръясьысьыс ловъя дырйиыс на шуліс, куим лун мысти пӧ ловзя.

Марк 10:33

«Ӧні ми мунам Ерусалимӧ. Сэні Морт Пиӧс сетасны аркирейяслы да Индӧдӧ велӧдысьяслы. Найӧ шуасны вины Сійӧс, сетасны ентӧдтӧмъяс киӧ.

Марк 10:34

Найӧ сераласны-лёкӧдасны Сійӧс, сьӧлаласны да чорыда нӧйтасны, сэсся виасны. Но коймӧд луннас Сійӧ ловзяс».

Марк 14:34

Сійӧ шуис: «Шогӧй кувмӧн топӧдӧ лолӧс. Кольччӧй татчӧ да энӧ узьӧй».

Марк 15:19

Кучкалісны юрас беддьӧн, сьӧлалісны Сійӧс да пидзӧсчанясьӧмӧн копрасисны Сы водзын.

Марк 9:12

Сійӧ вочавидзис: «Дерт, Иллялы колӧ водзджык локны да ставсӧ лӧсьӧдны. А Морт Пи йылысь гижӧма, мый уна сьӧкыд Сылы ковмас нуны да лоны увтыртӧмаӧн.

Лука 16:14

Тайӧс кывлісны фарисейяс. Найӧ сералісны Исусӧс, ӧд налы вӧлі муса озырлуныс.

Лука 19:41

Ерусалимлань матыстчигӧн Исус видзӧдліс кар вылас да бӧрдӧмӧн

Лука 8:53

Исус вылын пондісны серавны, ӧд тӧдісны, мый нывкаыс куліс.

Лука 9:22

Сэсся шуис: «Морт Пилы уна сьӧкыд ковмас нуны. Юрнуӧдысьяс, аркирейяс да Индӧдӧ велӧдысьяс ӧтдортасны Сійӧс. Сійӧс виасны, но коймӧд луннас Сійӧ ловзяс».

Иоан 11:35

Исуслӧн синваыс петіс.

Иоан 8:48

Иудейяс шуисны Исуслы: «Ми веськыда висьталам, мый Тэ Самарияысь да Тэ пытшкын пеж лов».

Индӧд 32:15

[Яков сёйис,] Ешурун тшӧгис да лои асныра, тшӧгис, кызіс да госсяліс. Сійӧ эновтіс Енсӧ, ассьыс Вӧчысьсӧ, мустӧмтіс ассьыс вына Мездысьсӧ.

Еврейяслы 4:15

Миян эм Аркирей, коді бура гӧгӧрвоӧ миянӧс жеблунным дырйи. Миянӧс моз Сійӧс быдторйын вӧлі ыштӧдӧма, но мыжсӧ Сійӧ эз вӧчлы.

Еврейяслы 5:7

Му вылын олігӧн Исус кыз синваӧн да гораа бӧрдӧмӧн корис-кевмысис Сылы, коді вермис мездыны Сійӧс кулӧмысь. Ен кыліс Сылысь кевмӧмсӧ, ӧд Исус кывзысис Сылысь.