Исай 53:12 - Коми Библия 2023

¹² Та вӧсна Ме сета Сылы пай ыджыдъяс пӧвстын, тышын шедӧдӧмасӧ Сійӧ пондас юкны вынаяскӧд, ӧд Сійӧ сетіс Асьсӧ кулӧм вылӧ, Сійӧс пуктісны лёк вӧчысьяс лыдӧ. Сійӧ босьтіс Ас вылас уна йӧзлысь мыжъяссӧ, кевмысис лёк вӧчысьяс вӧсна.

Исай 53:12 Kruisverwysings

Олӧм 3:15

Тэ да ань костӧ, тэсянь чужысь да аньсянь чужысь костӧ пукта лӧгалӧм: сійӧ пасьвартас юртӧ, а тэ сылы коклябӧрас чушкан».

Иов 30:16

Менӧ шымыртісны шогӧн тырӧм лунъяс, олӧмӧй эновтӧ менӧ.

Псалтыр 2:8

Кор Менсьым, и Ме вичмӧда Тэныд войтыръясӧс, сета Тэнад кипод улӧ став муюгыдсӧ.

Петӧм 15:9

«Суӧда, – шуис вӧтӧдысь, – тшапнита да юкла кыйдӧсӧс, тадзи бурмӧда сьӧлӧмӧс. Перъя шыпуртӧс да ставнысӧ сутшкала».

Исай 49:4

А ме чайті, мый весьшӧрӧ ме мырси-уджалі, весьшӧрӧ да ковтӧг ассьым вынӧс вошті. Но Господьсянь лоӧ меным веськыда мыждӧмыс, менам Енсянь лоӧ меным тырдоныс.

Исай 52:13

– Менам кесйӧглӧн ставыс кутас артмыны, Сійӧс кутасны бурӧ пуктыны, ыдждӧдлыны да нимӧдны.

Исай 52:15

Уна войтыр пондасны шензьыны Сы вылӧ, ӧксыяс тупкасны вомнысӧ Сы водзын, ӧд найӧ аддзасны сійӧ, мый йылысь налы эз висьтавлыны, тӧдмаласны сійӧ, мый йылысь найӧ эз кывлыны.

Исай 53:6

Ми ставным вӧлім вошӧм ыжъяс кодьӧсь, быдӧн кежим асланым туй вылӧ, но Господь пуктіс Сы вылӧ ставнымлысь мыжъяснымӧс.

Исай 53:8

Сійӧс кутісны, мыждісны, нуӧдісны, нетшыштісны ловъяяслӧн му вылысь, но некод эз шогсьы, мый лоӧ Сыкӧд. Менам войтырлӧн мыжъяс вӧсна Сійӧс нӧйтісны кувтӧдзыс.

Даниил 2:45

Сійӧн тэ и аддзылін, мый изйыс чуктіс керӧсысь морт ки отсӧгтӧг да жугӧдіс кӧртсӧ, ыргӧнсӧ, сёйсӧ, эзысьсӧ да зарнисӧ. Ыджыд Ен сетіс тӧдны ӧксылы, мый лоӧ локтана кадӧ. Тайӧ вӧтыс збыль, и сійӧс гӧгӧрвоӧдӧмыс веськыд».

Матвей 26:42

Исус мӧдысь муніс да бара кевмысис: «Батьӧй, Ме дінысь кӧ оз позь вештыны тайӧ чашасӧ, Меным кӧ колӧ юны сійӧс, мед лоас Тэнад кӧсйӧм серти».

Марк 15:27

Сыкӧд орччӧн тувъялісны кык лёк вӧчысьӧс: ӧтисӧ веськыдладорас, мӧдсӧ шуйгаладорас.

Марк 15:28

Тадзи иніс Гижӧдыс: «Сійӧс пуктісны Индӧдтӧг олысьяс лыдӧ».

Лука 22:37

Висьтала тіянлы: Ме йылысь гижӧма: ”Сійӧс пуктісны Индӧдтӧг олысьяс лыдӧ”. Тайӧ гижӧмыслы колӧ инны. Ме йылысь став шуӧмыс ӧні инӧ».

Лука 23:25

Налӧн корӧм серти сійӧ лэдзис дзескыдінысь зык лэптысьӧс, коді виис тшӧтш мортӧс. А Исусӧс сетіс налӧн кипод улӧ.

Ап. уджъяс 26:18

мед восьтны налысь синсӧ да бергӧдны найӧс пемыдсьыс югыдӧ, сӧтана кипод улысь Ен дінӧ, медым Меным эскӧмӧн найӧ босьтасны мыжъясысь прӧститӧмсӧ да вежа войтырлы Енсянь вичмӧдӧмасӧ”.

Римӧ 8:34

Коді вермас мыждыны найӧс? Сӧмын Исус Кристос. Но Сійӧ куліс, ловзис да ӧні Ен веськыдладорын кевмысьӧ миян вӧсна.

2 Коринфӧ 5:21

Кристослӧн эз вӧв некутшӧм мыж, но Енмыс пуктіс Сы вылӧ миянлысь мыжъяснымӧс, медым Сы пыр ми лоим Ен водзын веськыдӧн.

Филипӧ 2:17

Весиг ковмас кӧ кисьтны ассьым вирӧс да вайны ачымӧс вись пыдди тіян эскӧмныд вӧсна, тіянкӧд ӧтвыв кута нимкодясьны.

Колосӧ 2:15

Сійӧ песовтіс ыджыдалысьясӧс да вынаясӧс, шыбитіс найӧс яналӧмас да вермис Кристос пыр.

Титлы 2:14

Кристос сетіс Асьсӧ миян вӧсна, медым мездыны миянӧс быд лёксьыс, сӧстӧммӧдны миянӧс да торйӧдны Аслыс войтырӧс, коді сьӧлӧмсяньыс пондас вӧчны бурсӧ.

Еврейяслы 12:2

да видзӧдны Исус вылӧ. Сійӧ – миянлы эскӧмсӧ Сетысьыс да тырвыйӧ эскӧмас Вайӧдысьыс. Локтана нимкодьлун понда Сійӧ нуис крест вылын дойсӧ, нинӧм туйӧ пуктіс лёкӧдӧмсӧ да пуксис Ен пуклӧс веськыдладорӧ.

Еврейяслы 7:25

Та вӧсна Сійӧ дзикӧдз вермӧ мездыны найӧс, кодъяс Сы пыр локтӧны Ен дінӧ. Сійӧ помтӧг олӧ, медым кевмысьны на вӧсна.

Еврейяслы 9:24

Та вӧсна Кристос пырис эз киӧн вӧчӧм вежаинӧ, мый вӧлі вӧчӧма збыль вежаин серти, а пырис дзик енэжас, медым сувтны Ен водзӧ миян пыдди да дорйыны миянӧс.

Еврейяслы 9:26

Кристос кӧ тадзи вӧчис, му пуксьӧмсяньыс Сылы эськӧ унаысь нин ковмыліс кувны. Но бӧръя кадӧ Сійӧ сӧмын ӧтчыдысь вайис Асьсӧ вись пыдди, медым бырӧдны мыж.

Еврейяслы 9:28

Тадзи Кристос ӧтчыдысь вайис Асьсӧ вись пыдди, медым бырӧдны мыжсӧ став йӧзыслысь. Мӧдысь Сійӧ локтас оз мыж бырӧдӧм могысь, но медым мездыны найӧс, кодъяс виччысьӧны Сійӧс.

1 Иоан 2:1

Челядьӧй, гижа тайӧс тіянлы, медым ті энӧ вӧчӧй мыжсӧ. А мыжмас кӧ кодкӧ, тӧдӧй, мый Бать водзын миян эм Дорйысь, веськыда олысь Исус Кристос.

1 Иоан 2:12

Челядь, тіянлы гижа, ӧд Кристос ним вӧсна прӧститӧма мыжнытӧ.