Исай 52:11 - Коми Библия 2023

¹¹ Мунӧй, мунӧй, ылыстчӧй сэтысь, энӧ инмӧдчӧй пежас, дзикӧдз ылыстчӧй сэтысь, лоӧй сӧстӧмӧсь, Господьлысь вежа дозъяс новлӧдлысьяс.

Исай 52:11 Kruisverwysings

1 Каднебӧг 15:12

Налы шуис: «Ті, левитъяслӧн рӧдкутысьяс, вежӧдӧй-сӧстӧммӧдӧй асьнытӧ да вокъяснытӧ, сэсся вайӧй Израильлӧн Господь Енлысь кудсӧ сійӧ местаас, мый ме дасьті сылы.

Петӧм 30:19

Аарон да сылӧн пияныс мед мыськасны сэні ки-кокнысӧ.

Исай 1:16

Сӧстӧммӧдчӧй, весалӧй асьнытӧ, медым водзӧ Ме эг нин аддзы тіянлысь лёк уджъяснытӧ. Дугдӧй вӧчны лёксӧ,

Исай 48:20

Петӧй Вавилонысь, пышйӧй Калдеяысь! Гораа нимкодясьӧмӧн юӧртӧй, висьтавлӧй та йылысь, паськӧдӧй тайӧ юӧрсӧ му помӧдзыс. Висьтавлӧй тадзи: Господь мездіс Ассьыс Яков кесйӧгсӧ.

Исай 66:20

Сэки тіянлысь вокъяснытӧ, кодъяс олӧны мукӧд войтыр пӧвстын, тарантасъяс да телегаяс вылын, вӧвъяс, мулъяс да верблюдъяс вылын ваясны козин пыдди Господьлы Ерусалимӧ, Менам вежа керӧс вылӧ, – висьталӧ Господь. – Найӧс ваясны сідзи, кыдзи Израиль войтыр сӧстӧм дозмукын вайӧ нянь Господьлӧн крамӧ.

Еремей 31:21

Сувтӧд туй бокад изъяс, сувтӧд аслыд пасъяс, медым эн вунӧд ветлан туйтӧ. Бергӧдчы, Израиль ныв, бергӧдчы аслад каръясӧ.

Еремей 50:8

Пышйӧй Вавилонысь, мунӧй Калдея муысь, кӧзаяс моз мунӧй ыж чукӧр водзын.

Еремей 51:45

Менам войтырӧй, петӧй Вавилонысь, видзӧй ассьыныд олӧмнытӧ, пышйӧй Господьлӧн яр скӧрлунысь!

Еремей 51:6

Пышйӧй Вавилонысь, видзӧй ассьыныд олӧмнытӧ, медым Вавилонлӧн мыжъяс вӧсна энӧ кулӧй, ӧд воис кад, кор Господь мынтысьӧ Вавилонлы, водзӧс перйӧ сылысь.

Езекиль 44:23

Попъяс мед велӧдасны Менсьым войтырӧс торйӧдны, мый вежа, а мый абу вежа. Мед гӧгӧрвоӧдасны, мый пеж, а мый сӧстӧм.

Левит 10:3

Мӧисей шуис Ааронлы: «Господь ӧд та йылысь висьталіс, кор шуис: ”Ассьым вежалунӧс Ме петкӧдла Ас бердын кесъялысьяс пыр, Ассьым дзирдлунӧс петкӧдла войтырлы”». Аарон чӧв оліс.

Левит 11:45

Ӧд Ме – Господь. Ме петкӧді тіянӧс Египет муысь, медым лоны тіян Енмӧн. Сідзкӧ, лоӧй вежаӧсь, ӧд Ме – вежа».

Левит 11:47

медым торйӧдны сӧстӧмсӧ пежсьыс да торйӧдны, кутшӧм пемӧсӧс позьӧ сёйны, а кутшӧмӧс оз.

Левит 21:6

Аслас Ен водзын поп мед лоас вежа. Мед оз янӧд аслас Енлысь нимсӧ, ӧд сійӧ вись вайӧ Господьлы, нянь – аслас Енлы. Та вӧсна сылы колӧ лоны вежаӧн.

Закар 2:10

Нимкодясь да гажӧдчы, Сион ныв! Ме локта да овмӧдча тэ ордӧ, – висьталӧ Господь.

Закар 2:11

Сійӧ лунӧ уна мукӧд войтыр локтасны Господь дінӧ да лоӧны Сылӧн войтырӧн. Господь кутас овны тэ ордын, и тэ тӧдмалан, мый Господь Саваоф мӧдӧдіс менӧ тэ дінӧ.

Лыд 16:26

Войтырыслы Мӧисей шуис: «Вешйӧй тайӧ мыжа йӧзыслӧн чомъяс дорысь, налӧн эмбур-кӧлуй дінӧ энӧ инмӧдчӧй. Онӧ кӧ кывзысьӧй, налӧн мыжъяс вӧсна [накӧд ӧтвылысь] куланныд».

Лыд 19:11

Коді инмӧдчылас мортлӧн шойыс дінӧ, сійӧ сизим лун чӧж лоӧ пеж.

Лыд 19:16

Быдӧн, коді ывлаын инмӧдчылас шыпурт помысь кулӧм либӧ мӧд ногӧн кулӧм морт дінӧ, морт шойлӧн лыясӧ либӧ шой дзебанінӧ, сизим лун чӧж лоӧ пеж.

Лыд 8:6

«Израиль пиян пӧвстысь торйӧд левитъясӧс да сӧстӧммӧд найӧс.

Ап. уджъяс 10:14

Петыр шуис: «Ог, Господьӧй. Ме некор эг сёйлы нинӧм шогмытӧмсӧ да пежсӧ».

Ап. уджъяс 10:28

Петыр шуис налы: «Ті тӧданныд, мый иудейяслы оз позь ӧтувтчыны да волысьны мукӧд войтыркӧд. Но Ен меным петкӧдліс, мед ме некодӧс эг пукты шогмытӧмӧ да пеж туйӧ.

Римӧ 14:14

Ме бура тӧда да эска Господь Исуслы, мый, збыльвылас, нинӧм абу пеж. Сӧмын сылы лоӧ пеж, коді лыддьӧ мыйкӧ пежӧн.

2 Коринфӧ 6:17

Сідзкӧ: – Петӧй на пӧвстысь да ылыстчӧй наысь, – висьталӧ Господь. – Энӧ инмӧдчӧй пежас, сэки Ме сибӧда тіянӧс.

Ефесӧ 5:11

Энӧ ӧтувтчӧй пемыдас олысьяслӧн ковтӧм уджъясӧ, мӧдарӧ, янӧдӧй найӧс.

1 Петыр 2:11

Мусаяс, тайӧ му вылас ті ветлысь-мунысьяс кодьӧсь. Ёна кора тіянӧс: энӧ кывзысьӧй асланыд вир-яйлӧн лёк кӧсйӧмъяслысь, ӧд найӧ тышкасьӧны тіян ловкӧд.

1 Петыр 2:5

да вайӧй асьнытӧ ловъя из пыдди, медым Ен вӧчас тіянысь Аслас Ловлы оланін. Сэки лоанныд вежа поп котырӧн да кутанныд вайны Ловсянь вись, мый лоӧ шогмана Енмыслы Исус Кристос пыр.

Восьтӧм 18:4

Сэсся ме кылі енэжысь мӧд гӧлӧс шы. Сійӧ шуис: – Войтырӧй Менам, петӧй тайӧ карсьыс, медым энӧ ӧтувтчӧй сылӧн мыж вӧчӧмас, медым сійӧс моз эз су тіянӧс бырӧдӧмыс.